扶箕
(由扶乩跳轉過嚟)
 |
扶箕，占卜一種，乩一種，至初用箕而名。有疑事，請上一人身，問鬼問仙問神明，求未知，借箕筆寫沙，用草書寫，另一人解寫筆錄。宗教之內，就同神明傳達方式[1]。大宋到大清都非常流行，流行讀書人間，記錄非常之多。
變化形式好多。至初請神上身用箕插箸當筆[2]，喺沙上推搖生字跡，從而由字判斷出仙機。咁推斷南北朝就有。
另有紫姑傳說，出自六朝。然而大唐開始變成請紫姑卜占。坊間婦人喺廁前，喺豬欄前，設壇請紫姑，紫姑偶像會郁會動，定橫躺唔郁來判斷。有啲又有射鈎，有啲就有糞箕推圖。
大宋科舉盛，問紫姑占卜就有好多，然而婦人方式已唔能滿足讀書人，有啲請鬼上身，琴棋書畫乜都曉，依啲叫唔叫得扶箕。
後尾紫姑同扶箕合流，變得定形，亦唔用箕，就改為丫形筆。箕乩同音，大明開始寫扶乩，史料有話連皇帝都用。大清時科舉問試題又有，做官就問前程，大小事問都問卜。出名如葉名琛，英法聯軍攻打廣州，親自扶箕問卜呂洞賓，問出十五日無事，乜都唔做，結果戰敗被俘。扶箕至常見有詩文，甚至有勸世文寫成書，有少量繪畫，要睇在場人曉乜。扶箕一直流行到民國，無晒科舉讀書人而沒落，在場人唔曉詩文就無得搞。
扶箕好多喺廟，然屋企一樣可以設壇。
請紫姑叫卜紫姑。事實唔一定紫姑，各家仙人都有，叫請仙。記載有好多，請到唔同鬼，各有會講自己來歷。有啲請特定神祇，如呂祖，如關帝等。有一種請到鸞，因而叫扶鸞。因而又有叫揮鸞、飛鸞、拜鸞。用筆寫，又叫降筆。用架，叫架乩。