新加坡州
提示：呢篇文講嘅唔係新加坡。| 新加坡州 Negeri Singapura State of Singapore | ||||
 馬來西亞州屬
| ||||
| ||||
|
州徽 | ||||
.svg) | ||||
| 首都或首府 | 未指定 | |||
| 政體 | 君主立憲 立法議會 | |||
| 州元首 | ||||
| - 1963–1965 | 尤索夫·伊薩 | |||
| 首席部長 | ||||
| - 1963–1965 | 李光耀 | |||
| 歷史時期 | 印馬對抗 | |||
| - 新加坡加入聯邦 | 1963年9月16號 | |||
| - 新加坡獨立 | 1965年8月9號 | |||
| 面積 | ||||
| - 1964[1] | 670 平方公里 | |||
| 人口 | ||||
| - 1964[1]估計 | 1,841,600 | |||
| 密度 | 2,748.7 每平方公里 | |||
| 通貨 | 馬來亞和英屬婆羅洲元 | |||
| 而家屬於 |  星加坡
| |||
|
|---|
| 新加坡歷史系列 |
| 早期歷史 (1819年以前) |
| 新加坡王國時期 (1299年－1398年) |
| 現代新加坡嘅建立 (1819年–1826年) |
| 海峽殖民地時期 (1826年–1867年) |
| 反天主教徒騷亂 (1851年) |
| 福建與潮州人騷亂 (1854年) |
| 直轄殖民地時期 (1867年–1942年) |
| 新加坡戰役 (1942年) |
| 日佔時期 (1942年–1945年) |
| 肅清大屠殺 (1942年) |
| 戰後時期 (1945年–1955年) |
| 第一次立法議會 (1948年–1951年) |
| 瑪麗亞·埃爾托格騷亂 (1950年) |
| 第二次立法議會 (1951年–1955年) |
| 反國民服役騷亂 (1954年) |
| 自治時期 (1955年–1962年) |
| 福利巴士騷亂 (1955年) |
| 馬來西亞時期 (1962年–1965年) |
| 合併公投 (1962年) |
| 冷藏行動 (1963年) |
| 種族騷亂 (1964年) |
| 麥唐納大樓爆炸案 (1965年) |
| 獨立時期 (1965年至今) |
| 種族騷亂 (1969年) |
| 光譜行動 (1987年) |
| 亞洲金融危機 (1997年) |
| 襲擊大使館陰謀 (2001年) |
| SARS爆發 (2003年) |
| 小印度騷亂 (2013年) |
| 武漢肺炎爆發 (2020年至今) |
 星加坡主題首頁
|
| 馬來西亞史 |
|---|
| 系列嘅一部份 |
 |
 馬來西亞主題 |
新加坡州（馬來話：Negeri Singapura）係馬來西亞一個已經唔存在嘅州，呢個州喺1963年9月16號成立，1965年8月9號獨立成為新加坡共和國。喺1963年9月16號，馬來亞聯合邦、北婆羅洲（沙巴）、沙撈越同新加坡共同組建馬來西亞聯邦。新加坡英屬時期結束，成為馬來西亞一個州。象徵住英國對新加坡由1819年開始史丹福·萊佛士促成現代新加坡嘅建立起，長達144年嘅統治正式結束。
但係，新加坡州同馬來西亞聯邦政府喺經濟、財政、政治上嘅意見經常有分歧。1964年馬來西亞大選中，以新加坡州為根據地嘅人民行動黨參加大選，畀聯邦政府嘅執政黨巫統視為對馬來人至上嘅政治系統具有威脅。同年喺新加坡州發生牽涉到華人社群同馬來人社群嘅大型種族騷亂。1965年芳林區補選中，人民行動黨對手社會主義陣線參選，受到巫統嘅支持。1965年，時任馬來西亞首相東姑阿都拉曼決定將新加坡州從聯邦中除名。馬來西亞國會喺1965年通過緊急修憲將新加坡州逐出馬來西亞聯邦。同年8月9號，新加坡州獨立，成立新加坡共和國[2]。
種族關係緊張
[編輯]新加坡加入馬來西亞唔夠一年，當地種族之間緊張關係急劇增加。親共產主義嘅社會主義陣線為咗喺新加坡政府同聯邦政府打壓下求取生存，就開始挑撥當地種族關係。即使馬來西亞政府喺公民權方面做出讓步，喺獨立後畀大批華人公民權，但係聯邦政策中嘅優惠性差別待遇——憲法第153條文依然遭到新加坡華人嘅強烈反對。呢項條文畀馬來人各項特權以保障佢哋嘅地位，其中包括喺經濟同財政方面實行馬來人優先政策、伊斯蘭教係唯一官方宗教，但非穆斯林可以享有宗教自由。
聯邦政府亦指責，人民行動黨虧待馬來人嘅舉措大大煽動喺新加坡嘅馬來人穆斯林情緒。種族騷亂不斷發生，政府為咗維持秩序而不斷實施宵禁。
當時嘅外部政治形勢亦好緊張。印尼政府強烈反對馬來西亞成立，印尼總統蘇卡諾發動馬印對抗，並訴諸各項行動。1965年3月，印尼突擊隊員喺麥唐納大廈引爆炸彈，造成3人死亡[3]。印尼政府更加煽動新加坡馬來人，挑起佢哋對新加坡華人嘅仇視情緒[4]。7月21號發生嘅，同時亦係穆罕默德誕辰嘅1964年新加坡種族騷亂係新加坡最廣為人知嘅種族騷亂之一。騷亂發生嘅地點靠近加冷煤氣廠，造成23人死亡，數百人受傷。1964年9月發生更多種族騷亂。呢啲騷亂發生令到交通系統中斷同導致食品價格飆漲。新加坡政府之後將每年7月21號定為種族和諧日。
爭論
[編輯]由巫統控制嘅馬來西亞聯邦政府擔心如果新加坡繼續留喺馬來西亞聯邦，會為馬來人同土著而設嘅馬來西亞土著政策受到破壞，並導致各個民族之間嘅經濟差距繼續擴大，同佢解決各個族群之間經濟差距嘅議程背道而馳。人民行動黨就不斷強調馬來西亞人嘅馬來西亞——馬來西亞各族無論咩情況都應該受政府嘅公平對待，唔計種族同經濟情況。聯邦政府亦擔心新加坡港口嘅經濟主導地位會削弱佢哋吉隆坡嘅政治勢力。
新加坡州同聯邦政府喺經濟方面亦存有分歧。就算馬來西亞協定中雙方同意建立一個共同市場，但係新加坡喺同馬來西亞其他州屬進行貿易時仍然處處受到限制。作為報復，新加坡拒絕向沙巴同沙撈越提供之前已達成共識嘅經濟發展貸款。馬新雙方嘅緊張局勢不斷升級，各項談判都以失敗告終。雙方通過演講、寫作互相謾罵。巫統嘅極端分子更加要求警方逮捕李光耀。
逐出
[編輯]1965年8月7號，時任首相東姑阿都拉曼眼見事態返唔到轉頭，就喺吉隆坡嘅馬來西亞國會宣佈議員應對新加坡退出聯邦嘅決議案投下贊成票[2]。即使人民行動黨各個領袖，包括李光耀嘗試挽回呢項決定，但係1965年8月9號國會喺新加坡議員缺席情況下依然以126票讚成、0票反對將新加坡逐出馬來西亞。當日，李光耀喺記者會上宣佈由當日開始，新加坡係一個主權獨立國家，而自己就係呢個新國家嘅總理。期間李光耀講咗呢段話：「每當回顧簽署協議，令新加坡脫離馬來西亞嘅嗰個時刻，我哋總會感到痛苦，因為我一世都相信合併同埋兩地統一。地理、經濟同親屬關係將人民連埋一齊」，並一度難過留淚，導致記者會被迫中斷[5]。
1965年12月憲法修正通過後，新加坡州正式獨立成為新加坡共和國，新加坡州元首就變咗新加坡總統，新加坡立法議會變咗新加坡國會。馬來亞和英屬婆羅洲元依然係新加坡法定貨幣，直到1967年推出新加坡元為止。推出新加坡元之前，馬新雙方曾經討論過推出一個共同貨幣，但係唔成功[6]。
參考
[編輯]- ↑ "Singapore - Land area". Index Mundi. 原先內容歸檔喺2016-08-28. 喺August 27, 2016搵到.
- ↑ 2.0 2.1 "Road to Independence". Headlines, Lifelines, by AsiaOne. 1998. 原著喺13 October 2013歸檔.
- ↑ Jackie Sam [et al.] (11 March 1965). "Terror bomb kills 2 girls at bank". 海峽時報 (reproduced on Headlines, Lifelines, by AsiaOne). 原著喺1 February 2014歸檔.
{{cite news}}: Italic or bold markup not allowed in:|publisher=(help) - ↑ Barbara Leitch LePoer, 編 (1989). "Road to Independence". Singapore: A Country Study. Washington, D.C.: 聯邦研究部, 國會圖書館 (美國). ISBN 978-0-16-034264-6. 原著喺4 July 2014歸檔.
- ↑ Lee Kuan Yew (9 August 1965). "Transcript of a Press Conference Given by the Prime Minister of Singapore, Mr. Lee Kuan Yew, at Broadcasting House, Singapore, at 1200 Hours on Monday 9th August, 1965" (PDF). Government of Singapore (archived on the National Archives of Singapore website). pp. 21–22. 原著 (PDF)喺9 August 2014歸檔.
- ↑ Lee Sheng-Yi (1990). The Monetary and Banking Development of Singapore and Malaysia. Singapore: NUS Press. p. 53. ISBN 978-9971-69-146-2.