中國共產黨第十九次全國代表大會
(由中共19大跳轉過嚟)
中國共產黨第十九次全國代表大會（簡稱中共十九大）喺2017年10月18號到10月24號响北京召開，負責選出中共第十九屆中央委員會同中央紀律檢察委員會。按照慣例，全國代表大會每五年舉行一次，由中央委員會召集，一般喺秋天進行。對上一次嘅中共黨代會係2012年11月舉行嘅第18次全國代表大會。
選舉總書記同領導層
[編輯]喺第十九屆中央委員會第一次全體會議上面，會選出最高領導人嘅中央委員會總書記、最高話事機關嘅中央政治局、最高權力核心嘅中央政治局常務委員會、中央做嘢機關嘅中央書記處、最高軍事機關嘅中央軍事委員會等中央領導機構同埋負責人。
總書記工作報告
[編輯]大會開幕當日，中國共產黨中央委員會總書記習近平代表第十八屆中央委員會向大會做報告。
高層人事變動
[編輯]作為最高權力核心嘅18屆七個中共中央政治局常委入面，除咗年紀較輕嘅習近平同李克強之外，其餘五個常委好有可能因為年齡問題喺呢次黨代會之後退休，空缺預計將由其他政治局委員補上。
2017年10月24號十九屆一中全會後公佈常委名單，分別包括習近平、李克強、栗戰書、汪洋、王滬寧、趙樂際同韓正。[1]
改《中國共產黨章程》
[編輯]2017年10月24號，十九屆一中全會決定將「習近平新時代中國特色社會主義思想」寫進《中國共產黨章程》入面[2]。
攷
[編輯]- ↑ 〈中国共产党第十九届中央委员会第一次全体会议公报〉。新華社。2017-10-25。
- ↑ 〈进入新时代！习近平十九大报告全文_新改革时代〉。news.ifeng.com。喺2017-10-18搵到。
 | ||
.jpg){kind=link}