曾健成

曾健成

曾健成（英文：Tsang Kin Shing，1956年1月26號—），花名「阿牛」，係香港社會民主連線成員，做過香港立法局漁農、礦產、能源及建造界議員，東區區議會樂康選區前任議員。

生平

曾健成响香港出世長大，鄉下係廣東惠州。佢係基督徒，已婚，有兩個仔。

佢本來係一位地盤判頭，因為八九民運嘅關係，開始積極參與社會運動。

佢喺1991年當選東區區議員（柴灣中選區），3年後（1994年）喺樂康選區成功冧莊，2003年第一次重返區議會（做到2011年），2019年第二次重返區議會。

1995年，佢透過新九組嘅漁農、礦產、能源及建造界晉身立法局，成為立法局議員。

由1996年到2012年，佢積極參與保釣運動，組織保釣行動委員會，當中包括2012年啟豐二號船員登上釣魚島事件。

2020年12月8號，曾健成晨早俾警方上門拘捕。除咗佢之外，仲有其他泛民主派人士被拉，包括胡志偉、民陣召集人陳皓桓、東區區議員徐子見、陳榮泰、同埋社民連成員「四哥」鄧世禮。

2021年7月8號，曾健成同黨友岑子杰齊齊劈炮，成為香港民主派區議員辭職潮嘅犧牲品。