𨳍

出自維基百科,自由嘅百科全書
(由𡴶跳轉過嚟)

𨳍粵拼cat6[註 1]粵語粗口五字之一[1],正寫同原意皆未查明,眾説紛紜。坊間普遍認為佢代表男人下陰嘅全部或者部分,不過佢多數嘅口語用法同性無關。

其他方言[編輯]

喺部分南番順方言同埋絕大部份西部粵語,𨳍多為圓脣音,而唔同於「七」音;喺區分舌尖、舌面音嘅方言入便讀舌尖音,唔同於「出」音:

流行意思[編輯]

黃霑本《不文集》寫道:「七是大而軟的,故稱大而無當,不靈不活者曰笨七。[註 2][2]」家陣好多人視呢句嘢為「𨳍」嘅標準釋義,經常引用佢。

本字考究[編輯]

個別理論[編輯]

𡴶𫵱彭志銘指其意思為膥袋;個字收錄於馬奕猷戥Theodore F. Wempe嘅《The Student's Cantonese-English Dictionary》[3]馮田獵嘅《粵語同音字典》同李卓敏嘅《李氏中文字典》[4]

詹憲慈喺《廣州語本字》話可以指男陰嘅呢個字,經過音轉就得出而家用緊嘅版本。

黃氏嘅《粵語古趣談三編》推敲,「蔡」可以解「龜」,「龜」又可以表示「陰莖」,因而「蔡」都有「陽具」呢個解法,經音轉得出家陣嘅音。

曾焯文認為,據《周易》,數目「七」(同「九」)都係陽物象徵,加上音轉,就形成而家興嗰個音咯[5]。至於「柒」,係「七」嘅大寫。

cheat:「赤佬」喺吳語當中經常用嚟鬧人,而「赤」嘅呢種用法唔知點樣傳咗入去粵語道[6],發音轉變唔大……張濟和推斷「赤」係當中嘅本字[7]李碧華相信其正寫乃「出」[8]朱大可認為佢係(英文)「cheat」嘅擬音字[9]

綜合而言[編輯]

「𨳍」嘅本字可能指膥袋同㞗之一或者兩樣加埋,又話唔定根本同陰部無關;以上理論,通通錯澌或者多過一套啱,都有可能;有唔同意思嘅兩個甚至更多本字,隨着時間流逝,逐漸俾人撈亂當係一樣都唔出奇。不過無論點樣,自命有教養嘅人,都會對呢類字棹忌,唔畀佢哋登大雅之堂,偏偏所謂市井之徒會慣咗成日求其公開咁講,而且多數用作粗口[10]。於是,長年冇有識之士為呢啲學問著書立説,普羅大眾又懶得深究噉人云亦云,此消彼長之下,到而家可以表達出嚟嘅意思已經變得含糊不清,更係難以考究[11]

俗字考究[編輯]

背景介紹[編輯]

每當想排解有音冇字嘅煩惱,唔理文人定係市井,無論嚴謹查證、穿鑿附會定係求其創作,都會有所依據[12]

逐個分析[編輯]

𨳍:此乃近代新造嘅形聲字。呢個字以「門」表形(坊間假設其本字解男子陰。),以「七」表聲(呢個字簡單兼近音。)……其創作原理同其餘四個所謂廣東話粗口字之流行寫法嘅一致。[13]

:此乃個別人士憑空杜撰出來穿鑿附會嘅「僞正字」[14]。形——其餘四個所謂廣東話粗口字之大致公認正寫均同佢一樣有「尸」呢個部件。但查證後證明佢唔係「尸」部首,只係「木」部、「尸」聲嘅形聲字。[15]音——孔仲南著嘅《廣東俗語考》寫「杘—音七。[16]」,聲稱發音似乎接近。但有考證指出審音有誤[17]。義——坊間及學界多數假設其本字解男子陰,然而佢哋喺古籍之中耖唔到佐證,唯有作出五花八門嘅揣測……字書寫「杘」解「絡絲車的搖把。」而「墨杘」解「猶豫不前或狡猾無賴。」[18],冇性嘅意思兼唔算粗俗;彭家發話「杘」解男子陰,不過唔提及何以見得。

「𨳍」字用法[編輯]

  • 名詞,陰莖嘅意思,量詞係「碌」。例子:
碌𨳍六七吋,隊到好𡳞遠。(碌嘢長達六七吋,延伸到好遠嘅地方。)
  • 形容詞,形容過咗時、好難睇、笨拙嘅形象,又可以指明形容思想,係好鮮明嘅形容用字。例子:
條友好𨳍(嗰個人嘅外表好過時、難睇、笨拙。)
條友啲思想好𨳍(嗰個人嘅思想好過時、笨拙。)
𨳍頭𨳍腦(笨笨拙拙,傻更更嘅。)
𨳍咗!(蠢咗。多數用喺發現自己做咗一件蠢事嘅自嘆。)
𨳍頭皮!(陰莖放喺頭皮上。)
  • 語氣助詞,本身冇意義。可以同「𡳞」、「」、「」字互相調換使用。家陣興用個「」字嚟代替個「𨳍」字。例子:
玩乜𨳍嘢呀?(「玩夠未呀!?」;有就嚟發難嘅意味。)
邊𨳍個呀?(「究竟邊個呀?」;同上。)
搞乜𨳍呀?(「究竟喺度做乜呀?」;有嫌人阻掟嘅意味。)
點𨳍知!(「我點會知道?」;有真係唔知,要人唔好再問嘅意味。)

助詞例[編輯]

打𨳍佢!  將佢打到變成好難睇嘅樣!

其實都係將嗰個人打到好慘嘅詞語,但係如果呢度換咗個「」字,意義層面上就會有少少唔同。箇中嘅學問係於:「前者有着重於得出嚟嘅結果,要打到佢變晒型咁先至肯收手;而後者呢就着重於個過程,總之狠狠咁打佢一餐,令到佢知痛嗌晒救命咁就可以。」由此可見,唔係每個詞語都可以將助語粗口字求其替換使用(可以參照「㞗」字嘅《「㞗」字作助詞用嘅其它例子》)。

形容詞例[編輯]

貌似北京狗,𨳍到冇人有。  市井創作俗句之一,即係話:樣貌好似隻北京狗噉,難睇笨拙到冇人比得上。

注:𨳍到冇人有,可以用𨳍到冇朋友 代替(難睇笨拙到識唔到朋友或者由有朋友變成冇朋友)

文法[編輯]

「𨳍」同「」用法相同,但係根據已故才子黃霑著作《不文集》描述,「𨳍」同「㞗」嘅分別係──「㞗」勃起係硬嘅,而「𨳍」勃起但就係軟嘅。所謂「戇㞗」同埋「笨𨳍」,平時兩個詞語同樣都係形容人愚鈍癡呆嘅,但係實際層次上亦有唔同:前者係指條嘢好易衝動咁胡亂勃起,後者就係連勃起都冇力嘅樣;所謂唔應該硬而硬嘅係「戇㞗」,應該硬但係唔硬嘅就係「笨𨳍」。總括嚟講,「𨳍」係形容呆笨愚鈍嘅粗口專用字。

「𨳍」字係使用率最少嘅廣東粗口字。佢雖然可以作為語氣助詞,一樣係夾雜喺句子裏面,但係好多時讀起上嚟都唔係幾順口。「𨳍」字除咗用嚟做形容詞之外,應用嘅範圍其實唔係多,所以多數俾人用嚟創作一啲市井嘅句子或者俗語。

常見單獨字句應用[編輯]

𨳍頭𨳍碌  指外表過時、難睇、笨吓笨吓嘅人,亦可單單指髮型。

𨳍頭皮  同樣係對人用嘅詞語,多數指男性,但係侮辱力唔係太強,亦冇一定嘅意思;多數用嚟作為同比較熟朋友嘅玩笑式稱呼。例如:「喂𨳍頭皮,今晚落老蘭蒲預埋你呀!」(喂衰嘢,今晚去蘭桂坊飲酒消遣預埋你嗰份呀!)

笨𨳍𨳍咕碌  形容超級笨拙嘅人;「笨𨳍」有時讀/寫歪成笨實避諱。

𨳍棘  原本係指龜頭同陰莖之間交接嘅凹陷地方,但係呢個詞語就多數用嚟形容超等笨拙嘅人。因為「𨳍棘」呢個位置多數俾包皮遮掩,於是亦可以引申形容嗰啲行為鬼崇古惑,出爾反爾嘅人。

𨳍下𨳍下  同「㞗下㞗下」同埋「烚下烚下」同樣係指人呆鈍,但係爆得粗口嘅話,啲人多數會用「𨳍下𨳍下」。

切𨳍  將㞗切咗去。

𨳍是我碌強  市井創作俗句之一,男性用嚟自誇嘅句子,意思係㞗之中我係最強嘅。

𡳞到用時方恨𨳍  市井創作俗句之一,意思係話到咗要用㞗嚟做愛嘅時候,先至悔恨自己平時冇乜鍛練,搞到而家抬唔起頭。

切𨳍煲湯派街坊  市井創作俗句之一,用嚟鬧嗰啲冇咩用嘅人。例句:你都係冇𡳞用㗎啦,不如切𨳍煲湯派街坊好過啦!(睇你做乜都唔掂咁冇鬼用,不如將㞗切出嚟煲湯,然後分畀啲左鄰右里好過啦。)

𨳍𡳞懵懵食甜筒  市井創作俗句之一,形容好似舔著雪糕咁呆呆鈍鈍嘅人。

吮𨳍  同「含𡳞」一樣,指口交

[編輯]

  1. 發音為何並無爭議;此乃最常見之俗寫。
  2. 照搬原文,隻字未改。

[編輯]

  1. 田家溥 (2017-01-01). 使. 化研究@嶺南. 56. 原著喺2021-06-24歸檔. 喺2021-06-22搵到.
  2. 黃霑. (1996). . 王司馬 (第59版). 香港: 博益出版集團有限公司. ISBN 962-17-4618-3. OCLC 122729839.
  3. 本土新聞 (2016-02-09). . (香港中文). 原著喺2021-06-29歸檔. 喺2021-06-08搵到.
  4. 彭志銘 (2007). 狗懶擦鞋 : 香港粗口文化研究. 香港: 次文化有限公司. ISBN 978-962-992-161-3. OCLC 179440215.
  5. 曾焯文. . (香港中文). 原著喺2021-06-08歸檔. 喺2021-06-08搵到.
  6. 彭家發 (2019-06-24). . (繁體中文). 喺2022-09-09搵到.
  7. 强济和 (2008-06-30). "赤佬"由来土记. 歸檔時間2008-06-30. 喺2022-09-09搵到.{{cite web}}: CS1 maint: bot: original URL status unknown (link)
  8. 赤佬 - 李碧華 | 蘋果日報•聞庫. . 2015-11-11. 喺2022-09-09搵到.
  9. 朱大可 (2013-06-17). . 新博客-新世纪的常识传播者. 财新网. 歸檔時間2013-06-17. 喺2022-09-09搵到.{{cite web}}: CS1 maint: bot: original URL status unknown (link)
  10. 彭家發 (2008-10-24). . (臺灣中文). 卓越新聞獎基金會. 喺2022-09-09搵到.
  11. 潘渝霈 (2018-12-03). 100年前台灣人都罵什麼髒話?絕對不只你娘一口氣譙完,日本人都嚇傻-風傳媒 (臺灣中文). 喺2022-09-09搵到.
  12. 解講粗口?遺 | 陳凱文 | 獨立媒體. web.archive.org. 2022-02-22. 歸檔時間2022-02-22. 喺2022-09-11搵到.{{cite web}}: CS1 maint: bot: original URL status unknown (link)
  13. . . 2020-05-21. 喺2022-09-11搵到.
  14. 字:常用香港外字表 [刻石錄]. founder.acgvlyric.org. 喺2022-09-13搵到.
  15. 字:常用香港外字表 [刻石錄]. founder.acgvlyric.org. 喺2022-09-13搵到.
  16. 孔仲南 (1933). (第1版). 廣州: 南方扶輪社.
  17. (臺灣中文). 2017-02-07. 喺2022-09-13搵到.
  18. . chardb.iis.sinica.edu.tw. 喺2022-09-12搵到.