Template:是日好文

第4屆烏克蘭總統選舉喺2004年舉行，原定分兩輪投票。呢次選舉喺一個極度緊張嘅政治氣氛下舉行，因為傳媒多數報導當局恐嚇選民同反對派候選人尤先科懷疑被對手落毒陷害而身中二噁英劇毒。做緊總理嘅亞努科維奇一開始喺第二輪投票領先，但後來發現選舉舞弊，於是爆發大規模抗議。最後第二輪投票喺國際觀察員監察之下重新舉行，尤先科選贏，接任總統。

模解[睇] [改] [史] [清]

概要

Wikipedia:是日好文靠一柞模嚟做到每日自動換畫嘅效果。呢柞模包括：

• {{是日好文}}：攞個好文展品分頁出嚟。下面會講有咩參數。
• {{是日好文/今日文章號}}：係「是日好文」嘅運作部件，參數同「是日好文」一樣，但淨係出一個數字，用嚟決定攞第幾號文章。
• {{是日好文/數字隊總數}}：自動數住Category:維基百科是日好文數字隊‎有幾多版，冇參數，唔使人手更新。
• {{是日好文/文章推後}}：每次有新文嘅時候都應該人手更新一次，決定邊篇文出先。
• {{是日好文/文章推後更新}}：幫你自動計定，如果今日有新文上畫嘅話，「文章推後」應該改做咩數，等新上畫嗰篇文可以即刻出街。

參數同用法

{{是日好文}} 同 {{是日好文/今日文章號}}有以下兩個參數：

• offset：以日為單位，用嚟睇未來或者過去會出咩文。Wikipedia:是日好文個「聽日好文」同「後日好文」就係噉整出嚟嘅。例如 {{是日好文|offset=2}} 會出後日好文，{{是日好文|offset=-1}} 會出尋日好文（假設冇新文上畫同冇郁過「文章移後」）。預設值：0（即係出今日好文）
• rotate：以幾多篇文章為單位，用嚟將條隊上面嘅文章推前推後。例如今日本來係出第 85 號文章嘅，將 rotate 由 85 變成 87 就會變成出第 87 號文章。預設值：用 {{是日好文/文章推後}} 嘅值。

{{是日好文}}有多一個參數：

• id：如果畀咗 id，個模就會直接攞 id 號文章，無視 offset 同 rotate。{{是日好文|id=2}} 同 {{Wikipedia:是日好文/2}} 嘅分別，係前者多咗右下角嗰幾個帶路掣。

範例

{{是日好文}}

第4屆烏克蘭總統選舉喺2004年舉行，原定分兩輪投票。呢次選舉喺一個極度緊張嘅政治氣氛下舉行，因為傳媒多數報導當局恐嚇選民同反對派候選人尤先科懷疑被對手落毒陷害而身中二噁英劇毒。做緊總理嘅亞努科維奇一開始喺第二輪投票領先，但後來發現選舉舞弊，於是爆發大規模抗議。最後第二輪投票喺國際觀察員監察之下重新舉行，尤先科選贏，接任總統。

{{是日好文|offset=1}}（聽日好文）

瓣瓣掂玩遊戲（General game playing，GGP），或者叫普遍玩遊戲，係人工智能（AI）上嘅一個課題，指思考點樣設計出能夠用嚟「普遍性」噉玩遊戲嘅 AI 程式：廿世紀尾嘅遊戲 AI 技術表明咗，要編寫出能夠玩某隻特定遊戲嘅 AI 並唔難。不過問題係，一路直至 2010 年代為止，玩遊戲嘅 AI 程式冚唪唥都係專化嘅，所以 AI 領域就想研究整出能夠玩乜嘢遊戲都得嘅 AI。

{{是日好文|offset=-1}}（尋日好文）

苗劉兵變，又叫明受之變，係南宋初期嘅一場政變。呢場政變由苗傅同劉正彥發動。佢哋殺死皇帝趙構嘅寵臣太監康履同其他有權勢人士，話要「清君側」，之後逼趙構退位，禪讓皇位畀三歲皇太子趙旉。政變消息傳出之後，各地將軍、郡王都齊齊出兵勤王。苗傅同劉正彥知自己死硬，唯有幫趙構復辟。最後苗、劉兩條友被打敗，喺首都建康度處死。

{{是日好文|id=2}}（2號好文）

組合語言（Assembly language，簡稱「asm」）係指一類低階嘅程式語言，特徵係用佢哋寫成嘅源碼會用啲羅馬字母嚟表達佢哋啲指令俾個用家睇，而要處理嗰啲輸入就會用數字代表。組合語言喺啲指示嘅結構上同機械語言好接近，但係唔似得機械語言噉，吓吓都淨係用「1」同「0」嘅數值代表嗮所有嘢。

{{是日好文|rotate=3}}

如果將「文章推後」值改做 3 嘅話，是日好文會變成...

芭蕾舞詞彙包括咗跳芭蕾舞嗰陣時用嘅技法、用具、以至係芭蕾舞相關人員所用嘅稱謂呀噉。大中華地區啲芭蕾舞老師主要都跟英國皇家舞蹈學院嗰套做標準，當中有好多都係由法文直接借過去英文嗰度嘅字。

技術細節

{{是日好文/今日文章號}}會攞而家嘅時間，將佢變成一個日數（1970年1月1號到而家嘅日數，睇Unix timestamp），然後除以好文巡迴展覽隊上面嘅文章總數，攞個餘數。呢個餘數就用嚟決定每日出邊篇文。因為日數會每日自動上升，所以就有每日自動換畫嘅效果。當所有文都展覽過一次，排到隊尾，就會返返隊頭再嚟過。

但因為攞餘數呢個數學運算嘅特質，每次改個除數嘅時候，個餘數都會跳咗去第度，所以就有 {{是日好文/文章推後}} 呢個模嚟做設定參數，等每次有新文上畫，都可以人手調校喺邊篇文度繼續展覽。

另外又有 offset 呢個參數，用嚟預告定之後幾日有咩文會上頭版。

上畫指引

排一篇文上呢個巡迴展覽，開一版新版同一個跳轉就得。

首先，開《Wikipedia:是日好文/文章名》。基本上係要有百零字，最好有一張圖，同埋要擺落Category:維基百科是日好文隊。示例（Wikipedia:是日好文/紅葉）：

[[File:西渓公園 - panoramio - mahlervv.jpg|left|130px]]
'''[[紅葉]]'''係一種自然現象：唔少植物嘅葉會喺[[秋天]]嘅幾個禮拜之間由緑色變成紅色。喺[[華北]]、[[華東]]、以至[[日本|日]][[朝鮮半島|韓]]等地，九月至十月秋天來臨樹葉會大批噉變紅，形成漫山遍野一片紅扑扑嘅景象，有好多人都興特登趁秋天呢個時間去行山，[[欣賞紅葉]]。

<noinclude>[[Category:維基百科是日好文隊]]</noinclude>

跟住，開《Wikipedia:是日好文/數字》跳轉。呢個數字係順序數上去嘅。而家條隊有 125 篇文，所以下一篇文嘅跳轉應該開喺 Wikipedia:是日好文/126。個跳轉嘅格式係：

#redirect[[Wikipedia:是日好文/文章名]]
[[Category:維基百科是日好文數字隊]]

個類好重要：要擺咗入Category:維基百科是日好文數字隊，個模先識將篇文排上條隊。範例可以睇Category:維基百科是日好文數字隊。

最後，去更新{{是日好文/文章推後}}，等新上畫嗰篇文即刻上頭版。

落畫指引

如果要落畫（例如因為有篇文燉咗冬菇，唔再係好文或者正文），噉就要搵指去嗰篇文嘅《Wikipedia:是日好文/數字》版出嚟，將佢指向另一篇文。《Wikipedia:是日好文/文章名》唔使郁，可以留底。留意唔可以刪咗《Wikipedia:是日好文/數字》，因為條數字隊斷號數嘅話會造成程式錯誤。具體提議可以係將條跳轉改成指向號數最大嗰篇文，跟住最大嗰個號數嘅跳轉就刪咗佢（要用管理員權限）。

參看

• Wikipedia:是日好文