劉徹
| ||||
|---|---|---|---|---|
.png) | ||||
| 統治 | ||||
| 崗位 | 中國皇帝、儲君  | |||
| 明細 | ||||
| 出世日 | 156年6月7號 BC | |||
| 出世地 | 長安 | |||
| 本名 | 劉徹 | |||
| 死亡日 | 87年3月29號 BC | |||
| 死亡地 | 長安 | |||
| 國籍 | 西漢 | |||
| 通曉 | 中文 | |||
| 職業 | 詩人 | |||
| 配偶 | 陳皇后、衛子夫、Lady Wang、Li Ji、Li Furen、Lady Yin、Xing Xing'e、Gouyi | |||
| 仔女 | 劉據、劉弗陵、Liu Hong、Liu Dan、Liu Xu、Liu Bo、princess Weichang、princess Zhuyi、princess Shiyi、princess Eyi、princess Yangshi、princess Yian | |||
| 家族 | House of Liu | |||
| 阿爸 | 劉啟 | |||
| 阿媽 | Empress Wang Zhi、Empress Wang | |||
| 兄弟姊妹 | Princess Pingyang、Princess Nangong、Princess Longlü、Jin Su、Liu Rong、Liu Pengzu、Liu Cheng、Liu Ji、Liu De、Liu Fa、Liu Shun、Liu Yue、Liu Eyu、Liu Fei, Prince of Jiangdu、Liu Sheng、Liu Yu、Liu Duan | |||
[改維基數據] | ||||
劉徹令到漢朝成為當時世上一大國，締造盛世，但係戰爭同埋經濟政策，亦都造成百姓沉重負擔。
劉徹喺在位期間多次進攻匈奴，又派張騫出使西域，打通咗絲綢之路；喺西南消滅咗夜郎、南越等國家。劉徹嘅影響力，已經深入到西北、東南同東北呢啲地方。唔單止係噉，佢為咗方便紀年，重創立咗年號，而年號亦都對中國史有好大影響。
雖然漢武帝文治武功有齊嗮，但係喺晚年仍然有啲甩漏。喺嗰陣時因為佢嘅甩漏而逼死咗太子劉據，史稱「巫蠱之禍」或「巫蠱之亂」。當武帝知道冤情之後，好後悔，因而喺輪台寫咗《輪台罪己詔》。
早年
[編輯]根據《史記》嘅記載，劉徹應該響漢景帝前元年出世，喺兄弟排名入面排第九，照噉睇應該冇乜機會去脫穎而出嘅[1]。出世四年後，景帝平定七國之亂，因此多咗好多吉嘅諸侯位，因而四歲嘅劉徹被封膠東王。
漢景帝六年，薄皇后俾景帝廢黜，而太子劉榮亦俾景帝廢除。劉徹同王娡藉住館陶長公主劉嫖嘅幫助，做咗太子同皇后，冇幾耐太子劉徹娶咗陳阿嬌。景帝死後，劉徹正式登基做皇帝，陳阿嬌做皇后。呢個轉折點標誌住大漢盛世逐漸來臨。
皇帝生涯
[編輯]雄心受挫、創立年號
[編輯]漢武帝繼承皇位之後，好急噉了解朝政：佢舉行朝會，聽群臣嘅意見；又檢查各方面嘅情況。武帝鍾意微服出巡，扮下呢樣，扮下嗰樣。當然，武帝亦有更多時間留喺未央宮度睇下書，處理下奏章。但係，最棘手嘅問題就係點搞景帝份遺詔。嗰份遺詔告誡嘅嘢完全同武帝嘅諗法好唔同：景帝告誡劉徹要守成、體恤黎民、唔好同匈奴爭執，而武帝反而想遠征匈奴、攞成就，認為匈奴成日掠奪大漢啲嘢，點解要同佢「和」呢。全因為呢份遺詔，而挷住咗武帝嘅手腳。
武帝鍾意標新立異，第二年，佢下令改元，改用年號，唔再用「上元」、「中元」、「後元」呢啲嘢來紀年。武帝宣佈用「建元」做中國史上第一個年號，對中國歷代君主造成咗好大影響。
田竇爭權
[編輯]武帝為咗振興大漢，完成大業，就用皇帝權力彈劾官員，而且係堂堂大丞相衛綰。有一日，漢武帝同嫲嫲竇太后傾偈，講到廢丞相衛綰嗰陣，武帝就鬧爆佢推行同鼓勵老豆景帝「無為而治」。竇太后見佢粒孫咁堅持，冇嘢講到。佢轉下話題，問武帝：「噉邊個做到丞相吖？」武帝話唔知，竇太后就話竇嬰做到，劉徹阿媽王娡好反對，建議用佢嘅舅父田蚡、田勝。最後，武帝田氏、竇氏都用，從而造成「田竇爭權」嘅局面。
最後，太皇太后（竇太后）廢田蚡、竇嬰，立許昌為相，結束「田竇爭權」。
巧遇衛子夫
[編輯]太皇太后結束「田竇爭權」之後冇幾耐，武帝就派張騫出使西域，原來朝廷已經有出使西域嘅諗法，只係意見唔統一。
張騫走咗之後，武帝覺得好悶，所以到咗農曆三月三號，係上巳節，所以佢去咗祓祭。祓祭，係西周傳落嚟嘅習俗，相傳祓祭完之後就會除走嗮啲病痛。武帝班友一路行，一路行，去到霸河。霸河原本叫滋水，春秋時期秦穆公喺嗰度大敗西戒，改咗條河做霸水，後來又嗌霸河。
霸河上便叫做霸上，係祓祭勝地，亦都係當年劉邦接受秦王子嬰禪讓同約法三軍嘅地方。唔單止係噉，佢重係劉徹阿爺漢文帝劉恆嘅葬地，而且係劉徹老豆漢景帝同周亞夫平定七國之亂嘅起兵地。
祓祭完之後，武帝就去探平陽侯同平陽公主劉玫。劉玫屋企有四個姓衛嘅舞女，最細嗰個就係衛子夫，當佢聽到要表演畀皇帝睇嗰陣，佢好興奮。武帝好中意衛子夫，就送咗佢入宮。
廢立皇后、獨尊儒術
[編輯]衛子夫入宮後，並唔受大家歡迎。佢俾人公認為「衰女人」。陳阿嬌呷醋，劉嫖好嬲，重俾太皇太后打入冷宮添。
前134年，董仲舒就向劉徹提出一個建議：「諸不在六藝之科孔子之術者，皆絕其道，勿使並進」，應該「罷黜百家，表章六經」。之後，劉徹大量任用儒生做官，同時，張湯同埋杜周等人都主張以《春秋》決獄，逐漸令到通曉儒家經典成為做官嘅必要條件之一，儒家逐漸成為中國社會嘅統治思想，並且長達二千年。
家庭
[編輯]后妃
[編輯]仔
[編輯]女
[編輯]參考
[編輯]
攷
[編輯]- ↑ 《《漢武大帝》》。大地。頁 第20頁。
書
[編輯]- 《漢武大帝》. 大地出版社.