跳去內容

2020年度香港行政長官施政報告

改拎
出自維基百科，自由嘅百科全書
2020年11月25號，行政長官林鄭月娥喺施政報告記者會騷報告嘅封面同附篇

《2020年度香港行政長官施政報告》係第五屆香港行政長官林鄭月娥出嘅第四份施政報告。施政報告喺2020年11月25號發表，主題係「砥礪前行　重新出發」。報告封面用天藍色做主色，希望為香港帶嚟希望[1]。

內容摘要

[編輯]

施政報告改變過往嘅寫法，市民關心嘅民生同經濟事項並冇優先去講，今次係以政治行先。報告將「中央全力支持」、「堅持『一國兩制』」放喺第二、三章，前者多次講到訪京攞到嘅成果，後者強調要對特區嘅憲制秩序同政治體制正本清源，撥亂反正。成份報告「中央」呢個詞語出現43次、「大灣區」出現45次、「一國兩制」出現20次，「港人治港」就出現咗2次[2]。

政治

[編輯]
  • 今年內將修訂《宣誓及聲明條例》同《立法會條例》等法例，完善公職人員宣誓安排同處理違誓行為嘅後果，表明現任公務員要簽署效忠聲明安排，確認擁護《基本法》，效忠中華人民共和國香港特別行政區同對香港特區政府負責[3]
  • 每年設「國家憲法日」同「國家安全教育日」等，喺社會全面做愛國同國家安全教育宣傳[4]。
  • 修訂《國旗及國徽條例》。
  • 對於18歲以下有悔意而唔係涉及嚴重罪行者，視乎情況考慮採取令佢可以改過自新嘅措施。

造地建屋

[編輯]
《長遠房屋策略》未來十年公營房屋供應達標
增加中長期土地供應
唔做長遠規劃，將無以為繼
  • 長期房屋供應選項，主要須靠明日大嶼嘅交椅洲人工島填海、龍鼓灘近岸填海同重新規劃屯門西發展，共約1,440公頃土地。形容政府唔會放棄「明日大嶼願景」嘅工作，最快2034年有樓入伙[6]。
加快公私營房屋供應
  • 成立「項目促進辦事處」，加快處理大型私人住宅用地發展審批[7]。
  • 擴大發展局「精簡發展管制督導小組」嘅職權，涵蓋發展局以外嘅部門[8]。
  • 行政長官親自督導房屋土地供應，確保各政策局同部門步伐一致[8]。
過渡性房屋同其他支援措施
  • 運用合共83億元專項撥款，促成非政府機構喺2020－21至2022－23三年內提供15,000個過渡性房屋單位，當中13,200個單位已搵到合適土地[6]。
  • 推出先導計劃，資助非政府機構租用酒店或賓館做過渡性房屋用途[9]。
  • 喺2021年年中推出試行計劃，為輪候公屋超過三年嘅合資格申請住戶提供現金津貼，約90,000個住戶受惠[10]。
  • 喺2021年第一季完成「劏房」租務管制研究[11]。
  • 邀請香港房屋委員會同香港房屋協會喺未來公營房屋項目入面增加地積比率，以供應5%總樓面面積做社福設施用途[12]。

可持續城市發展 

[編輯]
交通運輸基建
  • 開展全面交通運輸策略性研究同《跨越2030年的鐵路及主要幹道策略性研究》，以配合土地發展規劃、房屋供應同支持可持續發展[13]。
  • 香港鐵路有限公司（港鐵）已開展東涌綫延線、屯門南延綫嘅詳細規劃同設計；並將展開北環綫嘅相關工作同向政府提交南港島綫（西段）嘅項目建議書[13]。
  • 提倡「多元組合」環保連接系統，包括起自動行人道網絡同興建高架園景平台連接港鐵觀塘站，增強九龍東通達性，並就呢個計劃開展公眾諮詢[13]。
環保藍圖
  • 致力爭取喺2050年前實現碳中和，並就呢個計劃喺明年年中更新《香港氣候行動藍圖》，制定更進取策略同措施[14]。
  • 喺2021年上半年為屯門環保園設立現代化紙漿生產設施招標，確保可自行處理回收廢紙。紙漿生產設施預計喺2021年上半年招標，並預計喺2024年或之前開始運作[15]。
活化工廈
  • 喺2021年年初推行「標準金額」徵收補地價先導計劃，加快舊工廈重建[16]。

教育同人才 

[編輯]
優質教育
  • 加強德育、公民同國民教育，深化《憲法》、《基本法》同國家安全教育[17]。
  • 林鄭月娥指近年高中通識教育科「被異化」，「政治滲入校園誤導學生」，所以高中通識教育科要「改革」[17]一日後教育局局長楊潤雄表示通識科將會改名，公開考試只分合格同唔合格，唔再有獨立專題研究。而通識科書目需要畀當局審批。課程重整內容包括重視培養正面價值觀、積極態度、國民身份認同，同埋學習國家發展、《憲法》、《基本法》同法治，都會安排學生到中國內地考察[18]。
  • 「強化」教師入職、在職同升職前嘅「培訓」，「提高」教師質素。另外林鄭月娥講到明會嚴肅跟進「不稱職」同「專業失德」教師，「以免誤人子弟」[17]。
  • 喺「優質教育基金」預留20億推行為期三年電子學習資助計劃，並確保家境困難學生有平等學習機會[19]。
  • 支持香港演藝學院起新教學設施同學生宿舍[20]。
青年發展
  • 推出「粵港澳大灣區青年創業資助計劃」，資助約200間青年初創企業，並為此喺「青年發展基金」預留港幣1億[21]。
  • 推出「大灣區青年就業計劃」，資助喺本地同大灣區內地城市都有業務嘅企業去請本地大學畢業生喺大灣區內地城市工作，名額2,000個[21]。

創造就業同紓緩失業情況 

[編輯]
創造就業
  • 除咗喺本年度去請約10,000名公務員同喺第二輪「防疫抗疫基金」下創造約30,000個有時限職位外（當中超過11,000個職位適合大學畢業生），政府會創造更多行業為本嘅就業機會，包括環保、建造同工程、創科、物業管理、法律、創意產業等，會請近年畢業嘅後生仔[22]。
  • 僱員再培訓局喺2021年1月推出為期半年嘅新一期「特別．愛增值」計劃， 提供20,000個名額同培訓津貼[22]。
優化社會保障安全網
  • 將綜援計劃下嘅「援助失業人士特別計劃」（將適用喺身體健全申請人嘅資產上限放寬一倍）延長六個月到2021年5月31號[23]。
  • 喺綜援計劃下推行新安排，豁免身體健全申請人擁有嘅保險計劃現金價值計算做資產，為期一年[23]。
  • 由2021年8月開始將「短期食物援助服務計劃」恆常化，預留港元4億1,500萬嘅經常開支[24]。
紓緩交通費負擔
  • 延長「公共交通費用補貼計劃」下每月公共交通開支水平由港幣400放寬到港幣200嘅臨時特別措施六個月到2021年6月30號[23]。
  • 港鐵將延長原定喺今年年底完嘅車費八折優惠三個月到2021年3月[23]。

醫療衞生 

[編輯]
  • 喺「禁毒基金」下預留額外3億，為有精神健康需要人士提供針對性同持續嘅支援[25]。
  • 透過「私營殘疾人士院舍買位計劃」增設暫顧服務宿位；喺有剩餘宿額嘅特殊學校附設宿舍部提供暫託宿位服務； 安排有需要到日間配對展能中心接受服務嘅嚴重弱智舍友留喺宿舍接受服務；同埋就照顧者政策同相關先導計劃做研究[26]。
  • 擴大「關愛基金」長者牙科服務資助範圍，包括資助移除牙橋或牙冠同杜牙根服務；及為參加計劃最少五年並年滿75歲嘅長者提供第二次免費鑲配活動假牙同相關診療服務[27]。
  • 為紓緩需要長期用藥病人嘅財政壓力，進一步完善經濟審查機制，擴大「撒瑪利亞基金」同「關愛基金」醫療援助項目涵蓋嘅藥物類別，同埋建立唔常見疾病資料庫同資訊平台[25]。

市政服務 

[編輯]
  • 應用科技改善公廁衞生同加強滅鼠工作[28]。
  • 即將啟用天水圍臨時街市，並推進規劃六個新公眾街市項目[29]。

注入經濟新動力 

[編輯]
國際金融中心
  • 將喺香港上市未有盈利嘅生物科技公司同內地科創板股票喺符合特定條件下納入「互聯互通」嘅選股範圍[30]。
  • 加快落實粵港澳大灣區「跨境理財通」[31]。
  • 推動香港房地產投資信託基金（房託基金），包括研究適度放寬房託基金嘅投資限制同擴大投資者基礎，同為私募基金分發嘅附帶權益提供稅務寬免[32]。
  • 已推出「拍住上」金融科技概念驗證測試資助計劃，鼓勵傳統金融機構夥拍初創企業進行概念驗證測試[33]。
  • 就訂立發牌制度監管虛擬資產服務提供商做公眾諮詢[33]。
國際航空樞紐
  • 香港機場管理局（機管局）會以市場化規則入股人流同貨量偏低嘅珠海機場，加強航空優勢[31]。
  • 鞏固同提升機場城市建設，機管局將喺港珠澳大橋香港口岸人工島起多項創新設施，包括自動化停車場同多式聯運中轉大樓、以無人駕駛運輸系統連接機場、「航天城」同人工島為「航天走廊」，同日後將系統伸延到東涌市中心[34]。
  • 開展跨境商用直升機服務籌備工作[35]。
國際創科中心
  • 同深圳一起建設深港科技創新合作區，並同深圳市政府研究喺落馬洲河套港深創新及科技園首批研發大樓落成前，由香港科技園公司承租同管理深圳福田科創園區部分地方[36]。
  • 推出20億元為期五年嘅「傑出創科學人計劃」，吸引海外傑出科研人才嚟香港從事科研工作[37]。
  • 喺今年12月發佈《香港智慧城市藍圖2.0》，提出超過130項智慧城市措施[28]。
  • 喺今年12月推出「智方便」一站式服務平台，提供多項政府同公共事業電子服務[38]。
支援商貿同中小企
  • 擴大「中小企業市場推廣基金」資助範圍，為期兩年，令受疫情影響企業充分利用線上線下展銷[39]。
  • 喺「專業服務協進支援計劃」下預留港幣5,000萬，資助專業團體加強喺大灣區同海外嘅宣傳推廣[39]。
  • 香港貿易發展局（貿發局）聯同廣東省同相關商會推出一站式「GoGBA」平台，提供政策諮詢、培訓同對接服務，去協助港商拓展內銷市場同進軍內地大型電商平台[40]。
創意產業
  • 向「創意智優計劃」再注資港幣10億[41]。
  • 成立跨政策局專責小組，促進藝術科技的推廣同發展，並預留合共1億同提供先進場地同配套設施作實驗用途[42]。
建造業
  • 維持未來幾年每年超過港幣1,000億工務工程投資，計埋私營界別投資，可為建造業創造超過30萬個就業機會[43]。
  • 向立法會建議，將整體撥款資助下每項小型工程嘅開支上限由而家嘅港幣3,000萬提升到港幣5,000萬，加快落實同市民生活息息相關嘅工程[43]。
會展業
  • 落實重建灣仔北三座政府大樓同港灣道消防局用地做會展設施、酒店同寫字樓，同埋推進亞洲國際博覽館二期發展計劃[44]。
  • 運用10億「會議展覽業資助計劃」，資助參與由貿發局搞嘅展覽嘅參展商同主要會議嘅參加者[45]。
  • 取消喺會展站上蓋設立會議同商業設施 ，將相關用地轉做其他用途。
旅遊業
  • 推行「躍動港島南」計畫，將南區改造成全新嘅消閒玩樂地區，包括制訂海洋公園嘅重生方案，將「珍寶海鮮舫」活化並納入海洋公園管理，研究擴大香港仔避風塘範圍同增加船隻停泊區，石澳石礦場以公私營合作方式發展水上運動中心，活化南區嘅工業大廈同增加「一地多用」設施同泊車位等[46]。發展局局長黃偉綸表示，政府會借鑑「起動九龍東」項目嘅經驗，成立由跨專業團隊組成嘅辦事處，聯同相關政府部門，同持份者合作，去推動各項目[47]。
  • 為受疫情重創嘅旅遊業界推出額外港幣6億紓困措施[48]。
  • 等到疫情緩和後，開拓更多本地文化同綠色旅遊資源，以期擴闊海內外客源同提供豐富的歷史文化同旅遊消閒體驗[49]。

公佈後闡述

[編輯]

呢部分嘅時間係東八區時間（UTC+8）。

行政長官林鄭月娥喺發表施政報告後，搞咗一系列公開闡述活動，其中有：

評價

[編輯]

政治先行 防疫失業問題無具體措施應對

[編輯]

香港中文大學政治與行政學系高級講師蔡子強話今年《施政報告》唔同過往以民生、經濟事項行先，寫喺開頭嘅反而係維護國家主權等政治事項，但依家市民最關注嘅防疫同失業問題都冇具體措施應對，但林鄭月娥只講抗疫成果，可以睇到呢份報告係面向中央多過為市民而寫。而面對疫情引發嘅失業潮，林鄭冇應社會各界要求推出失業援助金，只將失業綜援申請人嘅資産審查上限調高、「保險計劃現金價值」豁免計算期延長。以4人家庭做例子，唔計物業、保險價值嘅資產亦唔可以超過17.6萬，除非係貧困戶，普羅市民以至中產都好難受惠。

至於喺大灣區請本地大學畢業生同資助創業，蔡子強都質疑成效唔大，因為資助計劃一向只會協助精英階層，好難講一般市民有冇得益。蔡子強話睇唔到林鄭月娥呢份《施政報告》可令民意反彈，報告本身都冇挽回民意支持嘅用意[54]。

政府機關、公營機構、大學罕有發聲明力撐

[編輯]

警務處、海關、消防處、懲教署同飛行服務隊多個紀律部隊首長，同埋多個公營機構，包括醫院管理局、大學教育資助委員會、電影發展局同港鐵等，都喺今年《施政報告》發表後罕有咁發聲明表示支持[55]。而本港多間大學對香港融入大灣區建設同創科發展表示歡迎[56]。

南區區議會憂交通惡化

[編輯]

南區區議會主席羅健熙認為「躍動港島南」計劃會令而家好擠塞嘅交通問題惡化，影響居民日常生活。而事前完全冇就計劃內容諮詢當區居民[57]。

參考

[編輯]
  1. ↑ 翟睿敏; 彭焯煒、林劍 (2020-11-24)。〈施政報告提200新措施　封面沿用天藍色　林鄭：為香港帶來希望〉。《香港01》。原著喺2020-11-25歸檔。喺2021-01-25搵到。
  2. ↑ 〈未談補撕裂 「出於關心港人」屢提中央 田北辰：爭連任政綱 泛民：似「灣區報告」非面向港人〉。《明報》。2020-11-26。喺2020-11-26搵到。
  3. ↑ 〈立會宣誓或由特首監場 胡志偉轟「確立主從關係」〉。《明報》。2020-11-26。原著喺2020-11-26歸檔。喺2020-11-26搵到。
  4. ↑ 〈狂谷國安宣傳全面洗腦〉。《蘋果日報》。2020-11-26。原著喺2021-04-21歸檔。喺2020-11-26搵到。
  5. ↑ 〈政府覓得建31萬6千個公營房屋單位土地〉。《新城電台》。2020-11-25。原著喺2020-11-26歸檔。喺2020-11-26搵到。
  6. ↑ 6.0 6.1 6.2 〈政府將重建大坑西邨、石籬中轉屋及房委會工廈〉。《now新聞》。2020-11-25。原著喺2020-11-26歸檔。喺2020-11-26搵到。
  7. ↑ 〈未來10至15年 可提供逾10萬個公私營房屋〉。《now新聞》。2020-11-26。原著喺2020-11-26歸檔。喺2020-11-26搵到。
  8. ↑ 8.0 8.1 〈特首親自督導增加土地供應內部協調　加大加快房屋供應〉。《香港電台》。2020-11-25。原著喺2020-11-26歸檔。喺2020-11-26搵到。
  9. ↑ 王潔恩、張嘉敏 (2020-11-25)。〈施政報告2020｜政府租賓館或酒店作過渡屋　有偏遠酒店願全棟租出〉。《香港01》。原著喺2020-11-26歸檔。喺2021-01-25搵到。
  10. ↑ 〈【施政報告】現金津貼輪候公屋基層家庭 資助額為綜援金額一半〉。《頭條日報》。2020-11-25。原著喺2020-11-26歸檔。喺2021-01-25搵到。
  11. ↑ 〈【施政報告】推劏房租務管制 爭取明年首季完成研究〉。《頭條日報》。2020-11-25。原著喺2020-11-26歸檔。喺2021-01-25搵到。
  12. ↑ 徐紹軒 (2020-11-25)。〈【施政報告2020】公屋作社福設施樓面面積增至5%　研究增殘疾人士暫託宿位〉。《香港經濟日報》。原著喺2020-11-26歸檔。喺2021-01-25搵到。
  13. ↑ 13.0 13.1 13.2 〈施政報告：120億單軌鐵路擱置　建議行人輸送帶單車徑連接九龍東〉。《東網》。2020-11-25。原著喺2020-11-26歸檔。喺2020-11-26搵到。
  14. ↑ 〈政府會在明年年中更新《香港氣候行動藍圖》〉。《新城電台》。2020-11-25。原著喺2020-11-26歸檔。喺2020-11-26搵到。
  15. ↑ 〈【施政報告】明年中更新氣候行動藍圖 現代化紙漿生產設施料明年招標〉。《晴報》。2020-11-25。原著喺2020-11-26歸檔。喺2021-01-25搵到。
  16. ↑ 〈【施政報告2020】活化工廈引入「標準地價」　加快補地價進程〉。《香港經濟日報》。2020-11-25。原著喺2020-11-26歸檔。喺2021-01-25搵到。
  17. ↑ 17.0 17.1 17.2 〈施政報告｜林鄭月娥：未來須糾正通識科被異化問題　強化教師校長培訓〉。《明報》。2020-11-25。原著喺2020-11-26歸檔。喺2021-01-25搵到。
  18. ↑ 〈楊潤雄：通識科必修必考只設合格與否　教科書須審批〉。香港電台。2020-11-26。原著喺2020-11-26歸檔。喺2020-11-26搵到。
  19. ↑ 〈【施政報告】教局「優質教育基金」預留20億 支援電子學習〉。《頭條日報》。2020-11-25。原著喺2020-11-26歸檔。喺2021-01-25搵到。
  20. ↑ 〈【施政報告】演藝學院支持建教學設施及宿舍〉。《頭條日報》。2020-11-25。原著喺2020-11-26歸檔。喺2021-01-25搵到。
  21. ↑ 21.0 21.1 〈施政報告｜「大灣區青年就業計劃」供2000本地大學生內地城市工作〉。《明報》。2020-11-25。原著喺2020-11-26歸檔。喺2021-01-25搵到。
  22. ↑ 22.0 22.1 〈再培訓局再推特別愛增值計劃　向到大灣區工作人員提供補貼〉。《商業電台》。2020-11-25。原著喺2020-11-26歸檔。喺2021-01-25搵到。
  23. ↑ 23.0 23.1 23.2 23.3 〈【施政報告】交通補貼200元門檻計劃延長6個月〉。《信報》。2020-11-25。原著喺2020-11-26歸檔。喺2021-01-25搵到。
  24. ↑ 〈施政報告說將短期食物援助服務計劃恆常化〉。《新城電台》。2020-11-25。原著喺2020-11-26歸檔。喺2020-11-26搵到。
  25. ↑ 25.0 25.1 〈【施政報告】禁毒基金提供3億支援市民精神健康〉。《信報》。2020-11-25。原著喺2020-11-26歸檔。喺2021-01-25搵到。
  26. ↑ 〈施政報告｜弱勢社群欠著墨　具體措施似有還無〉。《香港01》。2020-11-25。原著喺2020-11-26歸檔。喺2021-01-25搵到。
  27. ↑ 〈施政報告：擴大長者牙科服務資助　包杜牙根及鑲二次假牙〉。《東網》。2020-11-25。原著喺2020-11-26歸檔。喺2020-11-26搵到。
  28. ↑ 28.0 28.1 陳嘉慧、李恩慈 (2020-11-25)。〈施政報告｜智慧公廁以物聯網測臭味　街市推非接觸付款　用AI滅鼠〉。《香港01》。原著喺2020-11-26歸檔。喺2021-01-25搵到。
  29. ↑ 〈【施政報告2020】天水圍臨時街市引入營辦商管理新方式　首要保持街市衞生及暢旺〉。《香港經濟日報》。2020-11-25。原著喺2020-11-26歸檔。喺2021-01-25搵到。
  30. ↑ 翟梓謙 (2020-11-25)。〈施政報告2020｜林鄭月娥：中央將加快深化互聯互通涵蓋範圍〉。《香港01》。原著喺2020-11-26歸檔。喺2021-01-25搵到。
  31. ↑ 31.0 31.1 〈《施政報告》林鄭﹕中央將加快落實跨境理財通 深化中港股市互聯互通〉。《阿思達克財經新聞》。2020-11-25。原著喺2020-11-26歸檔。喺2020-11-26搵到。
  32. ↑ 〈【2020施政報告】鞏固房託及私募基金亞太樞紐地位〉。《香港商報》。2020-11-26。原著喺2020-11-26歸檔。喺2020-11-26搵到。
  33. ↑ 33.0 33.1 周曉菁 (2020-11-26)。〈「拍住上」資助金融業科技轉型〉。《文匯報》。香港。原著喺2020-11-26歸檔。喺2020-11-26搵到。
  34. ↑ 〈【施政報告】林鄭：香港口岸人工島發展自動化停車場　推航天走廊〉。am730。2020-11-25。原著喺2020-11-26歸檔。喺2021-01-25搵到。
  35. ↑ 馮錫雄 (2020-11-26)。〈跨境商用直升機方便巡廠〉。《大公報》。原著喺2020-11-26歸檔。喺2020-11-26搵到。
  36. ↑ 〈【施政報告】港深政府共建深港科技創新合作區〉。《信報》。2020-11-26。原著喺2020-11-26歸檔。喺2021-01-25搵到。
  37. ↑ 〈【施政報告2020】港府擬動用20億推「傑出創科學人計劃」　業界反應兩極〉。《香港經濟日報》。2020-11-25。原著喺2020-11-26歸檔。喺2021-01-25搵到。
  38. ↑ 〈施政報告｜港府12月推「智方便」　供網上申請續領車牌、電子報稅〉。《明報》。2020-11-25。原著喺2020-11-26歸檔。喺2021-01-25搵到。
  39. ↑ 39.0 39.1 〈《施政報告》林鄭：擴大「中小企業市場推廣基金」資助範圍〉。《阿思達克財經新聞》。2020-11-25。原著喺2020-11-26歸檔。喺2020-11-26搵到。
  40. ↑ 馬意文 (2020-11-25)。〈【施政報告2020】支援出口業港商「走出去引進來」　夥廣東省及商會推GoGBA平台〉。《香港經濟日報》。原著喺2020-11-26歸檔。喺2021-01-25搵到。
  41. ↑ 〈政府建議向「創意智優計劃」再注資10億〉。《新城電台》。2020-11-25。原著喺2020-11-26歸檔。喺2020-11-26搵到。
  42. ↑ 〈向創意智優計劃注$10億 力推藝術科技發展〉。《晴報》。2020-11-26。原著喺2020-11-26歸檔。喺2021-01-25搵到。
  43. ↑ 43.0 43.1 〈撤回所有開設新職位建議　小型工程開支撥款上限增至5000萬〉。《商業電台》。2020-11-25。原著喺2020-11-26歸檔。喺2021-01-25搵到。
  44. ↑ 〈灣仔北政府大樓及港灣消防局重建為會展設施〉。《now新聞》。2020-11-25。原著喺2020-11-26歸檔。喺2020-11-26搵到。
  45. ↑ 〈消息指政府再推旅遊業界紓困措施〉。《新城電台》。2020-11-25。原著喺2020-11-26歸檔。喺2020-11-26搵到。
  46. ↑ 〈擬推「躍動港島南」　海洋公園將交代重生方案〉。商業電台。2020-11-25。原著喺2020-11-26歸檔。喺2020-11-26搵到。
  47. ↑ 東方日報 (2020-12-14)。〈躍動港島南計劃 借鑑起動九龍東經驗〉。《東方日報》。喺2020-12-15搵到。
  48. ↑ 〈政府撥6億元為旅遊業推出額外紓困措施〉。《香港電台》。2020-11-25。原著喺2020-11-26歸檔。喺2020-11-26搵到。
  49. ↑ 〈施政報告｜港府撥6億支援旅遊業〉。《明報》。2020-11-25。原著喺2020-11-26歸檔。喺2021-01-25搵到。
  50. ↑ 〈《行政長官2020年施政報告》記者會答問內容（附圖／短片）〉。《香港特別行政區政府新聞公報》。2020-11-25。原著喺2020-11-26歸檔。喺2020-11-26搵到。
  51. ↑ 〈【施政報告2020】施政報告論壇文字直擊　林鄭︰未考慮連任相關問題〉。《香港經濟日報》。2020-11-25。原著喺2020-11-26歸檔。喺2021-01-25搵到。
  52. ↑ 〈行政長官施政答問(轉播)〉。《商業電台》。原著喺2020-11-26歸檔。喺2021-01-25搵到。
  53. ↑ YouTube上面嘅行政長官施政答問@20201126
  54. ↑ 鄭寶生 (2020-11-26)。〈施政報告‧拆局｜歷來派糖最少　蔡子強：今年報告根本不在意民望〉。《香港01》。原著喺2020-11-26歸檔。喺2020-11-26搵到。
  55. ↑ 李淇 (2020-11-25)。〈【施政報告2020】六紀律部隊罕有齊發聲明支持　鄧炳強：致力令香港成最安全城市〉。《香港經濟日報》。鄧炳強：致力令香港成最安全城市 原著喺2020-11-27歸檔。喺2020-11-26搵到。
  56. ↑ Ivy (2020-11-25)。〈多間大學支持施政報告助創科及港青發展〉。《大公報》。原著喺2020-11-27歸檔。喺2020-11-26搵到。
  57. ↑ 〈區會主席料帶動經濟 憂迫爆南區〉。《明報》。2020-11-26。原著喺2020-11-27歸檔。喺2020-11-26搵到。

出面網頁

[編輯]
由「https://zh-yue.wikipedia.org/w/index.php?title=2020年度香港行政長官施政報告&oldid=1743447」收