User:Islandlibrary/老豆搵仔

出自維基百科，自由嘅百科全書
老豆搵仔
Dadfindboy
網址t.me/s/Dadfindboy
商用？非牟利
網站類型資訊網站
註冊唔使登入同注冊
可用語言正體中文
現時狀態活躍緊

《老豆搵仔》（英文：Dadfindboy）係香港一個Telegram渠道，超過13萬個訂戶[1]，該渠道以披露警員個人身份著稱[2]。自警員喺2019年拒絕按《警察通例》出示委任證開始，警員就被《老豆搵仔》一直狙擊[3]。資訊網站《香港編年史》亦有用同整合《老豆搵仔》嘅資料[4]。

背景[編輯]

内文：反對逃犯條例修訂草案運動、香港警察相關爭議及犯罪指控同香港警隊委任證爭議

2019年，香港反送中運動爆發，香港警察自元朗721事件後因警暴問題等受批評，亦被部份市民指責警黑合作，社會出現咗一種對警察唔信任嘅情緒。由於警員開始拒絕喺行動入面去跟《警察通例》出示委任證[5][6]，市民好難辨認警員身份，第三方辨認警員嘅渠道就咁樣出咗嚟。《老豆搵仔》嘅名喺另一個Facebook群組度起家[7]，誕生嘅初頭主要針對拒絕出示委任證嘅警員去起底。

事件[編輯]

技術員向《老豆搵仔》畀資料被拘捕[編輯]

2019年，一個香港電訊技術員因同《老豆搵仔》畀咗一位陳姓督察嘅資料，令佢嘅警員編號等個人資料喺2019年9月7、8號被公開[8]。技術員被拘捕被控告。

《香港編年史》被封鎖事件[編輯]

内文：香港編年史

資訊網站《香港編年史》亦有用同整合《老豆搵仔》嘅資料[4]。2021年1月7號夜晚，《香港編年史》總編輯陳妍茵出聲明[9]，指6號開始收到大量香港使用者報告話無法連接去嗰個站，質疑多間互聯網服務供應商屈服喺政府要求封鎖網站。警方話佢哋係跟一貫做法，唔會為個別案件作評論，但又引用港區國安法回應，話警方可要求服務供應商對「構成危害國家安全罪行」嘅網站或信息做禁制。根據《明報》報道，呢次係警方首次引用國安法第43條封鎖網站[10]。對此，香港寬頻表示冇封鎖使用者連到去嗰個網，但係聲明入面話用戶報告有參與封鎖嘅互聯網服務供應商有數碼通、中國移動香港、香港寬頻網絡同埋電訊盈科[9]。2021年1月14號，香港寬頻網絡回覆傳媒查詢時首次承認按港區國安法要求封鎖《香港編年史》[11][12]。保安局局長李家超喺1月20號喺立法會被問到點解警方到依家都冇解釋嗰陣，只講咗句「警方已經向你們交代」。民主派資訊科技界選委黃浩華表示呢次事件屬警方首次引用《國安法》「封網」，又認為李家超作為保安局局長有責任清楚解釋國安處「封網」個具體界線，唔係只會引起香港社會驚恐[13]。

睇埋[編輯]

攷[編輯]

  1. ↑ "Hong Kong protests: tech war opens up with doxxing of protesters and police". The Guardian. 2019-09-20.
  2. ↑ "In Hong Kong Protests, Faces Become Weapons". The New York Times. 2019-07-26.
  3. ↑ "How Technology Has Both Fueled and Hindered the 2019 Hong Kong Pro-Democracy Protests". Information Security & Privacy Law. 2019-12-04.
  4. ↑ 4.0 4.1 "Data From Telegram Channel：Dad Finds Sons". 《香港編年史》.
  5. ↑ 〈【九龍區大遊行】便衣警高呼：警察執行職務唔需要展示委任證〉 (繁體中文). 香港01. 2019-07-08. 原著喺2019-08-22歸檔. 喺2019-08-28搵到.
  6. ↑ 〈【逆權運動】便衣警豪言「不需展示委任證」 網民揭打人前藏於衫內〉 (繁體中文). 蘋果新聞. 2019-07-08. 原著喺2019-07-08歸檔. 喺2019-08-28搵到.
  7. ↑ Eleni Maragkou (2019-09-23). ""Dadfindboy": How activists in Hong Kong are hijacking state tools of surveillance". Masters of Media.
  8. ↑ 〈技術員涉向老豆搵仔爆料｜被告疑嫌起底資料不夠準　決採取行動〉. 香港01. 2020-09-07.
  9. ↑ 9.0 9.1 陳妍茵 (2021-01-08). 〈關於香港使用者無法連接至本站之聲明〉. 香港編年史. 喺2021-01-08搵到.
  10. ↑ 〈載警員個人資料「香港編年史」網站無法連線 消息：警方國安處首引用《港區國安法》封網〉. 明報. 2021-01-08. 原著喺2021-01-08歸檔. 喺2021-01-08搵到.
  11. ↑ 〈【國安封網】香港寬頻：已按《國安法》要求　停止連線至「香港編年史」網站〉. 立場新聞. 2021-01-14. 喺2021-01-14搵到.
  12. ↑ 〈香港寬頻按國安法要求　昨午起停止連線至網站「香港編年史」〉. 香港01. 2021-01-14. 喺2021-01-14搵到.
  13. ↑ 〈香港封網︱警拒解釋引國安法封「香港編年史」 李家超：警方已交代！ ｜ 蘋果日報〉. 《Apple Daily 蘋果日報》. 喺2021-01-20搵到.

連出去[編輯]

Category:香港網絡審查 Category:香港反對逃犯條例修訂草案運動 Category:Telegram

由「https://zh-yue.wikipedia.org/w/index.php?title=User:Islandlibrary/老豆搵仔&oldid=1566344」收