山道文化
| Hillway Culture | |
| 舊名 | 山道集團 |
|---|---|
| 類型 | 有限公司 |
| 開檔 |  香港（2016年） |
| 創辦人 | 楊子俊 |
| 總部地址 |  旺角煙廠街9號興發商業大廈22樓02室 |
| 產業 | 零售業 文化藝術 網路媒體 |
| 產品 | 圖書 其他出版品販售 晚報 |
| 子公司 | 山道出版社 |
| 網址 | www |
山道文化公司（英文：Hillway Culture），係香港一間綜合性文化機構，喺2016年成立。主要業務為代理發行香港書籍同埋文創產品，並經營「山道出版社」（英文：Hillway Press），自家出版同埋製作書籍。初期以販售、出版書籍為主，2022年起旗下事業延伸至網路媒體，推出晚報同埋專題報道。
事件
[編輯]2021年參與香港書展被親中派投訴涉違國安法
[編輯]2021年，山道文化首度參與香港書展，該書展係北京未經諮詢或香港人同意，強行實施《港區國安法》後嘅第一個書展，書展是否容許展覽政治書籍成為部分媒體嘅討論。貿發局就話參展商應知道國安法嘅界線，唔會預審書籍，又話唔認為書展內唔再有政治書籍出售。不過，山道負責人就坦言，害怕被禁止售賣政治類書籍[1]。
不過，激進親中派香港政研會主席鄧德成就聲稱，山道文化刊物內容涉煽動性質、疑違國安法，又致電國安處投訴[2]。
2022年支援烏克蘭
[編輯]2022年初，俄羅斯入侵烏克蘭，山道文化出版烏克蘭照片集，扣除成本後收益會全數捐贈烏克蘭政府或國際認可人道組織，以資助烏克蘭嘅人道主義救援[3]。
2022年被剝奪參與香港書展資格、另辦香港人書展亦被取消
[編輯]山道文化被貿發局取消參與2022年香港書展嘅資格，之後佢計劃同10間獨立書店出版社，喺灣仔Mall Plus商場舉辦第一屆「香港人書展」。但去到7月12號，場地業主話負責人楊子俊違反部分場地使用條款，楊子俊相約好第二日朝早再會面討論，但之後業主拒絕會面同討論件事。楊子俊話，業主指控佢地分租做法違反當初嘅的場地使用條款，但佢喺簽約嘅時候已經表明場地用途，唔屬於法律層面上嘅「分租」，合約亦有清楚列明「香港人書展」嘅活動名義。業主又曾經表示過場地曾用作「市集」用途，並可提供相關相片同埋介紹場地工程承辦商，反映佢哋知悉「香港人書展」嘅舉辦模式，質疑後面有政治考慮，對業主代表嘅決定感到極度失望及遺憾。佢又話，呢個唔係政治活動，亦唔認為場內有好多同反修例運動相關嘅書籍[4][5]。
參考
[編輯]- ↑ 〈【書展開幕】社運書大減 僅山道文化照賣 攤位人流絡繹不絕〉。獨立媒體 inmediahk.net。2021-07-14。原先內容歸檔喺2022-05-31。喺2022-03-30搵到。
{{cite web}}: Cite has empty unknown parameter:|dead-url=(help) - ↑ 〈書展2021｜有種文化、山道文化10書被投訴涉違國安法 (23:46)〉。明報。2021-07-15。原先內容歸檔喺2022-04-03。喺2022-03-30搵到。
{{cite web}}: Cite has empty unknown parameter:|dead-url=(help) - ↑ 〈【Emily】「山道」出版烏克蘭相集 收益捐當地〉。明報。2022-03-01。原先內容歸檔喺2022-03-29。喺2022-03-30搵到。
{{cite web}}: Cite has empty unknown parameter:|dead-url=(help) - ↑ 〈開幕前夕被中止租約 楊子俊宣佈取消實體香港人書展〉。
{{cite web}}: CS1 maint: url-status (link) - ↑ TNL香港編輯 (2022-07-14)。〈「香港人書展」夭折改網上舉行，負責人預料涉政治因素〉。《The News Lens 關鍵評論網》 (中文)。原著喺2022-07-15歸檔。喺2022-07-15搵到。