青衣西北交匯處
    | |
|---|---|
 | |
| 基本資料 | |
| 總長度 | 6.5公里 |
| 車速限制 | 80公里／小時 |
| 所在地區 | 香港新界西葵青區 |
| 起點 | 葵青區青衣島長青公路 |
| 終點 | 葵青區青馬大橋青衣入口 葵青區汀九橋青衣入口 葵青區青衣北岸公路 |
| 歷史資料 | |
| 通車日期 | 1997年5月22號 |
青衣西北交匯處（英文：North West Tsing Yi Interchange）係喺香港嘅青衣島西北角石環嘅道路交匯處，亦係香港3號幹線同8號幹線一部分。交匯處包括8座總長6.5公里而且相連嘅天橋同一段快速公路，接駁青嶼幹線青馬大橋（屬8號幹線）、青朗公路汀九橋（屬3號幹線）、長青公路（屬3、8號幹線）同青衣北岸公路，屬青馬管制區範圍，隧道人員獲授權執行《青馬管制區條例》。
青衣西北交匯處嘅規劃係香港機場核心計劃中連接香港國際機場同市區快速公路（即3、8號幹線部份）嘅一部份。除連接青衣北岸公路外，工程喺1994年9月動工，喺1997年4月完成。
道路連接
[編輯]- 交匯處南面係長青公路，可前往8號幹線嘅南灣隧道或3號幹線嘅長青隧道去沙田區、九龍及香港島，或經青衣西路前往青衣市中心。
- 交匯處西面係青嶼幹線青馬大橋，8號幹線經呢度通去大嶼山同機場。
- 交匯處北面係青朗公路汀九橋，3號幹線經此通往大欖隧道及屯門公路。北面另外有一個出口係青衣北岸公路，通往青衣市中心同荃灣區。
其他建築物
[編輯]- 青嶼幹線行政大樓喺青馬大橋側，就喺交匯處西面，亦鄰近青嶼幹線訪客中心及觀景台。
- 港鐵東涌綫同機場快綫就喺交匯處下面由東向西穿過，連接青馬大橋。
- 青衣西北交匯處下面係香港聯合船塢。
