Portal:香港鐵路運輸/精選文/28

海洋公園站外觀

海洋公園站（粵拼：hoi2 joeng4 gung1 jyun4 zaam6；英文：Ocean Park Station）係香港一鐵路車站，喺香港島黃竹坑海洋公園，歸港鐵南港島綫東段，2016年12月28號啟用。

海洋公園站採用架空車站設計，去配合嗰段走線嘅高架橋設計，海洋公園擴建計劃亦有預留位置畀港鐵用。海洋公園站係南港島線唯一採用側式月台嘅車站。

海洋公園站外牆以唔同深淺度嘅藍色玻璃為主要飾面，呈波浪形。面積約2,700平方米嘅車站大廳亦以藍色為主調，柱身以海豹、企鵝、水母同海豚等海洋生物圖案作裝飾，天花板會有垂吊藝術裝置，營造海洋感覺。係繼迪士尼站後，另外一座以主題公園為主題設計嘅港鐵車站。

車站設有大型停車場，用作泊車轉乘用途。

車站位於香港海洋公園正門前方，所以有大量遊客用呢個站來往海洋公園同香港各區，加上可以接駁交通前往淺水灣、赤柱等嘅景點，因此成為南港島綫4個位於南區車站當中最多出入閘人流嘅一個。