東久邇宮

東久邇宮（日文：ひがしくにのみや^{Higashikuni no miya}）係日本舊時一個宮家，由東久邇宮稔彥王響1906年設立。1947年，響駐日盟軍總司令指示底下，東久邇宮全家皇籍脫離。而東久邇宮係當時11個皇籍脫離嘅宮家入面，知名度同埋影響力最高個嗰宮家。

歷任當主

東久邇宮

• 第一代（同時係末代）：東久邇宮稔彥王

東久邇家

即東久邇宮皇籍脫離之後新起嘅，但嗰時開始已經唔係皇室成員，淨係得個名。

• 第一代：東久邇稔彥（即東久邇宮稔彥王）
• 第二代：東久邇信彥
• 第三代（現任）：東久邇征彥

分支

• 栗田侯爵家（由稔彥王三仔彰常王響1940年創立）

影響力

東久邇宮之所以會係當時11個皇籍脫離嘅宮家入面，知名度同埋影響力最高個個宮家（其次係竹田宮），唔單止因為東久邇宮稔彥王做過首相，仲係因為東久邇宮比起其他宮家，更加近當代天皇血統（因為稔彥王娶咗明治天皇第九個女聰子內親王，而盛厚王就娶咗昭和天皇個大女成子內親王）。而依家日本皇室有好大問題：淨係得悠仁一個男性後代。如果悠仁有乜嘢冬瓜豆腐，咁天皇一位就冇人可以繼承，而東久邇宮又係最近當代天皇血統嘅一個宮家，所以近年有好多人開始要求恢復東久邇宮嘅皇室成員身份，為日本皇室繼承問題留返一條後路。