孔蘇

孔蘇（粵拼：hung2 sou1，Khonsu，聖書體：

）係古埃及嘅月神，亦係光同夜晚之神，阿蒙同姆特個仔。喺考姆翁布嘅民眾就相信佢係索貝克同哈托爾個仔。

孔蘇嘅形象通常係側頭部留象徵孩童身份嘅捲髮、身纏紗布嘅木乃伊裝扮，佢係上埃及第四省省府底比斯嘅神祇，古埃及人奉佢為月亮嘅化身。

由於孔蘇個名嘅讀音同古埃及語中「胎盤」嘅發音好似，所以古埃及人就對呢位神祗同胎盤產生咗聯想。

後嚟，孔蘇甚至被視為法老王生母體內嘅胎盤，係法老嘅孖生兄弟。前述嘅諸多因素亦都令孔蘇獲得「人類之長」、「審判眾神嘅世襲王子」嘅稱號，並躋身埃及重要神明嘅行列。

其他方面[編輯]

即使孔蘇身為橫渡天空嘅月亮之神，但根據資料文獻嘅記載，孔蘇亦有極為殘暴嗜血嘅一面。孔蘇會獵殺人類作為獻畀已故國王嘅供物，自己仲會食獵物嘅血肉。

由於弦月喺古埃及社會裡係鐮刀與刀刃嘅象徵，據傳康士以佢嘅象徵物弦月作為武器。此外，古埃及人相信月亮嘅盈缺會對人體造成影響，因此月神亦都係可以造成疾病嘅神明，但相對孔蘇可以驅除疾病，仲可以驅退惡靈。

後嚟孔蘇又同圖特結合成為「瑪亞特嘅書記」，負責幫助升天嘅靈魂，公正咁對待所有人。

孔蘇嘅信仰起源於底比斯，主要嘅信仰地區就喺以底比斯為中心嘅上埃及地區。

同赫利奥波利斯諸神相比，孔蘇都算係一個幾後生嘅神祇。佢嘅信仰直到埃及定都底比斯嘅中王國時代（西元前2055~1650年）至新王國時代（西元前1550~1069年）呢段時間，先至有啲規模。

另外，有民眾將孔蘇奉為驅病神祭祀。拉美西斯二世（西元前1303~1213年）所造嘅「本塔利什碑」當中就有記載，呢位法老曾經向孔蘇祈求佢嘅公主能夠痊癒，並將孔蘇嘅神像送俾敘利亞國王。

呢篇孔蘇係一篇關於神話、傳說嘅楔位文章。你可以編輯呢版充實內容。