第3屆香港行政長官選舉

第3屆香港行政長官選舉
香港選舉政治專題
‹ 2005 •  • 2012 ›
2007年3月25號
選舉類型				行政長官
選舉統計
選民人數						800
總投票數						772
‎總投票百分比
							99.1%
			2 曾蔭權
			獲得選舉委員票						649
									81.12%
			1 梁家傑－File:Hong Kong Civic Party Logo.svg公民黨
			獲得選舉委員票						123
									15.38%
香港行政長官
選前 曾蔭權 獨立人士						選後 曾蔭權 獨立人士

第三屆行政長官選舉，係喺2007年上半年舉行嘅香港特別行政區行政長官選舉。選舉由800人組成嘅選舉委員會投票，由一位或者多位候選人之中，揀出下一任行政長官。由於立法會修訂咗《行政長官選舉條例》，加入信任投票制度，所以今次就算只得一個人有足夠提名，仍然需要投票。

參選資格

參選人要係香港特別行政區永久性居民嘅中國公民，無外國居留權；實齡夠40歲；喺香港連續住夠20年。參選人最少要有100人簽名提名佢先可有資格選。成個選舉最多可以用HK$9,500,000。

確認咗啱資格嘅候選人

姓名	性別	政治聯繫	提交提名表格日期	提名人數
梁家傑	男	公民黨	2007年2月14號	132人
曾蔭權	男	無	2007年2月16號	641人

梁家傑

喺第二屆行政長官選舉嗰陣因為得一個候選人獲有效提名，結果唔使投票董建華就自動當選；之後喺2005年香港特別行政區行政長官補選都係「一人參選」。所以今屆公民黨同民主黨決定積極參與選舉委員會選舉，希望透過間接選舉而成功令候選人關注選民所關心嘅課題，唔會單單為商界服務。令次選舉，由800人選舉委員會選舉開始。

兩黨代表公民黨梁家傑喺2006年11月6號宣布角逐。

2007年1月31號，梁家傑喺中環遮打花園宣佈得到111個選委提名，夠晒參加行政長官選舉。2月10號，梁家傑佈取得123名選委提名。2月14號，即提名期正式開始首日，梁家傑即前往提交選委提名表格，共取得132個提名，成為第一個確認嘅候選人。佢個競選口號，中文係「誰想去贏一場沒有對手的競賽?」，"Who wants to win a race without competition?"。

曾蔭權

2007年1月22號以「正積極考慮及預備參加行政長官選舉」名義，好高調咁坐行政長官專車，去到灣仔東亞銀行港灣大廈嘅「曾蔭權競選辦公室」。佢要到2月1號先至正式參選。2007年2月5號佢宣布拎到多過450名委員提名。佢個競選口號，中文係「我會做好呢份工」，而英文 "I'll get the job done!"。

第三屆行政長官選舉

選舉過程

提名期

2007年香港特別行政區行政長官選舉提名期由2月14號到3月1號。

投票日

2007年香港特別行政區行政長官選舉投票日喺3月25號喺亞洲國際博覽館舉行。香港政府今次響呢度搞，係因為會展爆棚，投票要移去博覽館搞。嗰日上晝9點到11點係第一輪投票。如果無人得到過半數有效票，就會喺下晝兩點到四點舉行第二輪。如果仲未有人過半數，夜晚上7點到9點，再搞第三輪。

時序

• 2006年11月6號，部分民主派組成嘅特首選舉民主工作小組公布推舉梁家傑參加行政長官選舉。
• 2006年12月10號，選舉委員會界別分組選舉舉行。
• 2006年12月16號，陳乙東宣佈參加行政長官選舉。
• 2007年1月22號，曾蔭權以「正積極考慮及預備參加行政長官選舉的人」名義視察曾蔭權競選辦公室。
• 2007年1月25號，李永健宣佈參加行政長官選舉。
• 2007年1月31號，梁家傑宣佈已取得111名選委嘅支持。
• 2007年2月1號，曾蔭權宣佈參加行政長官選舉。
• 2007年2月4號，曾蔭權宣佈已取得過半數選委支持。
• 2007年2月14號，2007年香港特別行政區行政長官選舉嘅提名期開始；紀文珊同詹振榮宣佈參加行政長官選舉；梁家傑提交提名表格，獲確認為第一名行政長官候選人。
• 2007年2月16號，曾蔭權提交提名表格。
• 2007年3月1號，2007年香港特別行政區行政長官選舉嘅提名期結束。
• 2007年3月25號，行政長官選舉嘅投票喺亞洲國際博覽館舉行。

投票當日過程

• 09:00 首輪投票開始。
• 11:00 首輪投票結束。
• 11:53 首輪投票結果公佈，曾蔭權以649票當選。

選舉結果

喺呢次選舉，800名選委（當中有四人身份重覆，另外一人死咗）當中總共有789名選委攞咗選票，投票率係99.1%。在投票箱內嘅788票中，有效選票佔772張，另外有11張空白票，4票冇用印章蓋印，一票同時蓋咗印喺兩名候選人嘅空格上。另外有一張空白嘅選票放咗喺投票間地下，冇放進投票箱內。事後梁國雄話嗰張票係佢攞嘅，佢本來想當眾撕毀選票，以表達對小圈子選舉嘅不滿，但畀工作人員制止，所以佢將空白選票丟喺地下。

各候選人得票情況如下：

編號	候選人	得票	得票率	結果
1	梁家傑	123票	15.93%
2	曾蔭權	649票	84.07%	當選

選舉總結

曾蔭權同夫人喺百德新街乘坐開篷巴士謝票

• 梁家傑得到132名選委提名參加行政長官選舉，但喺不記名投票之中，就算加埋佢投畀自己嘅一票，亦只係得到123票，比提名數目少。
• 曾蔭權得到641名選委提名參加行政長官選舉，喺投票中得到649票（其中一票冇蓋喺指定位置入面，但選舉主任馮驊法官認為印章蓋咗喺曾蔭權一欄，明確表達投票意向，裁定有效）。
• 呢次選舉有16票裁定無效，另有一票冇放入投票箱；而1996年嘅選舉就只有一張空白票。

出面網頁

• 第三屆行政長官選舉官方網站
• 2006年選舉委員會界別分組選舉官方網站
• 選舉管理委員會

參選人競選網頁

• 曾蔭權： http://www.donald-tsang.com/
• 梁家傑： http://www.competitionforce.hk/
• 陳乙東： http://busuncle01.mysinablog.com/、 http://www.hkblog.com.hk/?1285

一覽表

• 香港選舉一覽