復興

出自維基百科,自由嘅百科全書
跳去: 定向搵嘢

復興粵拼fuk6 hing1)係指一度衰落嘅嘢再次攞返個勢嘅現象。

概要[編輯]

復興係話一啲團體或者勢力因爲某啲問題而失去咗個勢,然後諸如市鎮村等地域、群體回復咗機能,返到以前嘅狀態,又或者指呢啲群體社會)所用嘅手法。

一般來講,係個社會由於地震水災、大規模火災等嚴重災害,以及戰爭紛爭等)呢啲而受損害,先會求復興嘅。

人群依存喺社會,又靠參加社會來生活,所以復興可以以自上而下嘅形態進行,從社會系統嘅回復到個人生活噉。喺呢個過程中,亦有自下而上嘅做法,譬如生活窮嘅狀況下對個人嘅支援。復興嘅目標係社會機能全體回復,所以呢雙方嘅呼應都係必要嘅。

例如,喺災害中搞嘅粥廠呢種市民活動。呢個係以相互扶助爲形態嘅自下而上型嘅支援,係復興一種。另外一邊,環繞臨時房屋,會有電力水道、燃氣供給呢啲生活基礎設施嘅整備,呢種自上而下型嘅復興係以家庭爲單位嘅社會回復,更進一步會有通信交通、仲有行政呢啲社會基礎嘅回復,呢啲活動會喺自上而下型復興嘅初期階段搞。

唔係災害,而係由於經濟衰退,亦會求復興。例如一個地方社會嘅人口過疏化高齡化引起咗問題,令地域經濟、地方社羣衰退,又或者進一步因爲呢啲原因而加速衰退。地域振興噉樣嘅活動,會對有衰退傾向嘅地域設置啲搞作或者搞基建,又或者係整備好產業基礎噉樣嘅活動。

另外,文化上亦會求復興。例如過去因爲絕後而自然消滅嘅文化形態,因爲冇後繼者,只有過去嘅文獻、資料呢啲殘片信息,因而唔存在繼承性,冇作爲文化財產嘅價值。呢個單純係因爲啲信息冇咗實體。要復興呢個文化,就要復原返有形嘅文化遺產,然後要培育後繼者去實際使用作爲無形文化財產嘅技術。至於完全消滅嘅文化形態要復興係要相當嘅花費,但若果有少數後繼者現存,噉從呢啲後繼者度收集信息,然後去育成班後繼者就得。

復興嘅形態[編輯]

復興可以見到有各樣形態、樣式。

災害[編輯]

喺災害中,社會同人都失去咗好多財產。攞返呢啲,入手啲新嘢就係復興。噉樣嘅災害中,人命好易失去,失去條命就返唔到來。但呢啲人嘅遺族去照顧佢哋嘅心痛係得嘅,所以喺復興時亦會對受災者做心理護理。

啲救援物資從週邊地域輸送入受災地域,會搞受災者嘅物質支援。噉嘅場合下輸送會撞到瓶頸,無論大抽嘢定細件輸送,都會令個配送變得繁雜,救援物資抵達目的地前,都會令個重建發生混亂。未送達嘅救援物資會出啲問題,比如食品有保質期限,就算係舊衫亦會出啲問題。呢啲會受損嘅救援物資,爲咗保管佢哋,會佔用倉庫,要使啲處置費用來處理。受災地域有時會畀稱呼做「次生災害」嘅事襲擊,另外亦有情況,除咗企業發送嘅大宗、容易分配到各點嘅救援物資外,其他物資都斷貨。對受災地域嘅一般援助,金錢實在過物資。行政上嘅援助亦從物資轉向金錢。例如,日本基於被災者生活再建支援法去畀支援金,對私有財產做啲行政上嘅金錢援助,喺日本係劃時期嘅制度。

復興返受災地域,係包含埋將生活喺嗰度嘅人恢復以前嘅生活。當中產業嘅回復係必要嘅,但觀光等行業有個災害再來嘅懸念,另一方面又有煽動不安嘅風評被害,產生觀光客隻腳走遠嘅問題。即使係其他嘅產業領域,亦有因爲受災地域啲不安要素而出啲影響商業投資嘅事,但逆向嘅因爲同情而引來商業投資從而活化當地嘅事亦都存在。

另一方面,有事前復興嘅考慮,喺都市計劃同實際嘅都市建造(社區營造)階段中,會將復興機制預先擺入都市構造。將災害損失抑制喺最少限度,爲此而做嘅減災防災營造)工作,佢考量嘅有個外擴領域,必須考慮到預想個災害發生時會損失啲咩嘢、需要啲咩照顧、實施時又要點做,呢啲用意都要考慮到,然後喺實際中備好呢啲嘢。

戰爭[編輯]

喺戰爭中,會有好大嘅經濟上、人民嘅資產損失,另外由於戰爭而荒廢嘅地域,喺復興時會有未爆炮彈同喺社會殘留嘅兵器,又有紛爭時啲童兵等社會問題,成咗山噉積住喺度。呢啲噉嘅問題要一一來解決。

另外政治形態喺戰爭時下同平時會有非常之大嘅差別,政治形態平常化係戰後復興嘅一大課題,並且通過外交修復同他國嘅關係亦係必要嘅。當中爲咗唔喺未來留低遺恨,會搞啲來往交易,促進俘虜交換噉樣嘅活動。

經濟[編輯]

經濟嘅復興,要從產業恢復到物流交易嘅活性化,另外仲要充分恢復僱用投資,令呢啲嘢都興旺起身。雖則要求擺脫唔景氣,但另一方面煽動過剩嘅投資,會導致泡沫經濟,從而陷入唔安定嘅狀態,更加令經濟生展出唔健全嘅方面,爲此爲咗保住經濟週期穩健,啲嘢要做適當嘅加減。

特需景氣所見到嘅上揚效果只係一時嘅,由於呢種經濟上漲只係暫時嘅,喺呢個浮華嘅好景氣期間要向「下一個經濟戰略」進發,及早搞啲活動先至好。

文化[編輯]

俗話稱呼做文化恢復、文化再興。有啲手工藝喺過去由於落後於時代而捨棄,但喺後來見到佢有文化價值;又比如傳統舞蹈呢種屬高雅文化嘅嘢,由於佢遠離大衆,從而一般人都難得一見,結果就衰退咗;喺呢啲領域,有數唔清嘅文化因爲噉而失去。

另外仲有少數民族嘅民族文化,會由於畀其他勢力吸收而衰退,呢陣時若果有民族認同,勃興起民族主義,就會執行起文化復興。

喺過去失傳嘅技術亦會因後來嘅評價而攞到復興嘅機會。

參攷書[編輯]

  • 鈴村興太郎須賀晃一河野勝、金慧 (2012年). 《復興政策をめぐる《正》と《善》 ― 震災復興の政治経済学を求めて1》(題譯:圍繞復興政策嘅「正」同「善」——震災復興嘅政治經濟學求索1;早稲田大学ブックレット<「震災後」に考える>). 早稻田大學出版部. ISBN 9784657113078. 

睇埋[編輯]