順德聯誼總會李兆基中學

出自維基百科,自由嘅百科全書
Jump to navigation Jump to search
Shun Tak Fraternal Association
Lee Shau Kee College
順德聯誼總會李兆基中學
順德聯誼總會李兆基中學本部全貌
校訓:文行忠信[1]
地址
香港新界葵涌葵盛圍303號
明細
津貼中學[2],男女校
校訓 校訓:文行忠信[1]
成立 1978年[3]
校區 葵青區
校監 梁昇
校長 鄧卓莊[4]
教師人數 62[5]
初中總共四班
初中二至三每級五班
新高中一至三級分別有
文科班、理科兩班、理商班、商科班
預科(中七)一文一理[6]
學生人數 1111 [7]
校色 紅(文社)
、黃(行社)
、綠(忠社)
、藍(信社)
出名運動 學界田徑越野籃球
排球足球羽毛球
乒乓球壁球圓球
學界游水網球
刊物 《竹木》
《學校通訊》[9]
辦學團體 順德聯誼總會[8]
舊時校長 曾幹雄(署理,任期:1978)
崔康常(任期:1978-1995)
曾日明(任期:1996-2012)
電話 (852)2429-4051,2429-4462
網站

順德聯誼總會李兆基中學英文STFA Lee Shau Kee College,響學校中華電力變電站上嘅英文名:Lee Zao Kai College)係一間位於香港葵涌葵盛圍303號嘅文法英文中學(英文簡稱E.M.I.),響1978年創校,隔離就係樂善堂顧超文中學

簡介[編輯]

概況[編輯]

呢間學校主要用英文教,響學界運動同埋公開考試成績超班出名[未記出處或冇根據]。多次幾多次?攞到區內女子運動項目嘅總冠軍。2011-2012學年度嘅「中一自行分配學位」總共有超過560位小六學生申請,競爭率大約一比十二。

校歌[編輯]

用咗順德聯誼總會屬校通用嘅校歌,由作過《先總統蔣公紀念歌》嘅作曲家黃友棣先生作曲,陳荊鴻填詞嘅《順德聯誼總會屬校校歌》。 [10]

校訓[編輯]

出自《論語‧述而篇》。佢話:「子以四教,文、行、忠、信」[11]

[12][編輯]

  • 文:是(係)要多聞多學
  • 行:是(係)要循規蹈矩
  • 忠:是(係)要勤懇負責
  • 信:是(係)要誠實互敬

學社[編輯]

學校嘅四個學社用返校訓啲字嚟安:

社名
(英文名)
社衣嘅顏色 2011-2012年度嘅社長
文社
(Red House)
紅色 劉皓明
行社
(Yellow House)
黃色 吳顯榮
忠社
(Green House)
綠色 胡嘉豪
信社
(Blue House)
藍色 劉峻逸

每年,四社都會參與校內嘅社際比賽,好似「社際文史哲問答比賽」、「環村跑比賽」、「校運會」、「社際公民常識問答比賽」、「水運會」等。成年嘅社際獎項都會喺學期尾度頒。

各班結構[編輯]

2011-2012學年,學校喺中一開咗4班,中二至中六每級都開5班(中四到中六開文科一班,商科一班,理商科一班同埋理科兩班),而中七級就開咗2班(文商科同理科各一班)。

捐助人[編輯]

學校最大嗰幾位捐助人:

校內高層人員[編輯]

歷任校長[編輯]

  • 曾幹雄先生(署理)(任期:1978)
  • 崔康常先生(任期:1978-1995。而家嘅香港恆生商學書院院長) 
  • 曾日明先生(任期:1996-2012)
  • 鄧卓莊先生 (現任)

現副校長 (2012學年起)[編輯]

  • 鄭沛鴻先生
  • 梁宏業先生

特色[編輯]

運動[編輯]

學校嘅運動水平可謂全區之冠。十幾年嚟,學校積極參與由香港學界體育聯會舉辦嘅賽事,截到2007年,學校一共攞到300幾個團體獎,兼且獲得男子組總錦標冠軍13次同埋女子組總錦標冠軍15次,第13度蟬聯男子同女子組全年總冠軍。喺各項運動裏面,又以游泳最出眾。2007年喺六個組別嘅賽事裏面,學校成功囊括咸𠾴唥6個團體冠軍。而學校喺每學年最尾嗰陣會舉辦葵青區校際體育頒獎禮。

數學[編輯]

學校嘅學生喺數學方面嘅表現都好彪炳,先後喺香港青少年數學精英選拔賽香港數學競賽(HKMO)決賽表現突出或者攞到季軍。

喺第9屆香港青少年數學精英選拔賽中攞到團體第5名,排喺傳統名校喇沙書院皇仁書院拔萃男書院同埋聖言中學之後。

校風[編輯]

學校能為每位學生締造和諧、開放、接納、關懷嘅校園氣氛,以培養富(有)愛心、能(夠)自律、勤(於)治學、(謹)慎思辨、擅(長)溝通、(勇)敢承擔、肯(願意)創新、有遠見、具胸襟、懂欣賞嘅新一代。同時,學校鼓勵同學關心社會,服務社群,關懷社會中不幸人士,關懷惡化緊嘅自然環境。並且加強高年級同學以身作則嘅意識,從而提升佢哋嘅領袖才能,喺低年級同學當中起典範作用[13]

歷來事態[編輯]

  • 啱啱開學,中一就開咗設12班。由於校舍唔能夠如期喺當年9月1號完工,校方卒之借用咗葵涌嘅香港道教聯合會鄧顯紀念學校四個月,直到1979年初,先至搬返而家呢度。
  • 1982至1983年度,學校成為政府津貼中學。同年,游泳池得到贊助興建兼且開始動工。相關工程喺1984-1985學年搞掂。電腦實驗室同埋語言實驗室(匿喺何照林禮堂低層)。
  • 1988至1989學年,每級嘅班數固定喺5班。
  • 多得李兆基博士捐助,學校所有課室喺1992-1993學年冚𠾴唥裝晒冷氣機。
  • 1995至1996年,間間課室都順利完成裝晒視聽器材(AV)。
  • 喺1998-1999學年度,成為香港第112間英文中學。同一年,本部教學大樓、實驗大樓都起多咗一層,令學校總層數由四層加到五層。
  • 2004年暑假之前,校內小食部係由校內某位男體育老師嘅親屬搞,個個都讚佢啲嘢食價廉物美。但嗰時學校校務部指小食部違規,跟住某位副校對嗰位仁兄聲稱話要告上食物環境衛生署。嗰位仁兄飽受威嚇,卒之交出營辦權。鑒於外邊嘅營辦商辦小賣部成本高啲,令校內售賣啲嘢食價錢升,師生都唔可以享受到價廉物美嘢食,即刻引起學生不滿及對某副校假仁假義嘢怨恨。
  • 同年,學校資訊科技組舉行名堂叫「'FRUIT」(Fund Raising Upgrading Information Technology)嘅籌款活動,藉以爭取得到教育局批出全資基金嚟更換校內所有舊電腦。2007學年,學校嘅電腦都被更換成戴爾Windows XP電腦。
  • 2007年,學校喺第9屆香港青少年數學精英選拔賽攞到團體第5名,頭4名都係傳統勁校:喇沙書院、皇仁書院、拔萃男書院同聖言中學[14]
  • 2007年,著名企業家、慈善家田家炳蒞到學校。
  • 2008年3月6日,星島日報接到投訴,話2007年12月初,見到學校兩名女生懷疑喺葵涌廣場一間叫做「孤注一扭」嘅玩具舖裏邊偷嘢,投訴人重畀埋網上連結,包括咗十六幅懷疑係女生偷嘢過程嘅閉路電視相。事件直到有人將啲相上載到互聯網先被揭發。
  • 2008年11月,李兆基博士有份畀錢起嘅新圖書館大樓完工,並喺同年11月28號校慶典禮完結後由李兆基博士、孫明揚局長同一眾校董揭碑開幕。
  • 2009年2月,極地科學家李樂詩博士蒞到,同師生分享極地探險心得。
  • 2009年3月,學校喺香港創意思維活動競賽《地球之旅》第三組別攞到全場總冠軍同埋最佳風格獎兩項殊榮。隊伍喺同年5月底代表香港飛到美國愛荷華州州立大學(Iowa State University)參加2009年創意思維世界賽,兼且喺「長期題」賽事中嘅得分名列全球第四,最終總分喺全球37隊中名列14。
  • 2011年2月,因應香港第時升中一嘅適齡人數越嚟越少,學校決定參加教育局嘅「自願優化班級結構」計劃。2011-2012學年起,中一級班數由現時五班減到得返四班,兼且逐年推廣到其他級。
  • 2011年12月15號,曾校長喺早會講佢對近日中五某啲學生喺學生會民主牆上寫「法西斯領袖生」嘅言論感到錯愕同埋遺憾[15],嗰時佢引用自己嘅「治校理念」,認為學生應該尊重校方政策。字裏行間,佢透露出自己將難以勝任嚟得知學校未來發展。重話希望學生可以喺呢刻聽吓佢話。

三十週年校慶[編輯]

2008年係學校嘅校慶年。校方拎「三十而立,喜迎新高」同「三不朽:立德.立功.立言」嚟做校慶年嘅口號。其中,「三十而立」語出孔子論語》,「喜迎新高」就代表全校師生已準備好用歡欣快樂嘅心情嚟迎接2009年香港教育局推行嘅三三四高中教育改革。至於三不朽,校方希望同學能夠做到一個有德行嘅人,為校爭光,訂好目標,勇於挑戰,唔易放棄。

校慶典禮
時間: 2008年11月28號,農曆十一月初一 下午3:30至5:00
地點: 順德聯誼總會李兆基中學何照林禮堂
  圖書館 圖書館剪綵儀式
出席人[16] 孫明揚GBSC.B.E.JP太平紳士 現任教育局局長
李兆基博士,大紫荊勳賢 而家嘅恆基兆業中華煤氣主席,新鴻基地產發展有限公司副主席
校監、校董
盤翠瑩小姐 著名校友,係無綫電視新聞女主播
鄺晶晶小姐 著名校友,而家做緊耀才財經台主持,之前做亞洲電視新聞女主播
校長
副校長
老師
家長
學生 中一至中三級

學生會[編輯]

學年 會名 會長 得票率
2010-2011 Bear 鍾楚翹 75.5%
2009-2010 Fusion[17] 彭耀威 56.7%
2008-2009 Prism 陳楚蕎 52%
2007-2008 U 聯盟 葉鎮輝 59.5%
2006-2007 Revolution 莫栢軒 84%
2005-2006 Unicorn 王仲安 82.7%

學校刊物[編輯]

  • 《禮物》雙月號,每雙月底出版,係2012-2013年度學生會出版嘅刊物
  • 《竹木》雙月號,每雙月底出版,係2011-2012年度學生會出版嘅刊物
  • 《學校通訊》每學年出版兩期,係官方刊物

[編輯]

  1. LSKC 簡介-校訓:http://www.lskc.edu.hk/intro.html 互聯網檔案館歸檔,歸檔日期2011年11月25號,.
  2. LSKC 簡介-學校類別:http://www.lskc.edu.hk/intro.html 互聯網檔案館歸檔,歸檔日期2011年11月25號,.
  3. LSKC 簡介-創校年份:http://www.lskc.edu.hk/intro.html 互聯網檔案館歸檔,歸檔日期2011年11月25號,.
  4. LSKC 簡介-創校年份:http://www.lskc.edu.hk/intro.html 互聯網檔案館歸檔,歸檔日期2011年11月25號,.
  5. LSKC 簡介-教書先生人數:http://www.lskc.edu.hk/intro.html 互聯網檔案館歸檔,歸檔日期2011年11月25號,.
  6. LSKC 班級結構:http://www.lskc.edu.hk/intro_3.html 互聯網檔案館歸檔,歸檔日期2009年1月22號,.
  7. LSKC 簡介-學生人數:http://www.lskc.edu.hk/intro.html 互聯網檔案館歸檔,歸檔日期2011年11月25號,.
  8. LSKC 簡介-校長:http://www.lskc.edu.hk/intro.html 互聯網檔案館歸檔,歸檔日期2011年11月25號,.
  9. https://family.lskc.edu.hk/files/pub/11_2011.pdf 《學校通訊》第46期
  10. "校歌". (原先內容喺2007年1月25號歸檔). 喺2012年5月7號搵到. 
  11. 順德聯誼總會學校--校訓釋義
  12. "順德聯誼總會李兆基中學《2010 – 2013三年學校發展計劃》" (PDF). (原先內容 (PDF)喺2012年2月27號歸檔). 喺2012年5月7號搵到. 
  13. http://www.chsc.hk/ssp/sch_detail8.php?lang_id=2&sch_id=323[失咗效嘅鏈] 家庭與學校合作事宜委員會 《中學概覽 2011/2012 -- 家校合作及校風》
  14. http://www.hkymhasc.org/lhb07.htm
  15. 2011-2012 -- 《校長周四早會分享》 December
  16. [/news/08/12/01/SD-998055.htm "順聯會李兆基中學慶30周年"] 檢查|url=值 (詳情) (用繁體中文寫). 大公報. 2008-12-1. 喺2011-12-2搵到.  檢查日期值喺: |access-date=, |date= (詳情)
  17. Fusion網[失咗效嘅鏈]