弦論

開弦閉弦

粒子睇成弦

弦論，量子物理學假說一種，框架一種，數學模型一類，雖則佢掛住理論個名，亦叫弦理論。佢及後發展出超弦論。過往量子力學興用粒子解釋，而弦論就好似音弦，會有唔同震動，因而叫弦。粒子係零維，而弦就係一維。弦嘅震動方式，就決定粒子種種特性，用函數表示。

弦論想達至大統一論或萬有理論，將相對論同量子力學統合。另一種講法，佢搞緊量子重力。

弦論一九六八年提出，解釋強作用力。演化出開弦、閉弦，亦後來涉多維度膜。初頭一露沉寂，皆因量子色動力學已解釋到好多現象，能作出預測。

二十世紀八九十年代，風行一時，可望大統一論。呢個時間加入費米子同波色子超對稱，生出超對稱弦論，即超弦論，有望解釋唔少現象。

然而後來大強子對撞機實驗，無法證明超弦論正確，因此受到批評。由於佢唔並無統一定義。無法證偽，毫無預測力。受歡迎純粹當時無乜理論出場，唔少人怕落後跟風。