中式包
中式包係中國式嘅麪包，由麵粉發酵，入面包住餡（冇餡就叫饅頭），蒸熟製成。出名嘅中式包有叉燒包、小籠包。
歷史
[編輯]漢朝嗰時，蒸製嘅麵食流行於全中國，當時統稱做「餅」、「饅」、「曼頭」[1][2]、「蒸餅」[3]「籠餅」[4]、「饅頭」[5]、「蠻頭」，都係無餡嘅。
唐代之後，饅頭細咗，叫做「玉柱」、「灌漿」[6]、「饅役」[7]、「瞞頭」[8]、「粳頭」[9]，亦都係無餡。
北宋嗰時，「包子」（即係粵文入面嘅「中式包」）呢個詞語出現，指有餡嘅饅頭。
漢民族之外嘅類似食品
[編輯]- 響菲律賓有燒包（Siopao），個樣似饅頭，內餡有豬肉、雞肉、羊肉、蝦仁、鴨仔蛋等等。
- 響日本，「中華まん」類似饅頭，最常見嘅係豬肉餡。
- 響蒙古，「Бууз」多數用羊肉絲做餡，有時都用犛牛肉。
- 響越南，餅包（bánh bao）內餡有豬肉、洋蔥、蘑菇、雞蛋、蔬菜等等。
參考
[編輯]- ↑ 《餅賦》：三春之初，陰陽交際，寒氣既消，溫不至熱，於時享宴，則曼頭宜設。
- ↑ 郎瑛《七修類稿》：饅頭本名蠻頭。
- ↑ 《晉書》卷三十三列傳第三《何曾傳》「（何曾）性奢豪，務在華侈。帷帳車服，窮極綺麗，廚膳滋味，過於王者。每燕見，不食太官所設，帝輒命取其食。蒸餅上不坼作十字不食。食日萬錢，猶曰無下箸處。
- ↑ 《名義考》：「以面蒸而食者曰'蒸餅'，又曰'籠餅'，即今饅頭。」
- ↑ 《誠齋雜記》「孔明徵孟獲。人曰：蠻地多邪，，用人首祭神，則出兵利。孔明雜以羊豕之內，以麵包之，以像人頭。此為饅頭之始。 」
- ↑ 《匯苑詳註》：「玉柱、灌漿，皆饅頭之別稱也。」
- ↑ 吳自牧《夢粱錄》
- ↑ 《說郛》
- ↑ 陳梗 《負暄野錄》「饅亦作梗」，書之「粳頭」