多倫多參考圖書館

多倫多參考圖書館外出

多倫多參考圖書館入面

多倫多參考圖書館（英文：Toronto Reference Library，簡寫 TRL），六市合併前叫大多市參考圖書館（英文：Metro Toronto Reference Library，簡寫 MTRL），係多倫多公共圖書館網入面最大嘅圖書館，1977年9月6號開幕，位於多倫多市中心央街夾 Bloor以北，由 Bloor-Yonge 站行路行過去大約五分鐘。

間館入面嘅室內中庭同演講廳經常有免費演講，間中亦會有大型活動喺度舉行，例如多倫多漫畫節就通常都會喺嗰度。

雖然佢個名叫參考圖書館，但係其實唔係淨得參考資料，入面好多書其實係可以借嘅。

多倫多喺1909年已經有參考圖書館，原址喺書院街夾聖佐治街，但係1969年之前已經唔夠位用擺書，所以要起過間新嘅，當時北約克市長其實提議過搬佢去北約克，亦即係北約克中央圖書館現址，不過其他市嘅圖書館委員認為太遠，同太近北約克自己嘅圖書館。設計現址嘅係加拿大建築師 Raymond Moriyama。