Portal:時人時事/2020年8月

捷克參議院議長維特齊（英文：Miloš Vystrčil）繼承咗前議長柯佳洛嘅生前計畫，應臺灣立法院長游錫堃嘅邀請，同布拉格市長茲德涅克·賀吉普（英文：Zdeněk Hřib）等共九十人嘅代表團抵達桃園國際機場，展開外訪臺灣嘅行程，同總統蔡英文等官員會面。維特齊（英文：Miloš Vystrčil）係有史以來訪台最高級別嘅捷克官員之一。中共駐捷克大使館發言人對此表示咗反對，而維特齊（英文：Miloš Vystrčil）就回應呢次外訪係延續返前總統哈維爾同前外長丹斯特比爾建立嘅外交傳統，即係要捍衛自由同民主，同民主嘅國家合作，唔理其他人係有乜意見。(中央通訊社)(路透社) (大紀元)

南蒙古人權信息中心（Southern Mongolian Human Rights Center）發放消息，話內蒙古教育部門喺26號宣佈咗要新學年開始強令啲學校用漢語取代蒙古語教學，連日嚟引發咗南蒙古民眾嘅不滿，當地出現大規模嘅「公民不服從」抗議運動。據報喺南蒙古各地嘅學生、家長同教師都發起咗抵制，唔少學校課堂就變吉嗮。而唔少學生仲著咗傳統嘅蒙古裝落街抗議，多間學校都有家長要求接返走啲仔女。喺離呼和浩特成千公里遠嘅扎魯特旗，當地嘅蒙語學校度有數百名家長要求接返仲住宿嘅仔女，卻俾差人架起啲鐵馬阻著嗮，喺對峙幾個鐘後，大批家長成功咁衝破咗差佬嘅防線同接走啲後生仔女。(自由時報) (青年日報) (立場新聞)

44歲嘅俄羅斯反對派人物阿力西·拿華連兒（Alexei Navalny）一直係俄羅斯總統普京（Vladimir Putin）最大聲嘅批評者之一，咁多年以來組織多次抗議，亦多次俾人落毒。呢位反普京人士8月19號朝早搭飛機由西伯利亞飛返首都莫斯科嘅途中突然不適陷入昏迷。佢搭嘅班機即刻緊急降落係西伯利亞城市鄂木斯克（Omsk）。醫生話佢當時已經處於昏迷狀態。佢嘅發言人同隊友懷疑有人喺機場一間咖啡廳內，喺佢杯茶裏面放咗一啲嘢，疑似被「落毒」。負責醫佢嘅其中一位醫生話目前仲未可以確定係被落毒。2017年呢位反政府人士俾人淋綠油，右眼遭受到嚴重嘅化學灼傷造成暫時性失明。2019年9月俄羅斯舉行地方選舉，俄羅斯當局以遊行未批准為由將佢同另外幾位反對派人士拘留30日。服刑期間佢出現臉部腫脹嘅疑似中毒過敏症狀，被緊急送院。(上報) (香港電台) (BBC)

雖然每年非洲嘅尼羅河都會因為暴雨而氾濫，但係今年雨季都未真係開始蘇丹就已經因為洪災造成最少65人死亡，並摧毀30,000幾間房屋，有近700隻牛死亡。蘇丹新聞社報導，由於天氣惡劣，有差唔多2,000名金礦工被困喺加達里夫州東部嘅兩個礦山中。蘇丹氣象部門預測，至少大半個八月嘅降雨量都將會高於平均水平，繼而導致進一步嘅洪水氾濫。當地官員努賽巴·法魯克·卡洛爾（Nusaiba Farouk Kalol）同美聯社通電話，話暴雨搞到個布特大壩倒塌。蘇丹洪水氾濫一大部份嘅原因係基礎設施落後，下水道系統同埋去水渠功能不足。(AfricaNews) (Al Jazeera) (Relief Web)

上萬嘅泰國人係曼谷嘅民主紀念碑（Democracy Monument）示威遊行集會，高呼佢哋嘅三大訴求。呢次係自從2014年軍事政變以來最大規模嘅群眾示威抗議。一個月前嘅18號由學生團體自由青年（Free Youth）舉辦嘅集會亦都係喺呢度進行。(yahoo) 呢一個月泰國政府都冇乜回應呢班學生嘅請願，仲喺7月撤銷咗紅牛（Red Bull）提神飲品集團共同創辦人許書標（Chaleo Yoovidhya）個孫沃拉育（VorayuthYoovidhya）涉嫌2012年喺曼谷揸法拉利撞死警察後肇事逃去，魯莽駕駛等罪嫌，更加令到群眾憤怒。 (中央廣播電臺) 之後喺 8月 7號，泰國政府又以煽動為由逮捕咗人權律師Anon同埋學生領袖Panupong。泰國警方更喺8月15號逮捕知名學生運動領袖巴利（Parit Chiwarak），罪名包括煽動、攻擊以及舉辦可能會散布武漢肺炎嘅集會。群眾嘅三大訴求係一) 解散軍政府國會要求政府進行全面改革，二) 要求重寫2017年嘅軍事憲法，因為佢哋認為嗰個憲法歪曲咗舊年嘅選舉結果同偏向軍事結盟嘅政黨，三) 停止打壓異議人士，即係要言論自由。(星島日報)

台灣前高雄市市長韓國瑜喺6月份被將近94萬嘅高雄選民罷免，而喺呢日舉行咗市長補選，結果民進黨嘅陳其邁獲得咗超過67萬票，以七成嘅得票率贏咗國民黨嘅李眉蓁，同埋民眾黨候選人吳益政。之前嘅市長選舉度陳其邁係輸過咗畀韓國瑜。 (聯合報)(自由時報)

白俄羅斯嘅選舉喺8月9號舉行。喺8月10號長期總統盧卡申科（Alexander Lukashenko）獲得80.23％選票壓倒性勝利。總統候選人季哈諾夫斯卡婭（Svetlana Tikhanovskaya）唔承認選舉結果，話選舉「舞弊」，同埋要求重新計算票數。第二晚爆發抗議活動。季哈諾夫斯卡婭繼承咗佢因為參選總統而被捕坐緊監嘅老公，但係季哈諾夫斯卡婭8月11號流亡咗去立陶宛因為當權者捉咗佢幾個助選團員。(BBC中文)

美國財政部公佈咗制裁11名損害香港自治嘅中港官員名單，包括咗特首林鄭月娥、警務處處長鄧炳強、中聯辦主任駱惠寧、國安公署署長鄭雁雄等人。華盛頓指呢班官員損害咗香港嘅自治仲有香港人表達、集會嘅自由。依據制裁嘅要求，被制裁嘅高官在美資產唔論係直接或間接持有，只要超過一半嘅權益都會被凍結，仲要需向財政部下屬嘅外國資產控制辦公室（OFAC）報告。另外除非美國當局嘅許可，否則任何當地嘅機構都唔可以同被制裁人有業務嘅往來，唔可以向對方提供資金、貨品或服務。(立場新聞)，(BBC中文)，(VOA)

黎巴嫩首都貝魯特（Beirut）黃昏嘅時候碼頭貨倉發生大爆炸。死傷人數不停咁增加。到而家有七十幾人死亡，同四千幾人受傷。政府話可能係有成差唔多三千噸嘅易燃嘢冇跟安全手則亂咁擺。但係美國總統話有可能係恐怖襲擊。(香港電台)
伊朗半官方嘅法斯通訊社（Fars News）報導，美國海軍喺青島港嘅外圍、扣押咗一艘駛咁去伊朗嘅貨船，船度主要裝咗沸石（zeolite），話係為武漢肺炎病患需要嘅氧氣濃縮器做原料。事件原因未明。(Yahoo股市)，(中時新聞網)

南韓中部連續42天的雷電交加嘅暴雨已經令 13人死亡、7人受傷、13人失踪，同1025人受災。數字每日增加，同埋未來幾日嘅雨勢都冇減少嘅跡象，起碼繼續落到下個禮拜。5條鐵路已經停駛。(韓聯社) (中時新聞網)