奶茶聯盟

出自維基百科,自由嘅百科全書
跳去導覽 跳去搵嘢
網民整嘅奶茶聯盟旗[1]

奶茶聯盟英文Milk Tea Alliance),係一個因中泰網絡罵戰而衍生出嚟嘅社交網路虛擬概念。呢個並唔係喺政治社會裏面具有實際功能嘅團體組織,主要指代2020年4月時泰國臺灣香港等幾個民間社交網路嘅友好聯盟,主要目標係互相聲援對方爭取民主、自由嘅社會運動[1]

背景[編輯]

源於2020年4月中,泰國藝人瓦奇拉维特·奇瓦雷中文Vachirawit Chiva-aree,仲有藝人嘅女友Weetaya(IG帳號nnevvy)兩人自己嘅社交網路嘅活動,惹起咗中國大陸嘅部分小粉紅唔高興。

事緣係女友Weetaya喺Twitter轉發咗寫到武漢肺炎嘅一篇文,而男方仲畀咗like個推文,立刻挑起咗啲粉紅條筋。粉紅開始扒對情侶嘅舊嘅公開社交記錄,發現咗Weetaya喺兩年前嘅平臺留言度,將中國同臺灣分別開咗[2],班粉紅就集中咁湧到社交平台挑起罵戰,上腦話係台獨言論,引起泰國、臺灣、香港等多地網民相繼加入,共同對峙擁護北京嘅粉紅陣營。雙方主要係透過memes,喺Twitter交鋒[3]。混戰中雜合埋中國大陸同鄰國嘅陳年糾葛,好似部分東南亞民眾,就表達咗對中國大陸主導嘅湄公河水壩工程長久嘅不滿[4]。有啲中國大陸網民就以侮辱泰王同埋NMSL (煲冬瓜拼音「你媽死了」嘅縮寫)還擊。

[編輯]

開初未有過呢個名,後尾經發掘共通點時,發現幾個地方都係有各自獨特嘅奶茶習慣同文化(分別係臺灣嘅珍珠奶茶、香港嘅絲襪奶茶同泰國嘅泰式奶茶),從而民間開始有咗呢個稱呼。

各國嘅官方回應[編輯]

中央通訊社響2020年8月18日翻譯路透社嘅報導中,台灣外交部發言人話台灣尊重奶茶聯盟對泰國政治情勢發展嘅評論同立場,但係台灣本身冇採取任何立場。而中國外交部發言人就話,支持香港或台灣獨立嘅民眾通常透過網路串通,呢啲唔係新鮮事,但佢哋嘅計謀絕對唔會成功。而泰國同香港政府就冇就「奶茶聯盟」嘅活動評論。[5]

睇埋[編輯]

[編輯]

  1. 1.0 1.1 「泰幽默」擊退「小粉紅」 泰港台三地網民籲組「奶茶聯盟」齊抗中國網軍 立場新聞 2020-04-16
  2. 「奶茶聯盟」成立?中泰鍵盤戰成推手 三立新聞網 2020-04-15
  3. 【天下圍中?】港臺泰網民組奶茶聯盟,對抗中國網軍。 April 15, 2020 Fortune
  4. 中國築壩攔水引發中南半島國家乾旱,湄公河下游出現「過去50年來最低的水平面」,The News Lens,2020-04-15
  5. "港台人士聲援泰國學潮 醞釀亞洲民主奶茶聯盟 | 國際 | 重點新聞 | 中央社 CNA". www.cna.com.tw (中文). 喺2020-08-27搵到.