將軍澳醫院
將軍澳醫院（Tseung Kwan O Hospital）係喺香港將軍澳嘅一間提供住院、專科門診、日間病房、24小時急症服務、復康同社區服務嘅公立醫院，1999年12月落成。醫院現時由醫院管理局管理，係九龍東聯網其中一間醫院。
簡介
[編輯]將軍澳醫院係將軍澳第二間醫院，提供第二層醫護服務。佢同基督教聯合醫院及靈實醫院組成九龍東醫院聯網。將軍澳醫院亦係醫院管理局首間採用三角形病房設計嘅醫院，呢個設計為響病房中央設有一個開放式工作間，方便醫護人員觀察病人情況，亦能有效運用病房空間。醫院內設有真空導管輸送系統，方便傳遞化驗樣本及文件。現時將軍澳醫院設有360張住院病床、15張急症觀察病床、20張療養病床同30張日間病床。
歷史
[編輯]1994年響港英政府施政報告內正式公佈起將軍澳醫院，1996年開展地盤平整工程，1999年中起好。
1999年12月28號專科門診開始分期投入服務；而日間手術服務喺2000年2月開始投入服務；住院服務就喺2000年4月26號開始投入服務；急症室服務喺2000年7月26號開始投入服務，初時只提供16小時服務。
2001年2月5號將軍澳醫院正式全面投入服務，當中包括24小時急症室服務。2006年4月7號喺醫院管理局資助同香港浸會大學支持下響醫院一樓開設「基督教靈實協會暨香港浸會大學中醫診所及臨床教研中心」，由基督教靈實協會負責營運。
位置
[編輯]將軍澳醫院位於坑口寶寧里2號，附近有公共交通總站，佔地約3.7公頃。
服務範圍
[編輯]- 急症室（24小時）
- 住院服務
- 婦科
- 內科
- 外科
- 矯形及創傷（骨）科
- 兒童及青少年科
- 臨床支援服務
- 復康服務
- 專科門診
- 日間病房
- 健康資源中心
- 社區參與及義工服務
- 將軍澳醫院紅十字會學校
交通
[編輯]出面網頁
[編輯]