香港書展

出自維基百科,自由嘅百科全書
跳去: 定向搵嘢
香港書展2007入口
香港書展2007場裏面

香港書展Hong Kong Book Fair)係由香港貿易發展局主辦,係亞洲最大型嘅書展之一。

香港書展喺1990年起舉辦,每年7月喺香港會議展覽中心舉行,係香港每年夏天嘅一項盛事,為出版界提供推廣新嘅平台,同埋為讀者提供咗接觸新書同埋會見作者嘅機會。由於入場費平,每年都吸引咗大批市民遊客入場。唔少書籍會選擇喺書展期間出版,並喺書展入面舉行埋作者簽名會,希望為啲新書宣傳速銷。唔少名人紅星都會喺書展期間推出新書。書展每年都會同多間出版社同專業機構合作,定出一個獨特主題,並圍繞主題舉辦各項活動。喺書展買書,一般可攞到幾高嘅折頭(一般唔少過八折)。

由於香港嘅獨特背景,兩岸三地出版商可同時參展,重有部分係東南亞同其他國家嘅出版商參展。1997年開始,書展並會舉行「國際版權交易會」同埋「印刷服務展覽會」。

近年[編輯]

2005年[編輯]

2005年香港書展首次增設夜場,六點過後入場費有半價優惠,反應都幾理想。成個書展共吸引到近 64 萬人次入場,同 2004年嘅 50 萬人次上升達 28%,創下開辦以來訪客升幅最高紀錄。

2006年[編輯]

2006年嘅書展喺嗰年7月19號至24號舉行,六點後票價係半價。7月22號(禮拜六),當局喺九點半畀訪客免費入場——原先係話十點,之但係因為訪客好多,所以當局提早入場時間,直落到凌晨兩點先散場。喺免費入場嗰幾個嘅鐘頭入面,有 4.4萬人入場。除7月22同24號外,其他時間都開放到晚黑十時。呢次訪客升到 68 萬人次嘅新高,增幅係 6%。

2007年[編輯]

貿易發展局考慮舉辦2007年書展時,由7月18號到24號,多舊年一日。重有下晝一點前入場 10 蚊優待,之後要 25 蚊正價。

2008年[編輯]

2008年書展喺7月23日至29號舉行,口號係:「閱讀大世界,走向世界」,綠色和平喺24號第一次舉辦『綠色日』,希望用香港書展呢個平台,推動出版行業用「森林友好型」紙張,保護消緊失嘅原始森林

主辦機構貿易發展局指今年書展總入場人次近 83萬,打破歷屆紀錄。最暢銷書係小說,涉及心靈、中國四川512地震同中國國情、潮語嘅書籍,都係書迷心頭好。

2009年[編輯]

2009年嘅書展喺7月22到7月28號舉行,大會主題設為「多元與創意‧書展二十年」。會展中庭擴建完工,書展面積大咗三分之一,入場嘅人喺多啲地方揀書。新加「英語世界」同「多媒體區」展區,推廣英文書、電子書、網上出版同教育軟件。第一次設「文藝廊」,畀讀者睇到文藝名家嘅珍貴藏品,包括作家張愛玲同武俠小說作者梁羽生嘅相、手稿、簽名書、劇本同啲遺物;國學師饒宗頤嘅字畫、雕刻、茶具、古玉同竹簡咁。為推動原創文化發展,書展頭一次設「創意空間」,展出漫畫家幾米劉雲傑李志清許誠毅手稿,以及香港設計品牌 G.O.D. 住好啲創辦人楊志超嘅設計。「超級書迷證」頭次公開出售。書展請咗香港作家馬家輝梁文道擔任「香港書展大使」。

2010年[編輯]

由2010年7月21號到7月27號連續七日舉行,大會主題設定為「綠色書展」。預計今次訪客升到100萬人次新高。鑑於上年書展被少女模特兒暄賓奪主,引起唔少書展參觀者抗議,大會決定拒絕有關人士喺今屆書展舉辦簽名會嘅申請。

今屆「兒童天地」搬咗去展覽廳3B-E(新翼3樓),畀家長同小朋友提供更廣闊嘅活動空間,面積亦比上年大咗三成。大會因應業界需求,今年新增「電子書及數字出版」專區,匯聚約20間參展商,展示最新嘅電子書同數碼閱讀產品。區內重設有「數字互動閱讀區」,讓讀者可以喺現場操作電子閱讀器,瀏覽電子書嘅資料,體驗電子閱讀帶來嘅方便同樂趣。「英語世界」展區,面積比上屆增加五成。2010香港書展年度作家劉以鬯作品喺「文藝廊」展區展出,重有黃國兆改編自小說《酒徒》至電影作品時嘅心路歷程同劇照結集,亦有相關題材嘅座談會。

主辦機構貿發局加強同內地同台灣旅行社嘅合作,將書展加入訪港行程,鼓勵旅客嚟買書刊並參加文化活動。珠三角出發嘅旅行團團費,部分更低至68蚊人民幣。除咗同旅行社合作外,大會喺書展特設訪港人士售票處同特別通道,訪港旅客只需出示有效證件,就可以10蚊票價參觀書展。香港旅遊發展局旗下嘅旅客諮詢中心亦派發書展資料同優惠券,吸引訪港旅客入場[1]

書展入場人次達92萬,訪港旅客達13,000幾人,比上年升咗兩成。雖然人次有所上升,但因連日天氣欠佳同閱讀電子版圖書漸被讀者接受,實體書刊嘅銷量反而比上年有所下跌[2]

2011年[編輯]

2013年[編輯]

2013年書展喺7月17號到7月23舉行。今年嘅書展破紀錄有25個國家同地區、多達560間參展商參加,書展期間舉辦三百幾個文化活動,包括講座、論壇、新書發布會等,場外重有120項活動喺全港15個地區舉行。門票2013年6月26號開始喺網上預售。

2014年[編輯]

2015年[編輯]

2016年[編輯]

香港書展2016

2016年書展喺2016年7月20號到7月26號舉行,參展商來自30個國家同地區,數目超過600間。書展第一次以「武俠文學」為主題,設立主題展區「筆生武藝–香港的武俠文學」及「文壇俠聖 – 金庸查良鏞」展覽[3]

2017年[編輯]

2017年書展喺7月19 - 25號舉行,主題係「從香港閱讀世界 人文 ・ 山水 ・ 情懷」,有超過37個國家同地區,670個參展商參加。参展商嘅數目係歷嚟最多[4]

[編輯]

  1. 香港書展官網新聞中心新聞稿
  2. 星島日報2010年7月28日新聞via雅虎香港
  3. 點解要去2016香港書展? etnet 2016-07-19
  4. 香港貿發局 新聞稿 2017-07-19