保羅書信
(由教牧書信跳轉過嚟)
保羅書信（希臘文：Ἐπιστολὲς Παύλου；天主教叫做保祿書信；唐朝景教叫做寶路法王經）係使徒保羅寫畀各地教會就每個教會裏面嘅情況或者對來信詢問教義嘅人嘅回信，書信裏面解釋咗好多有關基督教教義嘅疑難問題同解釋教理原則，係基督教嘅重要文件，之後喺第一次君士坦丁堡公會議度確認係正典正式列入基督教《新約聖經》度。
排列
[編輯]保羅所寫嘅十三卷書信裏面，佢哋喺新約正典嘅排列，似乎係最長嘅排先（羅馬書），最短嘅排後（腓利門書）。
以羅馬監獄事件做中心
[編輯]之前：羅馬書、哥林多前書、哥林多後書、加拉太書。
嗰時：監獄書信（以弗所書、腓立比書、歌羅西書、腓利門書）。
之後：教牧書信（提摩太前書、提摩太後書、提多書）。
以對象做中心
[編輯]教會：羅馬書、哥林多前書、哥林多後書、加拉太書、以弗所書、腓立比書、歌羅西書、帖撒羅尼迦前書、帖撒羅尼迦後書。
個人：提摩太前書、提摩太後書、提多書、腓利門書。
以教義做中心
[編輯]救贖性：羅馬書、 哥林多前書、哥林多後書、加拉太書，以十字架做中心。
基督性：以弗所書、腓立比書、歌羅西書、腓利門書，以基督做中心。
末世性：帖撒羅尼迦前書、帖撒羅尼迦後書，以主再來做中心。
教會性：提摩太前書、提摩太後書、提多書，以教會做中心。
以性質做中心
[編輯]宣教書信：羅馬書、哥林多前書、哥林多後書、加拉太書、以弗所書、腓立比書、歌羅西書、帖撒羅尼迦前書、帖撒羅尼迦後書。
監獄書信：以弗所書、腓立比書、歌羅西書、腓利門書。
教牧書信：提摩太前書、提摩太後書、提多書。
格式
[編輯]保羅書信嘅格式根據當時嘅書信格式，不過喺佢嘅書信裏面，又表現佢嘅書寫方式。格式係噉；作者嘅名同職稱、收信人嘅名，問候或者祝詞（保羅改做祝福同問安）、主要書信內容（保羅將佢分做「教義同生活」、「理論同實踐」或者「信仰同責任」）、信尾問安或祝福（保羅補上祝福）同簽名。
失傳作品
[編輯]有幾封保羅書信，已經失傳。
- 哥林多前書5章9節提到，喺哥林多前書之前，佢已經寫過另一封信畀哥林多教會。
- 哥林多後書2章4節、哥林多後書7章8-9節，提到畀哥林多教會嘅第三封信。
- 以弗所書3章3-4節提到，曾經寫畀以弗所教會另一封信。
- 歌羅西書4章16節提到畀老底嘉教會嘅信。