2020－2021年泰國示威
2020-2021年泰國示威
| |||||||||||||
|---|---|---|---|---|---|---|---|---|---|---|---|---|---|
.jpg)     示威場景（順時針方向）： | |||||||||||||
| |||||||||||||
| 衝突方 | |||||||||||||
示威者：
政黨 |
聯合政府 | ||||||||||||
| 指揮人士 | |||||||||||||
| 安農·楠帕[4] 帕努蓬·乍諾 巴利·七瓦拉[9] 帕努莎雅·西提集拉瓦達那恭[10] |
巴育·占奧差 阿披拉·空頌蓬 差提·猜津達 | ||||||||||||
| 傷亡 | |||||||||||||
| 167人畀人拉[11][12]，63人畀人告[13][14] | |||||||||||||
2020-2021年泰國示威（泰文：การประท้วงในประเทศไทย พ.ศ. 2563–2564）係指喺2020年開始泰國發生嘅一連串反泰國政府同2014年軍政府領袖兼總理巴育·占奧差嘅示威活動。2020年2月，因為好受年輕人歡迎嘅未來前進黨畀泰國憲法法院裁定解散，當地爆發咗第一波嘅示威抗議活動。[15]但係，因為武漢肺炎疫情嘅關係，示威被迫暫停。[16]7月18號傍晚，由「自由青年」（泰文：เยาวชนปลดแอก，英文：Free Youth）領導嘅幾千名示威民眾再喺曼谷民主紀念碑前出現[17]，佢哋提出三大訴求，包括解散國會、停止威脅異議人士同埋修正軍方制定嘅憲法[4]，要求政府喺兩個星期之內回應訴求，如果唔係將會發起更大規模嘅示威[3]。示威之後擴展到全國各地超過二十個府[18]，甚至有海外泰人參與示威。2020年10月15日，泰國宣布進入緊急狀態[19]。
示威原因
[編輯]三大訴求
[編輯]全國初期嘅示威最主要都圍繞住三大訴求作為示威目標同宗旨，呢三大訴求喺7月18號民主紀念碑嘅示威裏面由「自由青年」確立，三大訴求包括：[20]
- 國會一定要解散：巴育·占奧差領導下嘅政府管理唔到經濟。喺武漢肺炎疫情之下，政府要全國進入緊急狀態，實施封城措施，但係又阻止唔到疫情擴展，令經濟崩潰，民眾受到咗一個好大嘅經濟挫折，但政府重係無動於衷。將病毒帶入泰國嘅人又有檢疫豁免，令到爆發第二波疫情嘅風險增加。所以覺得唔可以相信政府管理國家嘅能力，要求解散國會，將權力交還翻畀人民，令到博學嘅人制定經濟同政治政策。
- 停止威脅人民：喺2019年眾議院選舉之後，民眾希望可以令泰國有更加多嘅民主、言論自由同集會自由，唔會受到無理嘅指控同威脅，但國家維持和平秩序委員會依然有權力對朋友、家人、親戚「審理」，拒絕追求民主嘅人發聲，呼籲政府停止威脅人民，廢除侵犯言論自由、集會自由嘅法案。
- 制定新憲法：而家嘅憲法係由軍政府設立嘅，有利於繼承佢嘅統治，冇民主同法律基礎，但係反對憲法草案嘅人會受到威脅。而家嘅憲法內容包括：只要參議院裏面嘅250人同意，就可就任首相；獨立機構同法院用嚟否決市民同議員；投票制度嘅缺陷造成咗無能政府嘅出現等等。所以淨係得修正憲法先可以令泰國得到真正嘅民主。
限制泰國王室權力訴求
[編輯]從2020年8月10號開始，以曼谷法政大學學生為主體嘅學生團體「法政與遊行聯合陣線」（United Front of Thammasat and Demonstration）呼籲改革君主制，要求泰王瑪哈·哇集拉隆功對君主制推行改革，呼籲限制泰王權力。 9月20號，團體提交咗十項改革君主制嘅要求[21][註 1]：
- 廢除憲法第6條，呢條規定任何人都唔可以對國王提出法律控訴。增加一條條款，賦予議會對國王制衡嘅權力，類似1932年暹羅立憲革命嘅泰國人民黨向巴差提樸國王提出嘅臨時憲法。憲法嘅目的係推翻君主制，恢復泰國嘅全面民主制度。
- 廢除《君主法》第112條，呢條規定，「誹謗、侮辱或威脅國王、女王、法定繼承人或攝政王」嘅人將會被處3至15年監。允許人民言論自由同批評君主制。
- 將國王嘅個人財富同王室預算（嚟自納稅人嘅錢）分開，後者由財政部監督。
- 根據國家嘅經濟狀況相應噉減少王室預算。
- 廢除冇需要嘅機構，例如樞密院。取消國王嘅軍事權力。
- 廢除皇家慈善項目。建立一個制衡王室開支嘅制度。
- 國王唔應該公開佢嘅政治觀點。
- 取消公共關係運動同崇拜君主制度嘅教育課程。
- 搵出殺害嗰啲批評君主制同同佢哋有聯繫嘅平民嘅真相。
- 國王唔應該贊成軍事政變。
第一波（2020年2月）
[編輯]
第一波示威喺憲法法院裁定受年輕人支持嘅反對黨未來前進黨解散之後，喺2月21號開始升溫[22]，數以百計嘅學生喺2月24號上街示威[23]，之後迅速喺全國多間中學同大學爆發示威，而每間學校都有自己獨特嘅主題標籤。[24]但示威仍只局限於個別學校[25][26]。到咗後來，學校因為武漢肺炎而關閉，示威活動亦被迫暫停。[2]
第二波（2020年7月到而家）
[編輯]導火線
[編輯]2020年6月4嘅，反獨裁民主聯盟成員、流亡海外嘅泰國民主人士萬差勒·沙沙西喺金邊住所附近小鋪等待訂餐嘅時候畀一名不明黑色口罩男人拖人黑色休旅車，另外亦有兩名不明男子嘅同夥，當時佢正喺度同姐姐通電話，而最後一句話係「我唞唔到氣呀」。柬埔寨國家警察發言人話柬埔寨官方同警察冇可能會拉佢，但應承會調查事件；泰國警方就話唔知道佢嘅下落。事件引發泰國民眾抗議，要求徹查事件。[27][28]7月15號，當局報告兩宗新增武漢肺炎個案，分別係喺羅勇府嘅埃及士兵同喺曼谷宛他那縣嘅蘇丹外交官個女，佢哋兩個都獲政府豁免執行幾個唔同嘅檢測措施，但係政府去到16號先公佈兩人去過嘅地方，令網民擔心會有第二波疫情嘅出現。[29]呢啲都令到民眾批評政府豁免檢疫嘅措施[30]，嚴重影響羅勇府嘅旅遊業發展[31]。同日，泰國首相巴育·占奧差到訪羅勇府，其間有兩名示威者手持標語要求佢辭職，兩名示威者當場畀人拉咗，又畀警員襲擊，令唔少Twitter網民憤怒。[32]
示威活動
[編輯]曼谷
[編輯]
7月18號，曼谷民主紀念碑爆發咗一場自2014年政變以嚟泰國最大嘅示威[33]，大約2500名示威者喺廣場聚集。由青年倡議組織「自由青年」（泰文：เยาวชนปลดแอก，英文：Free Youth）為首嘅示威者提出咗三大訴求，分別係解散國會、停止威脅異議人士同修訂軍方制定嘅憲法。[34]集會原本預訂通宵舉行，喺第二天先解散[35]，但最後因為安全理由而提早喺午夜結束。[36]
7月22號，一班嚟自詩納卡寧威洛大學嘅學生以「SWU世代轉變」（มศว คนรุ่นเปลี่ยน）嘅名義，喺民主紀念碑舉行「褒頌呢個美麗花園」活動，諷刺軍政府喺18號為咗阻止示威者入廣場而將盆栽植物搬去廣場之內，呢啲盆栽植物喺日之後被移除。[37]
7月23號，由蓬瓦·倫甲西威（Phumwat Raengkasiwit）領導嘅新生活聯盟（Nawachiwin）喺國會大廈面前開始咗絕食抗議，希望引發對武漢肺炎疫情管理唔恰當引起極端貧窮問題嘅關注。[38][39]
7月25號，一個叫做「自由變性女性」（Free Theoy）嘅LGBT組織喺民主紀念碑集會，要求就同性婚姻立法，同埋回應示威者嘅三大訴求。[40]泰國青年領袖秦聯豐形容嗰日嘅示威好有創意，又話呢個係泰國近期示威活動裏面最有標誌性事件。[41]
7月26號，「自由青年」等組織發起咗一個叫做「奔跑吧，哈姆太郎」嘅活動，喺民主紀念碑舉行，嗰日活動包括圍繞紀念碑跑步同合唱經改編、諷刺政府腐敗嘅哈姆太郎主題曲，諷刺政府浪費納稅人嘅稅款。[37][42]之後嘅幾天裏面有好多示威都以哈姆太郎作為主題，有網民覺得呢啲都顯示咗泰國人唔願意再屈喺任人操縱嘅生活之中，希望喺呢次運動之中獲得解放、獲得自由，又話可以用「哈姆太郎運動」呢個詞命名呢次示威運動。[43]
8月3號，安農·楠帕等200個示威者喺民主紀念碑聚集，要求解散國會、重新制定憲法同實施尊重民主嘅君主立憲制同取消或者改革不敬罪。佢哋大部分都打扮成哈利波特嘅角色，話要施放「保護民主」嘅咒語，將泰王哇集拉隆功比擬做反派角色佛地魔，因為法律而只可以用「嗰個人」嚟稱呼，又諷刺副總理巴威·翁素萬係「食稅人」。[44]同場亦有示威者舉起「光復香港，時代革命」同「我哋會共同對抗獨裁政權，因為我哋係奶茶聯盟」標語。[45]示威團體話會喺8月10嘅舉行更加大規模嘅示威活動，但泰國王室冇回應。[44]
8月7日，非牟利人權組織iLaw發起聯署，希望得到五萬個簽名，修正2017年軍方制定嘅憲法。[46][47]
8月10號，人民運動組織憲法小組（Campaigning Group for Constitution of the People）提交咗舉行修正憲法公投嘅法案，與此同時，保護國家職業學生協調中心（Coordination Centre of Vocational Students for the Protection of National Institutions，CVPI）舉行集會反對示威活動，話示威者係畀人煽動，背後有希望令威脅政權嘅政治目的。[48]
8月16號，由自由青年轉型而成嘅「自由人民」（Free People）發起喺民主紀念碑舉行集會，有大約兩萬到兩萬五千民眾出席活動，要求改革皇室。[49][5]
8月18號開始，泰國多間大學同高中學生響應示威行動。有啲高中生喺校園集會嘅時候，舉起電影《飢餓遊戲》裏面象徵反極權嘅「三指禮」手勢同掛白絲，質疑學校打壓言論自由嘅學生，聚集喺教育部前面抗議。[50]。
9月19號，泰國法政大學學生同兩萬民眾響應號召衝人皇家田廣場，喺曼谷大皇宮發起示威，高叫「政府落台、人民萬歲」嘅口號，表達對政府執政嘅不滿[51]。
9月20號，示威民眾同學生喺大王宫旁邊皇家田廣場嘅地下，擺咗一塊刻住「國家屬於人民，唔屬於泰王」等字樣嘅銅製圓牌，直接挑戰王室權力，嗰個銅製圓牌喺21號畀人拆咗。同日，參加示威嘅學生同民眾去到大皇宫遞交十項要求王室改革嘅請願書。泰國警方決定以冒犯君主罪起訴主要嘅學生領袖，同時以違反公共集會法等等嘅罪名起訴參加人士[52]。
10月13號，幾百名示威者喺曼谷民主紀念碑附近聚集，期間有示威者向警方潑藍漆，又向警方嘅防線，令雙邊爆發衝突，警方話，至少有21人被拘留[53][54]。
10月14號，喺曼谷民主紀念碑聚集嘅示威者增至幾千人，以紀念1973年10月14號泰國學生示威47周年同呼籲政府改革同限制王室權力。而泰國王后素提達嘅座駕途徑集會現場附近嘅時候，遇到示威者舉三指禮抗議[55]。一班支持泰國王室嘅黃衣團體亦都喺嗰個地方舉行集會，喺示威者舉起反對泰王手勢嘅時候襲擊示威者，令到多人受傷，泰國警方隨即分隔兩班群眾同對泰國總理辦公室禮賓府外嘅集會清場[56][57]。
10月15號，泰國政府頒佈緊急狀態令，禁止進行5人以上嘅集會，傳媒報道亦都受到限制，又禁止做會引起恐懼、刻意扭曲資訊、誤導、危害國家安全嘅報道，當局有權禁止民眾入任何區域。多名示威領袖例如安農、帕努蓬等都畀泰國警方拉咗[58]。幾千名示威民眾無視政府頒佈嘅緊急狀態令，15號繼續喺曼谷商業區同四面佛附近嘅拉巴頌街頭舉行示威集會，又舉起象徵反極權嘅三指禮手勢，敦促政府釋放被捕人士同要求總理巴育落台[59][60]，巴育對此回應話，佢唔會辭職，並警告示威者停止示威活動[61]
10月16號夜晚，泰國警方出動水炮車同催淚彈，驅散喺曼谷示威抗議嘅人群，示威者就組成傘陣抵擋，同防暴警察發生推撞。最後一名示威領袖被迫向示威民眾宣佈示威暫時結束[62]。另有兩名示威者被控涉嫌喺14號對王后素提達做出嘅「暴力行為」，面臨最高終身監禁嘅刑罰。根據《路透社》嘅報導，嗰日發佈嘅片段顯示，示威者只係對王后素提達舉起象徵反極權嘅「三指禮」手勢，冇跡象顯示佢受到伤害。呢個亦係泰國示威爆發以來，泰國政府對示威者嘅最高控罪[63]。
10月17號，曼谷示威者再號召民眾喺下晝4點喺最近嘅空鐵（BTS）同地鐵（MRT）鐵路站集會。泰國政府緊急下令曼谷鐵路喺下晝3點開始全線暫停服務，多個地鐵站提早閂門。警方都封鎖咗多條主要道路，企圖阻止示威，唔准民眾入車站[64]。10月18號，曼谷連續第5日有示威活動，成萬名示威喺曼谷勝利紀念碑等幾個地點聚集。泰國總理巴育發言人話政府願意讓步，準備好傾聽嚟自各方人民嘅聲音，亦都會盡力解決各區出現嘅唔同問題。示威者就喺網上發起聯署，要求德國政府將泰王列做唔受歡迎人物[65]。泰国流行音樂明星、選美皇后等都加入發聲行列，喺社交媒體上對幾百萬讀者貼出支持示威者嘅訊息[66]。
10月19號，泰國國會探討緊喺11月1號國會復會之前召開一次特别議會會議，希望緩解反政府示威浪潮。泰國警方下令調查4間媒體同一個抗議團體嘅網頁內容，話「從情報部門收到信息，有關媒體嘅内容同錯嘅信息畀人引用同傳播，引發混亂同煽動社會動蕩」。引發媒體組織嘅強烈不滿，鬧巴育政府侵犯新聞自由[67]。
曼谷以外地區
[編輯]
7月18號，曼谷嘅集會之後，示威浪潮蔓延到全國各地超過20個府[68]。第一場曼谷以外嘅示威喺清邁府同烏汶府喺7月19號舉行。[69]
主要示威活動：
- 7月19號，「自由青年」同清邁大學學生喺清邁府舉行示威。[70]
- 7月19號，烏汶叻差他尼大學學生同教職員喺烏汶府舉行和平示威。[71]
- 7月22號，有組織發起喺春武里府邦盛海灘舉行「撿垃圾」活動，領袖承認「垃圾」暗示政府無能，而活動裏面亦有示威者被警察唔合法對待。[72]
- 7月24號，來自呵叻府四間院校嘅教職員同學生喺陶素拉那里紀念碑前靜坐。[73]
海外地區
[編輯]7月26號同之後嘅幾日，喺法國巴黎、美國紐約同英國倫敦等地方都有當地泰國人發起反泰國政府嘅抗議活動，其中喺巴黎，有泰國人發表講話，呼籲國際社會支持泰國嘅示威活動。[74]
拘捕
[編輯]2020年8月7日，泰國當局拉咗兩名學生領袖，分別係人權律師安農·楠帕同帕努蓬·乍諾[11]，佢哋被控煽動叛亂、違反緊急法等罪名[75]。國際特赦組織發表聲明，要求當局撤銷檢控，保障集會自由同言論自由[76]。幾個學生團體喺同日較早嘅記者會裏面話計劃喺8月16號發起大型示威。[11]8月8日，兩人獲准保釋，條件係唔參與可能觸及被捕指控嘅事，但係喺釋放之後佢哋兩個都話會繼續參與民主集會。[77] 8月14號，綽號「企鵝」嘅法政大學學生領袖巴利·七瓦拉畀泰國當局以參與7月18號曼谷「自由青年」嘅集會為理由拘捕，人權觀察要求泰國當局撤回佢所有控罪同將佢無條件釋放[78]，佢喺第二天獲准保釋，行出法庭嘅時候話「民眾應該更加公開噉討論君主」。[79] 8月19號，泰國法院對六名民主抗議人士發出拘捕令，包括8月7號已經畀人拉過之後獲釋嘅安農·楠帕同帕努蓬，指控佢哋參與8月10號法政大學嘅集會[80]，第二日，當局再拉咗三名示威人士；兩日總共拉咗九人，全部都係被控煽動叛亂等八項罪名，立場新聞形容係「大圍捕」。[81]
註
[編輯]- ↑ 法政與遊行聯合陣線強調十項改革要求嘅目的唔係推翻君主制，而係以良好意願嚟尊重同維護民主制度下嘅君主制制度，喺現代世界嘅背景之下維持呢個制度。君主制機構唔可以有政治權力，一定要受到制衡，一定要受到批評，亦都唔可以帶負擔畀人民。所以，君主制應該喺國際公認嘅民主制度之下光榮噉存在。
睇埋
[編輯]- 1991年泰國軍事政變
- 2006年泰國軍事政變
- 2008年－2009年泰國政治危機
- 2010年泰國反政府示威
- 2013年－2014年泰國反政府示威
- 2014年泰國軍事政變
- 反逃犯條例修訂運動
- 2020年白俄羅斯示威
參攷
[編輯]- ↑ 〈未來前進黨遭解散 引燃泰國年輕世代怒火〉。《中央社》 (臺灣中文)。原先內容歸檔喺2020-11-18。喺2020-09-23搵到。
- ↑ 2.0 2.1 "แฟลชม็อบในสถานศึกษา จะพาไปไกลแค่ไหน". BBC News ไทย (泰文). 喺2020-09-23搵到.
- ↑ 3.0 3.1 Wongcha-um, Panu (2020-07-18). "Thai protesters call for government to resign". Reuters (英文). 原先內容歸檔喺2020-07-20. 喺2020-09-23搵到.
- ↑ 4.0 4.1 4.2 4.3 4.4 ASEAN：Indochina, 關鍵評論網 (2020-07-20)。〈「在我們這一代結束它」 泰國爆發2014年政變後最大示威，抗爭者要求停止軍人干政〉。《The News Lens 關鍵評論網》 (臺灣中文)。原先內容歸檔喺2020-11-18。喺2020-09-23搵到。
- ↑ 5.0 5.1 〈泰國爆6年來最大示威 逾1萬人上街爭取民主提3大訴求 - 香港經濟日報 - 即時新聞頻道 - 國際形勢 - 環球社會熱點〉。inews.hket.com。原先內容歸檔喺2020-11-18。喺2020-09-23搵到。
- ↑ 〈【專訪】軍政府下爭自由 泰國學生領袖 Ford：年輕人看不到未來 極權必須在這一代終止 | 立場人語 | 立場新聞〉。《立場新聞 Stand News》 (香港中文)。原先內容歸檔喺2020-11-18。喺2020-09-23搵到。
- ↑ "Paved over but not forgotten, Thailand's young rise up for democracy". www.thaipbsworld.com (美國英文). 原先內容歸檔喺2020-11-18. 喺2020-09-23搵到.
- ↑ "Police slam 'illegal' protests against govt". Bangkok Post. 原先內容歸檔喺2020-11-18. 喺2020-09-23搵到.
- ↑ "ผู้สนับสนุนเรียกร้อง ตร. ปล่อยตัว "เพนกวิน" พริษฐ์ ชิวารักษ์". BBC News ไทย (泰文). 原先內容歸檔喺2020-11-08. 喺2020-09-23搵到.
- ↑ "The student daring to challenge Thailand's monarchy". BBC News (英國英文). 2020-09-17. 原先內容歸檔喺2020-09-26. 喺2020-09-23搵到.
- ↑ 11.0 11.1 11.2 Staff, Reuters (2020-08-07). "Thai police arrest two leaders of student protests". Reuters (英文). 原先內容歸檔喺2020-09-29. 喺2020-09-23搵到.
- ↑ "จับแล้ว! 'ภาณุพงศ์ จาดนอก' กำลังถูกนำตัวไป สน.สำราญราษฎร์". bangkokbiznews.com/ (泰文). 原先內容歸檔喺2020-08-08. 喺2020-09-23搵到.
- ↑ admin99 (2020-07-30). "4 นักศึกษาผู้จัด #เชียงใหม่จะไม่ทนtoo ให้การปฏิเสธข้อหา พ.ร.ก.ฉุกเฉิน-พ.ร.บ.โรคติดต่อ". ศูนย์ทนายความเพื่อสิทธิมนุษยชน (THAI LAWYERS FOR HUMAN RIGHTS) (泰文). 原先內容歸檔喺2020-11-18. 喺2020-09-23搵到.
- ↑ matichon (2020-08-07). "ศาลออกหมายจับ 15จาก 31แกนนำม็อบปลดแอก ตร.ขีดเส้น 10ส.ค.ต้องได้ตัวทุกคน". มติชนออนไลน์ (泰文). 原先內容歸檔喺2020-08-08. 喺2020-09-23搵到.
- ↑ Storm.mg (2020-02-28)。〈泰國爆發學運潮！不滿新興「未來前進黨」被解散、黨魁10年不得參政 青年示威遍地開花-風傳媒〉。www.storm.mg (臺灣中文)。原先內容歸檔喺2020-03-26。喺2020-09-23搵到。
- ↑ "Thai student protesters in the time of COVID-19: New generation, new forms of resistance online | Association for Progressive Communications". www.apc.org. 原先內容歸檔喺2020-06-23. 喺2020-09-23搵到.
- ↑ 〈泰國數千人上街反政府示威要求修憲〉。《RFI - 法國國際廣播電台》 (繁體中文)。2020-07-19。原先內容歸檔喺2020-07-20。喺2020-09-23搵到。
- ↑ "Student protests break out across the country after Bangkok rally; students attempting to organize nationwide". Thai Enquirer (美國英文). 2020-07-19. 原先內容歸檔喺2020-11-18. 喺2020-09-23搵到.
- ↑ 〈泰国宣布进入紧急状态〉 (簡體中文)。原先內容歸檔喺2020年10月21號。喺2020年10月21號搵到。
- ↑ >"'เยาวชนปลดแอก' เปิดแถลงการณ์ข้อเรียกร้องฉบับเต็ม". bangkokbiznews.com/ (泰文). 原先內容歸檔喺2020-07-24. 喺2020-09-23搵到.
- ↑ "Is Thailand ready for this? The 10 demands to reform the monarchy institution". thisrupt.co. 原先內容歸檔喺2020-09-22. 喺2020-09-21搵到.
- ↑ "Thailand's Popular New Opposition Party Could Be Disbanded Just as It's Gaining Momentum". Time. 原先內容歸檔喺2020-06-05. 喺2020-09-23搵到.
- ↑ Staff, Reuters (2020-02-25). "'RIP Democracy': Thai students protest party ban as opposition grills PM in parliament". Reuters (英文). 原先內容歸檔喺2020-11-18. 喺2020-09-23搵到.
- ↑ Limited, Bangkok Post Public Company. "School students join rally trend". www.bangkokpost.com. 原先內容歸檔喺2020-11-18. 喺2020-09-23搵到.
- ↑ "A Popular Thai Opposition Party Was Disbanded. What Happens Next?". Council on Foreign Relations (英文). 原先內容歸檔喺2020-07-04. 喺2020-09-23搵到.
- ↑ "จุดติด-ไม่ติด : แฮชแท็กและการชุมนุมประท้วงของนิสิตนักศึกษาบอกอะไรเราบ้าง | THE MOMENTUM" (美國英文). 2020-02-26. 原先內容歸檔喺2020-11-08. 喺2020-09-23搵到.
- ↑ ASEAN：Indochina, 關鍵評論網 (2020-06-10)。〈東南亞異議者接連失蹤：泰國流亡政治活動家在金邊遭擄，柬埔寨官方承諾調查〉。《The News Lens 關鍵評論網》 (臺灣中文)。原先內容歸檔喺2020-11-18。喺2020-09-23搵到。
- ↑ 〈泰國異議人士金邊被綁架——第9名失蹤者〉。《RFI - 法國國際廣播電台》 (繁體中文)。2020-06-11。原先內容歸檔喺2020-06-16。喺2020-09-23搵到。
- ↑ "ศบค.เผยมีบุคคลต้องเฝ้าระวัง 36 ราย เสี่ยงสัมผัสเด็กหญิงซูดานและทหารอียิปต์". BBC News ไทย (泰文). 原先內容歸檔喺2020-07-25. 喺2020-09-23搵到.
- ↑ "ปชช.กังวลทหารอียิปต์-ครอบครัวซูดาน ทำ COVID-19 ระบาดใหม่". Thai PBS. 2020-07-19. 原先內容歸檔喺2020-07-24. 喺2020-09-23搵到.
- ↑ "หละหลวม ปล่อยทหารอียิปต์ติดโควิด เข้ามา ท่องเที่ยวระยองพังหนัก รอวันตาย". www.thairath.co.th (泰文). 2020-07-14. 原先內容歸檔喺2020-07-24. 喺2020-09-23搵到.
- ↑ "โซเชียลเดือด ดันแฮชแท็ก #ตํารวจระยองอุ้มประชาชน ปม 2 วัยรุ่นชูป้ายไล่นายกฯ". www.thairath.co.th (泰文). 2020-07-15. 原先內容歸檔喺2020-07-24. 喺2020-09-23搵到.
- ↑ coconutsbangkok (2020-07-20). "Anti-government rallies spreading across Thailand | Coconuts Bangkok". Coconuts (美國英文). 原先內容歸檔喺2020-07-24. 喺2020-09-23搵到.
- ↑ "'เยาวชนปลดแอก' เปิดแถลงการณ์ข้อเรียกร้องฉบับเต็ม". bangkokbiznews.com/ (英文). 原先內容歸檔喺2020-07-24. 喺2020-09-23搵到.
- ↑ Finntroy (2020-07-18)。〈突发：泰国民众于民主纪念碑集会示威且欲呆整夜 呼吁解散议会、重拟宪法等〉。《泰国头条新闻》 (中國中文)。原先內容歸檔喺2020-11-18。喺2020-09-23搵到。
- ↑ "Thai demonstrators call for Prayuth's government to resign". www.aljazeera.com (英文). 原先內容歸檔喺2020-10-01. 喺2020-09-23搵到.
- ↑ 37.0 37.1 "ม็อบดิจิตัล: ความป๊อปในโลกออนไลน์ ที่ผลักดันให้การชุมนุมเข้าถึงคนมากขึ้น". workpointTODAY (泰文). 2020-07-25. 原先內容歸檔喺2020-07-25. 喺2020-09-23搵到.
- ↑ "อดข้าวประท้วงรัฐบาล ประสบการณ์ของเด็กหนุ่มวัย 20 ปี". BBC News ไทย (泰文). 原先內容歸檔喺2020-11-18. 喺2020-09-23搵到.
- ↑ "Hunger striker: 'If you can't do it, get out.'". Prachatai English (英文). 原先內容歸檔喺2020-11-18. 喺2020-09-23搵到.
- ↑ ""กลุ่มเสรีเทยพลัส" จัดกิจกรรมม็อบไม่มุ้งมิ้งแต่ตุ้งติ้งค่ะคุณรัฐบาล". MGR Online. 2020-07-25. 原先內容歸檔喺2020-07-25.
- ↑ "Opinion: How Thailand's youth transformed their political awakening into a festival of hope". Thai Enquirer (美國英文). 2020-07-27. 原先內容歸檔喺2020-07-28. 喺2020-09-23搵到.
- ↑ 凌俊賢 (2020-07-27)。〈【泰國示威】「哈姆太郎」成抗爭主題曲 示威者邊唱邊圍圈跑〉。《香港01》 (香港中文)。原先內容歸檔喺2020-11-18。喺2020-09-23搵到。
- ↑ 自由時報電子報 (2020-07-30)。〈民主運動為何叫「哈姆太郎」？ 泰文譯者揭泰國人奧秘邏輯 - 國際〉。《自由時報電子報》 (臺灣中文)。原先內容歸檔喺2020-08-02。喺2020-09-23搵到。
- ↑ 44.0 44.1 自由時報電子報 (2020-08-04)。〈對抗不能說的「那個人」 泰國示威者扮《哈利波特》上街抗議 - 國際〉。《自由時報電子報》 (臺灣中文)。原先內容歸檔喺2020-08-06。喺2020-09-23搵到。
- ↑ 〈「唸咒保護民主」 泰國人扮哈利波特示威 促改革君主制 有人舉「光時」標語 | 立場報道 | 立場新聞〉。《立場新聞 Stand News》 (英文)。原先內容歸檔喺2020-08-07。喺2020-09-23搵到。
- ↑ "Nationwide petition for charter change kicks off in Bangkok". Eleven Media Group Co., Ltd (英文). 原先內容歸檔喺2020-11-18. 喺2020-09-23搵到.
- ↑ "เตือน!คนรุ่นใหม่ลุกฮือสู้เผด็จการ ล่า5หมื่นชื่อแก้รธน.60ตั้งส.ส.ร." dailynews (泰文). 2020-08-07. 原先內容歸檔喺2020-08-14. 喺2020-09-23搵到.
- ↑ "ครช.ยื่นร่างพ.ร.บ.ออกเสียงประชามติ ร่าง รธน.ใหม่ ฝ่ายค้านรับเร่งเสนอในสัปดาห์นี้". prachatai.com (泰文). 原先內容歸檔喺2020-11-18. 喺2020-09-23搵到.
- ↑ "Thailand's youth demo evolves to largest protest since 2014 coup". Nikkei Asian Review (英國英文). 原先內容歸檔喺2020-08-17. 喺2020-09-23搵到.
- ↑ 〈学生挂白丝带举三指 反政府示威吹进高中校园 | 国际〉。《東方網 馬來西亞東方日報》 (簡體中文)。原先內容歸檔喺2020-08-20。喺2020-08-20搵到。
- ↑ 〈泰国亲民主派学香港抗争的模式示威〉。《RFI - 法国国际广播电台》 (簡體中文)。2020-09-19。原先內容歸檔喺2020-09-20。喺2020-09-22搵到。
- ↑ 〈泰国学生要求王室改革 警方要以冒犯君主罪起诉|中國報〉。《中國報 China Press》 (中國中文)。原先內容歸檔喺2020-11-18。喺2020-09-22搵到。
- ↑ 〈泰国反政府示威前 ·警与示威者冲突〉。原先內容歸檔喺2020年10月14號。喺2020年10月21號搵到。
- ↑ 〈泰國警方逮捕21抗議者 民眾朝王室車隊喊放人〉。原先內容歸檔喺2020年11月18號。喺2020年10月21號搵到。
- ↑ 〈泰国王室车队遭民众抗议 政府颁紧急法令压制示威〉。原先內容歸檔喺2020年10月22號。喺2020年10月21號搵到。
- ↑ 〈泰国宣布紧急状态并逮捕活动领袖以遏制街头示威抗议〉。原先內容歸檔喺2020年11月18號。喺2020年10月21號搵到。
- ↑ 〈泰国民众示威提早集结 警方再大逮捕否引聚焦〉。《RFI - 法国国际广播电台》 (簡體中文)。2020-10-14。原先內容歸檔喺2020-10-15。喺2020-10-15搵到。
- ↑ 〈泰国禁止大规模集会 图阻止反政府示威 | 国际〉。《東方網 馬來西亞東方日報》 (簡體中文)。原先內容歸檔喺2020-11-18。喺2020-10-15搵到。
- ↑ 〈泰国政治动荡 学生诉求民主改革〉。《RFI - 法国国际广播电台》 (簡體中文)。2020-10-15。原先內容歸檔喺2020-11-18。喺2020-10-15搵到。
- ↑ 〈存档副本〉。原先內容歸檔喺2020年11月18號。喺2020年10月21號搵到。
- ↑ 〈存档副本〉。原先內容歸檔喺2020年11月18號。喺2020年10月21號搵到。
- ↑ 〈泰国警方出动水炮车驱散示威者 | 国际〉。《東方網 馬來西亞東方日報》 (簡體中文)。原先內容歸檔喺2020-11-18。喺2020-10-16搵到。
- ↑ 综合报导, 2020年 10月 16日 星期五 05:09 下午 Myt。〈泰国王室车队遭民众抗议 两人被控企图伤害王后 | 精彩大马〉。www.cincainews.com (簡體中文)。原先內容歸檔喺2020-11-18。喺2020-10-16搵到。
- ↑ 综合报导, 2020年 10月 17日 星期六 06:40 下午 Myt。〈继续无视禁令！黑衣示威者曼谷分散出击 | 精彩大马〉。www.cincainews.com (中文)。原先內容歸檔喺2020-11-18。喺2020-10-17搵到。
- ↑ 〈"争取民主需符合法律" 泰首相：愿意对话〉。《光华网》 (美國英文)。原先內容歸檔喺2020-11-18。喺2020-10-19搵到。
- ↑ 〈泰国名人不再沉默 发声支持抗议者〉。SWI swissinfo.ch (簡體中文)。原先內容歸檔喺2020-11-18。喺2020-10-19搵到。
- ↑ 〈抗争无了期 国会商开特别会议 | 国际〉。《東方網 馬來西亞東方日報》 (簡體中文)。原先內容歸檔喺2020-11-18。喺2020-10-19搵到。
- ↑ nopphawhan16 (2020-07-23). "ประท้วง ดาวกระจายลามกว่า 20 จังหวัด เปิดไทม์ไลน์จุดเริ่มจาก 'เยาวชนปลดแอก'". The Bangkok Insight (泰文). 原先內容歸檔喺2020-07-24. 喺2020-09-23搵到.
- ↑ Limited, Bangkok Post Public Company. "Chiang Mai, Ubon rally against Prayut, government". www.bangkokpost.com. 原先內容歸檔喺2020-11-18. 喺2020-09-23搵到.
- ↑ matichon (2020-07-19). "เชียงใหม่ มาแล้ว! พรึบประตูท่าแพ ประท้วงไล่ประยุทธ์ จี้ ยุบสภา-แก้ไขรัฐธรรมนูญ". มติชนออนไลน์ (泰文). 原先內容歸檔喺2020-07-19. 喺2020-09-23搵到.
- ↑ ""ปชช.-นศ." รวมตัวศาลหลักเมืองอุบลฯ หนุนยุบสภา-แก้ รธน". Thai PBS. 2020-07-19. 原先內容歸檔喺2020-11-18. 喺2020-09-23搵到.
- ↑ kanyaporn5 (2020-07-22). "ชลบุรีจัดกิจกรรม 'มาเก็บขยะ' ไล่รัฐบาล ที่แหลมแท่น". The Bangkok Insight (泰文). 原先內容歸檔喺2020-11-18. 喺2020-09-23搵到.
- ↑ "4 มหาวิทยาลัยในโคราช นักเรียน ประชาชน แสดงพลังทวงคืนประชาธิปไตย". www.thairath.co.th (泰文). 2020-07-24. 原先內容歸檔喺2020-07-26. 喺2020-09-23搵到.
- ↑ "คนไทยในปารีส นิวยอร์ก ลอนดอน จัดกิจกรรมประท้วงรัฐบาล". BBC News ไทย (泰文). 原先內容歸檔喺2020-07-31. 喺2020-09-23搵到.
- ↑ Limited, Bangkok Post Public Company. "Two protesters arrested, more sought". www.bangkokpost.com. 原先內容歸檔喺2020-11-18. 喺2020-09-23搵到.
- ↑ "Thailand: Activists arrested in latest attack on freedom of expression". www.amnesty.or.th (英文). 原先內容歸檔喺2020-10-01. 喺2020-09-23搵到.
- ↑ "Thailand: Drop Charges, Release Democracy Activists". Human Rights Watch (英文). 2020-08-08. 原先內容歸檔喺2020-11-18. 喺2020-09-23搵到.
- ↑ 〈泰國：撤回控訴、釋放學運人士〉。Human Rights Watch (繁體中文)。2020-08-15。原先內容歸檔喺2020-08-22。喺2020-09-23搵到。
- ↑ 房伊媚 (2020-08-15)。〈泰國示威學生運動領袖「企鵝」被捕後獲准保釋 8月16日重投抗爭〉。《香港01》 (香港中文)。原先內容歸檔喺2020-10-22。喺2020-09-23搵到。
- ↑ 經濟日報。〈泰國示威者觸犯王室禁忌 法院發出拘捕令 | 國際焦點 | 國際〉。《經濟日報》 (臺灣中文)。原先內容歸檔喺2020-08-22。喺2020-09-23搵到。
- ↑ 〈【泰國大圍捕】24 小時內 9 人因示威被捕 包括人權律師音樂人 全被控煽動叛亂罪 | 立場報道 | 立場新聞〉。《立場新聞 Stand News》 (英文)。原先內容歸檔喺2020-11-18。喺2020-09-23搵到。