有耳喱民
有耳喱民（Layman LateShow Letterman）係香港商業電台嘅一個深夜節目，由詹志民、阿喱（張家豐）及有耳非文主持。呢個節目喺2007年2月26號首播，逢星期一至星期五晚凌晨十二點至二點於商業二台播出。節目名稱「有耳喱民」取自三位主持嘅名「有耳（非文）（阿）喱（詹志）民」。
固定環節
[編輯]喪Do男
[編輯]呢個環節由喪Do男（詹志民，Leo）主理。喪Do男每日都會搵一個話題嚟「喪Do」（做一啲古怪行為），有時「喪Do」行動更會「挑戰香港道德標準」，例如當眾批評香港女性「不合格」。 「喪Do」行動會被拍攝成片段，並上載至網站畀人收睇。
| 集數 | 日期 | 行動 | 內容 |
| 第一集 | 2007年2月26號 | 喪Do報販 | 同街邊報販送頸巾 |
| 第二集 | 2007年2月27號 | 喪Do足球 | 去足球場射一球十二碼 |
| 第三集 | 2007年2月28號 | 喪Do電器舖電視 | 將電器店嘅電視電源關上 |
| 第四集 | 2007年3月1號 | 喪Do旺角商場DJ | 為旺角商場DJ點一首歌 |
| 第五集 | 2007年3月2號 | 喪Do遊客 | 將一本內有喪Do男訪問嘅雜誌送畀遊客 |
| 第六集 | 2007年3月5號 | 喪Do瞓覺 | 去家具店瞓覺 |
| 第七集 | 2007年3月6號 | 喪Do港女（註） | 喺街頭向一啲有某啲不良特質嘅香港女人評分 |
| 第八集 | 2007年3月7號 | 喪Do籃球 | 喺籃球場嘅中圈將籃球射入籃框 |
| 第九集 | 2007年3月8號 | 喪DoVCD舖電視 | 將VCD舖嘅電視音量調低 |
| 第十集 | 2007年3月9號 | 喪Do潮舖 | 喺售賣潮流服裝嘅店舖內嗌窮 |
| 第十一集 | 2007年3月12號 | 喪Do阿伯 | 同公園內嘅長者解悶 |
| 第十二集 | 2007年3月13號 | 喪Do大學生 | 喺食晏時間去大學校園為勤力嘅大學生打氣 |
| 第十三集 | 2007年3月14號 | 喪Do太陽伯伯 | 喺街上同途人遮擋陽光 |
| 第十四集 | 2007年3月15號 | 喪Do二手牛仔褲舖 | 去售賣二手牛仔褲嘅店舖賣喪Do男曾著過嘅牛仔褲 |
| 第十五集 | 2007年3月16號 | 喪Do同情心 | 扮倒地，希望香港人施予援手 |
| 第十六集 | 2007年3月19號 | 喪Do排隊人士 | 同等買H&M時裝嘅人畀一杯水 |
| 第十七集 | 2007年3月20號 | 喪Do飯盒 | 同學生送一盒揚州炒飯 |
| 第十八集 | 2007年3月21號 | 喪Do成龍大哥 | 重演成龍電影A計劃續集食辣椒一幕 |
| 第十九集 | 2007年3月22號 | 喪Do司機 | 提醒停車等候但無熄引擎嘅司機熄引擎 |
| 第廿集 | 2007年3月23號 | 喪Do看更 | 同大廈看更解悶 |
| 第廿一集 | 2007年3月26號 | 喪Do泰拳 | 泰拳教練一拳擊向喪Do男屁股 |
| 第廿二集 | 2007年3月27號 | 喪Do波鞋街SALES | 為喺波鞋街店舖工作嘅售貨員著波鞋 |
| 第廿三集 | 2007年3月28號 | 喪Do八卦 | 喺火車站月台扮見到UFO，觀察香港人嘅反應 |
| 第廿四集 | 2007年3月29號 | 喪Do飯枱 | 食晏時間去GOD搵一張飯枱食一碗白飯 |
| 第廿五集 | 2007年3月30號 | 喪Do貨車帽 | 喺街頭撥走路人頭上嘅貨車帽，並向他們話貨車帽已不再興 |
| 第廿六集 | 2007年4月2號 | 喪Do地鐵座位 | 搭地鐵時自備座位，並讓座畀無座位嘅乘客 |
| 第廿七集 | 2007年4月3號 | 喪Do遊戲機 | 喺商場內嘅遊戲試玩攤位同場內嘅遊戲指導人員玩一局賽車遊戲 |
| 第廿八集 | 2007年4月4號 | 喪Do港產片 | 喺街上邀請人睇港產片美女食神 |
| 第廿九集 | 2007年4月5號 | 喪Do車位 | 喺停車場同司機提示嚟幫佢哋成功泊車 |
| 第卅集 | 2007年4月6號 | 喪Do加連威老道路牌 | 將尖沙咀加連威老道一塊被整污糟嘅路牌洗擦乾淨 |
| 第卅一集 | 2007年4月9號 | 喪Do貼紙相機 | 喺貼紙相機店內拍攝貼紙相，並將貼紙相送畀店內嘅人 |
| 第卅二集 | 2007年4月10號 | 喪Do飯後果 | 請食完午飯嘅人食一粒提子 |
| 第卅三集 | 2007年4月11號 | 喪Do跑步 | 喺灣仔柯布連道行人天橋面向健身中心原地跑十五分鐘 |
| 第卅四集 | 2007年4月12號 | 喪Do油煙 | 用扇幫街頭小食店煎緊嘢食嘅人撥走油煙 |
| 第卅五集 | 2007年4月13號 | 喪Do香港仔運動場 | 同在場人士宣傳饑饉三十 |
| 第卅六集 | 2007年4月16號 | 喪Do菲傭 | 請菲傭教佢唱一首菲律賓歌 |
| 第卅七集 | 2007年4月17號 | 喪Do食嘢時間 | 一口氣吞六件炸雞塊 |
| 第卅八集 | 2007年4月18號 | 喪Do溜冰 | 向溜冰嘅女仔送一紮假花 |
| 第卅九集 | 2007年4月19號 | 喪Do冒牌貨 | 喺旺角女人街攤檔買一件冒牌T恤，再當眾剪爛、踐踏嗰件T恤 |
| 第卌集 | 2007年4月20號 | 喪Do格肋底 | 幫球場上運動緊嘅人噴止汗劑 |
| 第卌一集 | 2007年5月7號 | 喪Do壽司舖 | 請喺壽司舖前等候嘅人食一件三文魚壽司 |
| 第卌二集 | 2007年5月8號 | 喪Do髮型屋 | 幫喺髮型屋工作嘅一位髮型師助理（Junior）洗頭 |
| 第卌三集 | 2007年5月9號 | 喪Do問問題 | 喺大學課堂上向講師問一條問題 |
| 第卌四集 | 2007年5月10號 | 喪Do遊樂場 | 要求其他人入遊樂場玩一次滑梯 |
| 第卌五集 | 2007年5月11號 | 喪Do卡拉OK | 闖入卡拉OK場顧客嘅房間唱歌 |
| 特別篇 | 2007年5月13號 | 喪Do母親節 | 借出母親畀有耳非文，慶祝母親節 |
| 第卌六集 | 2007年5月14號 | 喪Do截車 | 喺路上截順風車要求載喪Do男到廣播道商業電台大門前 |
| 第卌七集 | 2007年5月15號 | 喪Do遊客Pose屎 | 喺尖沙咀星光大道指導遊客擺一個好姿勢影相 |
| 第卌八集 | 2007年5月16號 | 喪Do魚檔 | 喺街市一個魚檔餵魚 |
| 第卌九集 | 2007年5月17號 | 喪Do暢散紙 | 幫人「暢散紙」（唱出一首以香港輔幣為歌詞嘅自創歌曲，註2） |
| 第五十集 | 2007年5月18號 | 喪Do搭Lift | 為正搭升降機嘅乘客表演魔術 |
| 第五十一集 | 2007年5月21號 | 喪Do公廁 | 喺公廁嘅其中一個廁格清潔 |
| 第五十二集 | 2007年5月22號 | 喪Do隧道收銀員 | 為喺行車隧道工作嘅收銀員消毒雙手 |
| 第五十三集 | 2007年5月23號 | 喪Do I Love HK Tee | 為途人穿著一件印有「I Love HK」嘅T恤 |
| 第五十四集 | 2007年5月24號 | 喪Do上網 | 喺地鐵站內嘅上網區域向人推介my903.com嘅「喪Do男」短片 |
| 第五十五集 | 2007年5月25號 | 喪Do浪費食物 | 食其他人食剩嘅食物 |
註1：「港女」係指有某啲自戀、自命不凡、拜金、崇外、漠視他人權利等嘅香港女人；甚至可以係一個社會現象。因此，香港女性或居住於香港嘅女性唔屬「港女」。
註2：「暢散紙」喺廣東話嘅原意係換散紙。
喪Do男前傳
[編輯]由詹志民主理嘅廣播劇。呢個係一個有關「喪Do男」未喪之前嘅事蹟。
斐斐事務所
[編輯]由有耳非文主理。會聽一些人、動物同死物嘅電話，係一個非常趣怪嘅環節。
大野先生
[編輯]呢個環節由阿喱主理，喺1:30後播出。喺「Fence Garden」內，每晚都會有「細野」搵「大野先生」訴苦，而大野先生嘅代言人（阿喱）會接聽一位細野（聽眾）嘅電話，並為佢解答問題。每當大野先生聽到苦不堪言嘅時候，佢就會攞出奧修禪卡，並抽出細野嘅問題，然後阿喱就會由奧修禪卡的提示為聽眾解答問題。當細野「進入Fence Garden」（與主持對話）前，細野要「戴上鐵球」（播出戴鐵球的聲效）。
大野先生播出初期，大野先生聆聽細野訴苦時會間中打爆「玻璃頭」發洩（播出玻璃被打爆的聲音）。當五個「玻璃頭」都被打爆後，大野先生就會向細野表態。後來，阿喱喺節目指打爆「玻璃頭」太「暴力」，所以大野先生就以抽奧修禪卡取代打爆「玻璃頭」。
Cafe de Nath
[編輯]由阿喱主理嘅一個廣播劇。阿喱想像自己經營一間咖啡店，訴說關於他同咖啡店內嘅人同事。
每星期的特別環節
[編輯]大怪人123
[編輯]逢星期一同星期五播出。三個主持人會各自講出一件事件，由聽眾打電話上去「估波膽」，估邊位主持所講嘅係錯，邊位所講嘅係啱。為咗增加難度，三個主持人會將他們所講嘅事件整得似是而非，令聽眾覺得半信半疑。基本上呢個環節係舊節目大鐵人123嘅延續，但有趣嘅係原節目嘅主持人中，只有阿喱同詹志民喺呢個環節中主持。
空中喱民日
[編輯]空中喱民日係阿喱同詹志民主持嘅舊節目空中喱民嘅濃縮版，逢星期二播出。主持選擇其中兩個空中喱民嘅環節，喺本節目延續。
嘟嘟大估東
[編輯]「嘟嘟大估東」環節中，由其中一個主持人講出佢身邊嘅有趣對話或句子，以「嘟」字取代要估嘅字，但保留音調，並會畀提示。另外兩位主持人同其他喺直播室嘅人就負責估答案。
牛頭馬面X（交叉）嘍囉王
[編輯]主持會接聽一位聽眾嘅電話，聽眾會訴說一件因其他東西（可以是人、死物）令自己不開心嘅事。其中一位主持會成為「嘍囉王」，佢會扮演該禍根，作出辯護。
斐常日
[編輯]呢個環節逢星期三播出，共分為三個部分，分別是「斐食物」、「斐真實」及「斐普通」。當每一個部分完結後，「地下栽判團」會投票決定是否畀一粒星予有耳非文。當有耳非文集齊三粒星時，主持詹志民和阿喱便會畀有耳非文「903永久性居民」身份一個禮拜。當有耳非文得到「903永久性居民」身份後，佢可以自由進出商業二台。
斐食物
[編輯]斐真實
[編輯]斐普通
[編輯]名人怪談
[編輯]名人怪談是請一個名人嚟講一啲怪事，逢星期四播放。
| 日期 | 嘉賓 | 身份 | 暱稱 |
| 2007年3月1號 | 顏福偉 | 白花油國際有限公司執行董事 | 福仔 |
| 2007年3月8號 | 羅冠蘭 | 無綫電視及舞台劇演員 | 冠仔 |
| 2007年3月15號 | 河國榮 | 無綫電視及舞台劇演員 | Charles |
| 2007年3月22號 | 庾澄慶 | 台灣歌手及主持 | 哈林 |
| 2007年3月29號 | 朱咪咪 | 無綫電視演員及歌手 | 咪咪姐 |
| 2007年4月5號 | 胡慧沖 | 跨媒體創作人 | |
| 2007年4月12號 | 黃德斌 | 無綫電視演員 | Kenny |
| 2007年4月19號 | 唐寧 | 無綫電視演員 | |
| 2007年4月23號 | 鍾舒曼 王凱駿 |
香港歌手 | Sherman Keith |
| 2007年4月26號 | 關智斌 | 香港歌手 | Kenny |
| 2007年4月30號 | 王浩信 | 香港歌手 | |
| 2007年5月2號 | 張致恆 | 香港歌手 | Steven |
| 2007年5月10號 | 夏雨 | 無綫電視演員 | |
| 2007年5月17號 | 林保全 | 無綫電視配音員 | 叮噹 |
| 2007年5月24號 | 董敏莉 | 香港歌手 | Money |
主持放假時的節目安排
[編輯]阿喱
[編輯]2007年3月20號至3月30號（阿喱放假）、4月20號（阿喱外出）期間，佢負責嘅兩個環節大野先生同Cafe de Nath暫停播出，由詹志民同有耳非文主理嘅特備環節扮野先生取代。另外，阿喱放假或外出期間，他在大怪人123環節中嘅位置由陳強或直播室控制員豪子頂替。
詹志民
[編輯]2007年4月23號至5月4號期間詹志民放假。佢負責嘅環節喪Do男同喪Do男前傳暫停播出。原本逢星期一、五播出嘅大怪人123亦暫停。期間，每晚都會有嘉賓主持代替詹志民主持節目，並參與節目中嘅特別環節。 喺節目頭半個鐘，主持阿喱會先與嘉賓玩「奧修禪卡」，之後會出現一個代替「喪Do男」嘅環節喪Do Artist。
詹志民放假期間嘅12:30至1:30時段，主持同當晚嘉賓主持都會進行唔同嘅特別環節。詳情請見下表：
特別環節
[編輯]扮野先生
[編輯]呢個環節由詹志民和有耳非文主理，喺2007年3月20號到3月30號（阿喱放假期間）同2007年4月20號（阿喱出咗去嗰日）播。喺「Fails Garden」內，每晚都會有「衰野」搵「扮野先生」訴苦，而扮野先生嘅代言人（詹志民和有耳非文）會接聽一位衰野（聽眾）嘅電話，並為佢解答問題。每當扮野先生聽到苦不堪言嘅時候，佢就會攞出「澳洲閃卡」，並抽出衰野嘅問題，然後詹志民就會由「澳洲閃卡」嘅提示為聽眾解答問題。當衰野「進入Fails Garden」（與主持對話）前，衰野需要「戴上鯪魚球」（播出戴鐵球的聲效）。
呢個環節係將「大野先生」環節拿作胡鬧。
喪Do Artist
[編輯]喺呢個環節中，嘉賓會講出喺一世入面，做過嘅一件最癲嘅事，再由兩位主持阿喱同有耳非文決定嗰晚「喪Do Artist」係咪得咗。
出面網頁
[編輯]| 香港商業電台 叱咤903商業二台節目 | ||
| 上一節目 夜夜開放 |
有耳喱民 2007年2月26號- |
下一節目 - |