孖胎研究

孖胎研究（粵拼：maa1 toi1 jin4 gau3；英文：twin studies）係廿世紀嘅心理學上出現嘅一種研究方法，主要係攞嚟估計一種心理特性嘅遺傳度：孖胎有得分做同卵同異卵兩種，前者指兩個嚟自同一粒受精卵，而後者指兩個嚟自兩粒唔同嘅受精卵；喺前者嗰種情況下，兩兄弟或者兩姊妹嘅基因係完全一樣咁滯^[1]，而喺後者嗰種情況下，兩兄弟姊妹嘅基因得嗰 50% 左右相同；簡化噉講，心理學家可以睇吓因為父母離婚等嘅原因而分開成長（環境唔同）會點樣影響一對孖胎之間嘅心理特性相似度－想像依家有個心理特性，研究發現分開成長完全唔會影響一對同卵孖胎之間喺嗰個特性上嘅相似度，噉研究者就有理由相信個特性係主要受到遺傳因素主導嘅^[2]^[3]。

做法

孖胎研究成日俾人攞嚟估計一樣心理特性嘅遺傳度：現代生物學上已知，孖胎有得分做同卵同異卵兩種－同卵指兩個嚟自同一粒受精卵，而異卵指兩個嚟自兩粒唔同嘅受精卵；喺前者嘅情況下，兩兄弟或者兩姊妹嘅基因係近乎完全一樣嘅^{[註 1]}，而喺後者嗰種情況下，兩兄弟姊妹嘅基因得嗰 50% 左右相同^[4]。

設 $X$ 做研究緊嗰樣心理特性，再想像以下呢幾種情況^[5]：

有 $n$ 對（因為俾人領養等嘅原因）自細分開嘅同卵孖胎，佢哋喺遺傳上一樣咁滯，但成長環境唔同；跟住研究者又搵 $n$ 對對照嘅人返嚟，每對都係兩個完全隨機抽嘅人，兩個人之間冇系統性嘅差異；如果 $X$ 係受制於遺傳因素嘅，啲孖胎嘅內部差異（每對孖胎，睇兩兄弟或者兩姊妹之間嘅差異）理應會細過對照組嘅人嘅內部差異（每對對照組配對，睇嗰兩個人之間嘅差異）^{[註 2]}；
有 $n$ 對一齊大（成長環境相約）嘅同卵孖胎，又攞 $n$ 對一齊大（成長環境相約）嘅異卵孖胎，將 $n$ 對同卵孖胎同 $n$ 對異卵孖胎喺 $X$ 上嘅差異比較吓－如果 $X$ 係受制於遺傳因素嘅，噉同卵孖胎嘅內部差異理應會明顯細過異卵孖胎嘅；
有 $n$ 對一齊大但冇血緣關係（因為領養等嘅原因）嘅兄弟姊妹，對比 $n$ 對一齊大又有血緣關係嘅兄弟姊妹，將呢 $n$ 對養兄弟姊妹攞嚟同 $n$ 對親生兄弟姊妹比較－如果 $X$ 係受制於遺傳因素嘅，噉親生兄弟姊妹嘅內部差異理應會明顯細過養兄弟姊妹嘅；

... 呀噉。順帶一提，如果場研究係做喺非人動物身上嘅，噉研究者仲可以用啲實驗性啲嘅方法嚟研究，例如係特登將啲同卵孖胎分配俾隨機噉揀嘅養父母，而唔使咁擔心人道方面嘅考量。亦都可以睇埋光遺傳學同相關嘅技術。

影響

結果係，廿世紀嘅孖胎研究有睇嗰啲心理特性幾乎冚唪唥都會受到遺傳因素影響^[3]：一個遺傳度數值會喺 0 同 1 之間，近 0 表示個體之間喺嗰個特性上嘅差異近乎完全係源於環境因素，近 1 表示個體喺嗰個特性上嘅差異近乎完全係源於遺傳因素；有好多重要嘅心理特性嘅遺傳度都有返咁上下大^[6]－例如「成年期嘅智商（IQ）」遺傳度估計就有成 60 至 80% 咁高^[7]。

到咗廿一世紀初，心理學界基本上一致認同，有好多心理特性都係受制於遺傳因素嘅，不過環境同教育依然可以或多或少噉有一啲效果^[3]。

註釋

↑ 一對同卵孖胎之間喺基因組上會有極細嘅差異，大約每 1,200 萬對核苷酸當中會有一串 DNA 唔同。
↑ 不過呢種做法俾人詬病，因為喺領養過程當中養父母唔係完全隨機噉揀嘅。

睇埋

文獻

Jang, K.L.; McCrae, R.R.; Angleitner, A. Riemann; Livesley, W.J. (1998). "Heritability of facet-level traits in a cross-cultural twin sample: support for a hierarchical model of personality". Journal of Personality and Social Psychology. 74 (6): 1556–1565.

攷

↑ Li, R., Montpetit, A., Rousseau, M., Wu, S. Y. M., Greenwood, C. M., Spector, T. D., ... & Richards, J. B. (2014). Somatic point mutations occurring early in development: a monozygotic twin study (PDF). Journal of medical genetics, 51(1), 28-34.
↑ David Moore (2003). The Dependent Gene: The Fallacy of "Nature Vs. Nurture". Henry Holt and Company.
↑ ^3.0 ^3.1 ^3.2 Polderman, Tinca J. C.; Benyamin, Beben; de Leeuw, Christiaan A.; Sullivan, Patrick F.; van Bochoven, Arjen; Visscher, Peter M.; Posthuma, Danielle (2015). "Meta-analysis of the heritability of human traits based on fifty years of twin studies" (PDF). Nature Genetics. 47 (7): 702–709.
↑ Li, R., Montpetit, A., Rousseau, M., Wu, S. Y. M., Greenwood, C. M., Spector, T. D., ... & Richards, J. B. (2014). Somatic point mutations occurring early in development: a monozygotic twin study (PDF). Journal of medical genetics, 51(1), 28-34.
↑ Have Researchers Finally Settled The Nature Vs Nurture Debate?.
↑ Wray N., Visscher P. (2008). "Estimating Trait Heritability". Nature Education. 1 (1): 29. Retrieved 24 July 2015.
↑ Plomin, R.; Deary, I. J. (February 2015). "Genetics and intelligence differences: five special findings (PDF)". Molecular Psychiatry. 20 (1): 98–108.

[4] 一對同卵孖胎之間喺基因組上會有極細嘅差異，大約每 1,200 萬對核苷酸當中會有一串 DNA 唔同。

[7] 不過呢種做法俾人詬病，因為喺領養過程當中養父母唔係完全隨機噉揀嘅。

[1] Li, R., Montpetit, A., Rousseau, M., Wu, S. Y. M., Greenwood, C. M., Spector, T. D., ... & Richards, J. B. (2014). Somatic point mutations occurring early in development: a monozygotic twin study (PDF). Journal of medical genetics, 51(1), 28-34.

[2] David Moore (2003). The Dependent Gene: The Fallacy of "Nature Vs. Nurture". Henry Holt and Company.

[olderman2015-3] 3.0 ^3.1 ^3.2 Polderman, Tinca J. C.; Benyamin, Beben; de Leeuw, Christiaan A.; Sullivan, Patrick F.; van Bochoven, Arjen; Visscher, Peter M.; Posthuma, Danielle (2015). "Meta-analysis of the heritability of human traits based on fifty years of twin studies" (PDF). Nature Genetics. 47 (7): 702–709.

[5] Li, R., Montpetit, A., Rousseau, M., Wu, S. Y. M., Greenwood, C. M., Spector, T. D., ... & Richards, J. B. (2014). Somatic point mutations occurring early in development: a monozygotic twin study (PDF). Journal of medical genetics, 51(1), 28-34.

[6] Have Researchers Finally Settled The Nature Vs Nurture Debate?.

[8] Wray N., Visscher P. (2008). "Estimating Trait Heritability". Nature Education. 1 (1): 29. Retrieved 24 July 2015.

[9] Plomin, R.; Deary, I. J. (February 2015). "Genetics and intelligence differences: five special findings (PDF)". Molecular Psychiatry. 20 (1): 98–108.

[1]

[2]

[3]

[註 1]

[4]

[5]

[註 2]

[6]

[7]