宏昌工廠大廈
宏昌工廠大廈（英文：Wang Cheong Factory Estate），係位於香港九龍深水埗區長沙灣嘅一座工廠大廈，門牌號碼荔枝角道781號，鄰近長沙灣蔬菜批發市場同長沙灣臨時家禽批發市場，由香港房屋委員會喺1984年11月興建而成，係房委會現有六座運作緊嘅工廠大廈之一，亦都係房委會最後一個廠廈項目。宏昌工廠大廈原本設有第一同第二座，兩幢都有11層高，其後前政府物料供應處購入第二座作為九龍總部同政府物料倉庫，並改名做宏昌大廈（英文：Wang Cheong Building；門牌號碼荔枝角道783號）。至於原本嘅第一座仍作出租用途，提供超過一千個小型工廠單位，出租面積約2.6萬平方公尺，進駐嘅廠戶業務多元，主要係工程、裝修、印刷、蒸籠同紙製祭品製作等。但係，政府為增加公營房屋供應，已決定將第一座重建，相關工作已於2023年1月起開始，而第二座就獲得保留。
結構
[編輯]宏昌工廠大廈（原第一座）係一座設有升降機嘅新型分層工廠大廈，鄰近長沙灣蔬菜批發市場同長沙灣臨時家禽批發市場，同隔籬嘅宏昌大廈同荔枝角道成縱向排列，目前由房委會直接管理[1]。大廈採用近似葵涌葵安工廠大廈嘅設計，但係由高空角度鳥瞰樓宇，似一個拉長了嘅「雙十」字型，升降機分別設於大廈中央同兩端附翼，而廁所就喺兩端附翼嘅升降機大堂旁邊，大廈辦事處設於地下[2]。根據香港審計署2011年嘅報告，宏昌工廠大廈樓高11層，出租面積26,086平方公尺，提供1,020個面積為25平方公尺之單位[3]。
至於宏昌大廈（原第二座）曾經係前政府物料供應處九龍區總部，面積約為2.81萬平方公尺，設計同宏昌工廠大廈一樣[4]。據政府產業署表示，呢幢大廈現時屬於香港特區政府自置物業，係一座一般用途聯用辦公大樓，目前全部單位已經編配畀其他政府部門作長期使用[5]。同時有啲政府部門租用部份樓面作為倉庫，例如建築署、土木工程拓展署、環境保護署、路政署等[6]，選舉事務處亦試過喺其貨倉設立後備選舉點票站[7]。此外，香港海關喺度設置檢獲物品貯存倉暨辦公室，亦喺嗰度拍賣由海關充公嘅物品[8]。
歷史
[編輯]宏昌工廠大廈喺1984年11月由香港房屋委員會建成，為區內同附近地區提供適合中小型工業發展嘅工廠，以應付當時小型工廠單位嘅殷切需求[9]。房委會前身徙置事務處自1957年10月開始發展徙置工廠大廈，以吸納俗稱「山寨廠」嘅家庭式工業同小規模工場，令到政府廠廈單位大增，唔少小型廠戶都受惠於呢啲單位[10]。1960年代初，香港政府喺長沙灣填海，而工廠嘅原址用作沙倉用途。1980年代起，香港政府開始喺荔枝角道以南近長沙灣蔬菜批發市場發展工廠大廈，呢一帶土地都係喺政府收回土地同發展後，呢度就成為工業用地，經歷幾年來嘅建設，宏昌工廠大廈到1984年接近落成，房委會亦喺同年7月中起透過政府統計處協助抽樣，向四萬名工廠東主致函介紹呢座廠廈[11]。
幾日後，房委會正式接受市民申請宏昌第一座嘅單位，月租連差餉同管理費介乎每平方公尺35.5至67.4港元，因為房委會喺同年簡化申請程序同撤銷租用單位數目限制，申請者可以租用多於一個單位，甚至可以租哂全層。申請係以先到先得方式處理，並經由職員協助選擇單位同簽約，最快可以半個鐘搞掂[12]。單喺招租首日，就有不少人親自前往現場參觀。其中超過四百人排隊索取申請表，房委會辦事處亦接到逾兩百次電話查詢[13]。據房委會統計，首三日成功租出嘅單位，分別有322個、151個同133個，即係加埋606個，佔可予租賃嘅1,045個單位（比現時嘅可租賃單位略多）大約六成。大多數申請人只租用一個單位，但有啲人租咗二至四個，甚至有人一口氣租咗大半層約70個單位[14]。
宏昌第一座招租完成後到11月正式入伙，至此房委會嘅廠廈數目增至全盛時期嘅17座，但係由於香港工業喺呢個時候因中國大陸改革開放而北移，香港廠廈單位需求開始下降，房委會至此之後就無再起廠廈[15]。至於原本嘅宏昌第二座原定1985年2月落成，不過房委會當時未決定呢座大廈嘅用途，落成後就決定賣畀前政府物料供應處作為九龍總部同倉庫（該處曾經諗過喺九龍灣興建九龍總辦事處[16]），後來仲改名做宏昌大廈，所以呢座大廈無租畀予廠戶使用[14]。另一方面，房委會喺1989年檢討其轄下廠廈嘅情況，決議長遠逐步減持廠廈單位，以集中發展公共房屋，結果房委會喺清拆一啲舊式廠廈之後，旗下廠廈就只淨返宏昌等六處建築[17]。
現況
[編輯]租用
[編輯]宏昌工廠大廈（原第一座）現時係房委會現有六座運作中工廠大廈之一，同其他房委會廠廈一樣，幾乎達至全面出租[18]。據房委會數字，宏昌喺2020年嘅租用率約為95%，租戶總數約有490戶[19]。據香港民主民生協進會嘅時任立法會議員馮檢基喺2013年表示，嗰年宏昌有約500名廠戶同3,000名工人。而這些人業務多元，主要從事電子、電力和水務工程等小型行業，也有人開設裝修、印刷、蒸籠同紙製祭品製作工廠等，廠戶大多係當時超過40歲人士[20]。不過早期有人喺廠廈開設非法賭場，例如地下麻雀館，因此曾導致警方進入廠廈採取行動同拘捕[21]。前藝人翁靜晶亦都曾經寫書提到廠廈部份單位喺夜晚變為麻雀館，質疑房委會監管不力[22]。2003年12月，廠廈發生地下麻雀館縱火案，兇手行上某間改做麻雀館嘅單位，威脅受害人並掟火把，單位迅速起火，最終導致三死八傷，而兇手則被判誤殺罪名成立並入獄十年。[23]
重建
[編輯]行政長官林鄭月娥透過《2019年施政報告》同《2020年施政報告》建議房委會將旗下廠廈重建為公屋，當中位處麗翠苑、宇晴軒等「西九四小龍」附近嘅宏昌，有媒體認為最具重建潛力，而且重建後至少可以興建三座樓宇提供逾千個單位[24]。早喺1998年，香港特區政府鑑於市區住宅供應不足，將宏昌工廠大廈（第一座）同宏昌大廈（第二座）一帶嘅用地，由工業改劃作住宅用途，規劃署喺當年2月同4月，分別諮詢深水埗臨時區議會同公眾意見，無接獲反對意見，但承認無諮詢過廠廈廠戶[20]。2003年上述嘅縱火案發生後，馮檢基本人更批評嗰度空置率高同管理困難，建議立即收返重建發展[25]。
但係，城市規劃委員會喺2013年3月決定將附近嘅亞洲高爾夫球會場地由「休憩用地」改成「住宅用地」，計劃重建為長沙灣邨二期公屋，即係現時嘅麗翠苑；而為補償區內「休憩用地」，城規會建議將整個宏昌工廠大廈、部份宏昌大廈同部份臨時家禽批發市場用地，改劃為「休憩用地」[10]。消息一出即引起宏昌工廠大廈嘅廠戶反對，他們其後成立「宏昌事件關注組」，擔心如果廠廈要清拆，他們難以搵到區內相近租金嘅私營工廠單位，令工人失業同損失生意，政府做法等同扼殺中小型企業嘅生存空間[26]。他們聯同民協成員喺6月到城規會請願以表達關注，要求將宏昌嘅土地用途改返廠廈落成當初嘅工業用途[27]。城規會後來喺同年10月開會討論《長沙灣分區計劃大綱草圖》，廠廈代表出席會議同重申反對將該用地改為休憩用途，曾經建議重建廠廈嘅馮檢基，批評港府淨係識保護政府用地（指宏昌大廈政府倉庫），而對廠廈下手[28]。當時房委會代表強調，暫時未有計劃將宏昌拆卸重建，即使政府改劃土地用途，都唔會影響廠廈租賃和日常運作[20]。
之後幾年，雖然港府未落實重建廠廈，但也從未放棄相關拆遷計劃。2019年8月，港府計劃提交《消防安全（工業建築物）條例》草案，由於宏昌等廠廈都喺1987年前興建，所以若條例獲得通過，房委會就需要展開大規模改善工程以提升消防標準[29]。為盡量減少受影響租戶數目同避免新出租單位租戶蒙受損失，房委會於是喺同年暫時凍結出租空置工廠單位[30]。直到目前為止，廠戶依然反對將廠廈重建，要求不遷不拆，呼籲港府唔好打佢哋主意[31]。
2021年5月，房委會公佈已完成相關研究，並計劃先將穗輝、葵安、業安同宏昌工廠大廈旗下四座廠廈，拆卸重建成為公營房屋，並將展開改劃為住宅用途程序，預計最快喺一年半後清拆，到2031年可以提供公屋單位供市民入住[32]。房屋署喺同年11月9日向深水埗區議會提交重建方案，表示將會喺原址重建兩座住宅大廈同提供1,200個單位，工程已於2023年1月展開。至於目前用作政府貨倉嘅宏昌大廈就獲得保留，亦無研究重建嘅可行性[33]。
交通
[編輯]相關條目
[編輯]參考來源
[編輯]- ↑ 〈宏昌工廠大廈〉。《工廠大廈》。香港房屋委員會。原著喺2021-03-25歸檔。喺2021-03-22搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈香港房屋委員會房屋署：工廠大廈的管理〉 (PDF)。《審計署署長報告書》。香港審計署。原著 (PDF)喺2021-03-12歸檔。喺2021-03-21搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈香港房屋委員會：商業樓宇的管理〉 (PDF)。《審計署署長報告書》。香港審計署。原著 (PDF)喺2021-02-05歸檔。喺2021-03-21搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈用作儲存用途而位於市區的政府物業資料〉 (PDF)。《新聞公報》。香港特別行政區政府新聞處。原著 (PDF)喺2021-03-25歸檔。喺2021-03-22搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈要求研究在深水埗區增設政府停車場—宏昌大廈：政府產業署的回應〉 (PDF)。《深水埗區議會交通事務委員會文件》。原著 (PDF)喺2021-03-25歸檔。喺2021-03-22搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈2004年2月至2006年1月17日政府部門獲編配物業摘要〉 (PDF)。《政府產業署文件》。香港特別行政區立法會。原著 (PDF)喺2020-09-23歸檔。喺2021-03-22搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈2018年立法會補選九龍西地方選區指定投票站及點票站公告〉 (PDF)。《香港特別行政區政府憲報第8210號公告》。政府物流服務署。原著 (PDF)喺2021-03-25歸檔。喺2021-03-25搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈政府拍賣充公iPad 明益水貨客內地轉售〉。《香港蘋果日報》。2011-08-23。原著喺2021-03-25歸檔。喺2021-03-22搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈本港出口繼續增長 中小型廠房需求日殷〉。《大公報》。1984-07-30。頁 9。
{{cite news}}:|access-date=requires|url=(help) - ↑ 10.0 10.1 勞動光榮。〈【規劃】遺忘了人的規劃：由宏昌工廈談起〉。《中大學生報》。第2013年9月號號。原著喺2020-10-31歸檔。喺2021-03-22搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈房署寄函件予廠戶 介紹宏昌工廠大廈〉。《華僑日報》。1984-07-14。頁 10。
{{cite news}}:|access-date=requires|url=(help) - ↑ 〈房委會宏昌廠廈 公開招租反應佳〉。《華僑日報》。1984-07-19。頁 8。
{{cite news}}:|access-date=requires|url=(help) - ↑ 〈房委會宏昌廠廈 昨接受申請租賃〉。《香港工商日報》。1984-07-19。頁 6。
{{cite news}}:|access-date=requires|url=(help) - ↑ 14.0 14.1 〈房屋委會廠廈招租 首三天有六成租出〉。《大公報》。1984-07-24。頁 12。
{{cite news}}:|access-date=requires|url=(help) - ↑ 〈建設及建築物－房屋署工廠大廈〉。《香港地方》。香港地方。原著喺2021-03-12歸檔。喺2021-02-28搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈港府物料供應處擬建九龍辦事處〉。《大公報》。1984-08-31。頁 8。
{{cite news}}:|access-date=requires|url=(help) - ↑ 房屋及規劃地政局。〈清拆房屋委員會舊型分層工廠大廈〉 (PDF)。《立法會房屋事務委員會》。香港特別行政區立法會。原著 (PDF)喺2021-03-12歸檔。喺2021-03-13搵到。
{{cite web}}: Unknown parameter|dead-url=ignored (|url-status=suggested) (help) - ↑ 陳明 (2020-08-14)。〈【活化失敗】（1）公屋供應告急 工廈改住宅 房委會議而未決〉。《堅料網》。原著喺2021-03-12歸檔。喺2021-03-21搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈關注房屋委員會研究重建宏昌工廠大廈：房屋署的回應〉 (PDF)。《規劃發展及交通事務委員會文件》。深水埗區議會。原著 (PDF)喺2021-03-25歸檔。喺2021-03-25搵到。
{{cite web}}: Unknown parameter|dead-url=ignored (|url-status=suggested) (help) - ↑ 20.0 20.1 20.2 〈二零一三年十月四日舉行的城市規劃委員會第1042次會議記錄〉 (PDF)。《城市規劃委員會文件》。城市規劃委員會。原著 (PDF)喺2018-10-28歸檔。喺2021-03-23搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈廠廈變麻雀館 房署懶管〉。《東方日報》。2010-11-26。原著喺2010-12-29歸檔。喺2021-03-23搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈房委會研拆工廈改建公屋 廠戶盼盡快落實安排及提供搬遷費〉。《香港經濟日報》。2019-07-12。原著喺2020-12-02歸檔。喺2021-03-23搵到。
{{cite news}}: Unknown parameter|dead-url=ignored (|url-status=suggested) (help) - ↑ 梁瑞珮、黃詠鍶 (2005-01-27)。〈闖工廈淋天拿水 高呼「一鑊熟」 縱火漢奪三命囚10年〉。《香港蘋果日報》。原著喺2021-03-25歸檔。喺2021-03-23搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈房委會工廈擬重建公屋 長沙灣宏昌最具潛力〉。《東方日報》。2020-01-12。原著喺2020-05-27歸檔。喺2021-03-21搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈九傷者仍危殆 警查雙程漢背景 火燒賭檔案疑涉出千遭報復〉。《香港蘋果日報》。2003-12-29。原著喺2021-03-25歸檔。喺2021-03-23搵到。
{{cite news}}: Unknown parameter|dead-url=ignored (|url-status=suggested) (help) - ↑ 宏昌事件關注組 (2013-08-06)。〈宏昌工廠大廈何去何從？（一）〉。《香港獨立媒體》。原著喺2019-05-09歸檔。喺2021-03-25搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈規劃亂咁黎 玩死中小企 — 反對宏昌工廈土地改變用途〉。《新聞發佈》。香港民主民生協進會。原著喺2017-04-01歸檔。喺2021-03-25搵到。
{{cite web}}: Unknown parameter|dead-url=ignored (|url-status=suggested) (help) - ↑ 劉旭霞 (2013-10-05)。〈興華街工廈改休憩用地遭反對〉。《說在線新聞網》。香港樹仁大學新聞與傳播學系。原著喺2021-03-25歸檔。喺2021-03-25搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈《消防安全（工業建築物）條例草案》對房屋委員會工廠大廈的影響〉 (PDF)。《香港房屋委員會商業樓宇小組委員會議事備忘錄》。香港房屋委員會。原著 (PDF)喺2021-03-25歸檔。喺2021-03-16搵到。
{{cite web}}: Unknown parameter|dead-url=ignored (|url-status=suggested) (help) - ↑ 王潔恩 (2019-08-21)。〈政府修訂消防條例 房委會擬凍結出租工廈 日後或重建公營房屋〉。《香港01》。原著喺2021-03-25歸檔。喺2021-03-16搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈廠商不遷不拆 斥政府扼殺本地工業〉。《東方日報》。2020-01-12。原著喺2021-03-25歸檔。喺2021-03-25搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈房委會擬重建4幢工廈建公營房屋 受影響租戶可獲特惠津貼〉。《香港01》。2021-05-24。原著喺2021-05-25歸檔。喺2021-05-25搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈同一樣是宏昌 二個不同命運 物流署一座留 小租戶一座拆〉。《獨立媒體》。2021-11-10。原著喺2023-07-03歸檔。喺2023-07-03搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈6工廈擬改建公屋 或全幢拆用盡地積比〉。《明報》。2019-07-13。原著喺2019-07-14歸檔。喺2021-03-30搵到。
{{cite news}}: Unknown parameter|dead-url=ignored (|url-status=suggested) (help)
