香港之路
香港之路（英文：Hong Kong Way），係2019年8月23號由香港民間人士發起嘅一次反逃犯條例修訂抗議活動，喺各區手拖手組成人鏈。活動參照1989年8月23號嘅波羅的海之路活動，啱啱就係活動30週年紀念。參加者沿住港鐵港島綫、荃灣綫同觀塘綫嘅行人路企成一排，揮動手提電話嘅燈光，又高唱《獅子山下》、《海闊天空》、《Do You Hear the People Sing?》等等嘅歌。有啲人更自發上獅子山頂組成光鍊。
皆因搞手話今次活動唔係搞「集會」，所以無人向警方申請不反對通知書，整個活動期間警方無任何干涉，活動完全和平進行，亦無阻礙行車交通。活動完咗後，搞手宣稱有13.5萬人參加，原定路線加埋群眾後加嘅路線全長60公里[1]。
呢次活動後，香港各地繼續搞過唔少同反修例有關嘅人鏈活動。
路線
[編輯]香港之路原定路線主要係沿港鐵港島綫、荃灣綫同觀塘綫嘅地方，全長約45公里。
活動期間，群眾自發喺其他地方加入，全長約15公里。地方包括：
