武藏號
 |
武藏號係大日本帝國一艘戰列艦，第二次世界大戰時造，個名嚟自日本古代令製國名[1]，係大日本帝國海軍聯合艦隊兩隻大和級戰船之中第二隻。大和級戰船，係世界上曾經建造過最大排水量同武器最勁嘅戰列艦。滿載排水量七萬二千長噸（七萬叄仟噸），裝備九支46釐米（18.1英寸）口徑主炮，副炮係四組三聯裝15.5釐米（6.1英寸）最上型重巡洋艦同款炮，船上載有六到七架水上偵察飛機。
武藏號響1942年年中服役，下半年一直改裝成聯合艦隊嘅旗艦。1943年武藏號部署響Truk羣島同艦隊一齊搵美國軍艦，不過就乜都摷唔到。1944年嗰陣，佢有好幾次響日本本土同佔領島嶼之間運送兵力。同一年佢畀一隻美國潛艇用魚雷擊傷要返日本修理，響修理嗰陣，日本海軍順便加強咗佢嘅防空火力。響六月佢參加菲律賓海戰，不過就無遇到任何嘅美國戰船。1944年10月24號萊特灣海戰，武藏號畀美國航空載體艦飛機編隊懟冧沉入大海，一共中咗19條魚雷同埋17個炸彈。超過一半嘅船員獲救，佢嘅殘骸響2015年畀微軟公司聯合創辦人保羅艾倫（Paul Allen）請返嚟嘅搜索隊發現並且定位。
設計
[編輯]因爲日本海軍預計自己無能力整出同美國一樣咁多數量嘅戰船，所以佢哋就整出具有強大火力同埋體型嘅大和級戰列艦，令到佢哋可以畀任何嘅美國戰船更加強大[2]。武藏號長244米（800英尺零6英寸），總長度263米（862英尺零10英寸），闊度36.9米（121英尺零1英寸），裝滿野嗰陣嘅食水深度10.86米（35英尺零8英寸），標準排水量64000長噸（65000噸），滿載排水量71659長噸（72809噸）。1942年嗰陣成隻船一共有2500官兵，到1944年嗰陣係2800官兵。
戰船裝咗四組艦本式帶變速器嘅蒸氣輪機，一組輪機驅動一條螺旋槳軸。每部輪機設計提供150000軸馬力（110000千瓦），動力由十二部艦本式水管鍋爐提供，航速可以達到27節（50公里／鐘頭；31邁／鐘頭）。佢可以裝載6300長噸（6400噸）嘅燃油，響16節航速嗰時續航力7200海里（13300公里；8300邁）。
武器
[編輯]
武藏號嘅主炮由9支45倍口徑46厘米94型火砲組成，安裝響三個三聯裝砲塔上面，由前到後編號。主炮射速係每分鐘1.5到2發。戰船嘅副炮包括12支60倍口徑15.5厘米第3年型炮，安裝喺四個三聯裝砲塔上面，每個砲塔上部結構嘅前後各一個，船體中部各有一個。一旦最上型重巡洋艦重新裝備20.3厘米（8.0英寸）火砲，就可以用呢個配置響武藏號上面。響六個雙聯裝防空砲塔上便，十二支40倍口徑127毫米（5英寸）89型兩用砲提供咗強勁嘅防空火力，六個雙聯裝防空砲塔響上層建築兩邊各有三個。武藏號重響三聯裝支架上便裝咗三十六支25毫米（1英寸）96型輕型防空（AA）機關槍，全部安裝響上部結構。呢隻船重配備咗兩個雙聯裝，13.2毫米（0.52英寸）93型高射機槍，艦橋兩邊各有一個。
裝甲
[編輯]
武藏號係成個戰列艦史上裝甲最厚重嘅戰艦之一，呢隻船嘅裝甲帶重具有良好嘅防彈外形，佢舷邊410毫米裝甲有20度內傾角，舷邊裝甲傾角係最後一代戰列艦中最大嘅，武藏號中甲板邊緣嗰處嘅230毫米裝甲亦都有7度傾角。大大提高咗武藏號裝甲嘅抗彈能力。按照設計要求，隻船嘅裝甲應該可以承受自身460毫米主砲響20000-30000米距離嘅打擊，中甲板重可以抵擋從3900米高度掟落嚟嘅800公斤重航空炸彈。為咗實現呢啲要求，大和級一共安裝咗22895噸裝甲同防禦板，佔成隻船正常排水量33%。隻船嘅彈藥庫、主機、鍋爐艙等要害部位集中佈置響戰艦中部用厚重裝甲帶保護嘅防禦區裏邊（從前主砲前邊一直延伸到後主砲後邊嘅位置）。防禦區嘅舷邊裝甲從戰艦中部水線嗰度一直延伸到戰艦底部，佢上便水線嗰處嘅主裝甲帶厚度達到410毫米（採用VH裝甲鋼，即維氏硬化鋼），主裝甲帶以下嘅舷邊列板嘅厚度係75-200毫米（由上到下遞減）。防禦區頂部嘅裝甲敷設響戰艦嘅中甲板嗰處，厚度係200-230毫米（用咗加入鉬元素嘅均質鎳鎘合金鋼）。防禦區嘅前後兩邊就由270－350毫米厚嘅裝甲橫隔壁防護。隻船喺主防禦區外邊嘅舵機艙亦都敷設咗厚甲，佢主副舵機艙頂部裝甲都係200毫米，主舵機艙艙壁裝甲厚350-360毫米，副舵機艙艙壁裝甲厚250-300毫米。作為操舵室同埋重要嘅通信管道，位於大和級艦橋嗰處嘅司令塔亦係一個重點防護區域。佢嘅側壁同埋頂部裝甲厚度達到500毫米，而從司令塔向下邊延伸到主防禦區嘅通信線路就畀300毫米厚的重裝甲保護住。武藏號主砲砲塔係全艦防護最為堅固嘅地方，佢砲塔正面裝甲厚達到650毫米（45度傾角），側邊250毫米，後邊190毫米，而頂部裝甲就有270毫米。當時歐美響設計戰列艦主砲砲塔裝甲嘅時候，一般將側邊同後邊嘅裝甲設計得比頂部厚好多，而武藏號就啱啱相反，原因除咗當時日本人對遠程砲戰大角度落彈嘅警惕之外，恐怕亦都同大和艦建造嗰陣，海軍航空制勝論施加嘅壓力有好大關係。武藏號主砲底座嘅前邊、側邊裝甲厚度都係560毫米，後邊裝甲就係380-440毫米。為咗加強大和級主砲彈藥庫嘅防護，日本人重響佢主砲前邊嘅主甲板嗰處敷設咗35-50毫米厚嘅合金銅護板（可以抵禦敵方俯衝轟炸機掟落嚟嘅250公斤炸彈）。為咗減輕重量嚟保證砲塔嘅轉動速度，隻船副砲嘅防禦設計較為單薄，砲塔裝甲先得25毫米，啱好防禦彈片同近失彈殺傷。副砲砲塔底座採用75毫米厚合金銅裝甲嚟保護通向彈藥庫嘅通道。2座安裝響艦體中心線嘅防禦單薄嘅副砲塔響主砲塔隔離，同彈藥庫距離太近，一旦中彈損害容易波及主砲彈藥庫，係個顯而易見嘅缺陷，因為咁後嚟重專門強化咗防護措施。武藏號煙囪下邊設有50毫米裝甲，而響位於中甲板嘅煙囪開口嗰處就裝咗一塊好獨特嘅「蜂窩」裝甲板，佢嘅厚度達380毫米，板面上滿佈直徑180毫米嘅隆仔。咁樣既可以保證排煙順暢，又令到呢一個區域得到有效嘅保護。響水底下防護能力方面，武藏號要求能夠承受400公斤TNT嘅爆炸當量（美國最後一代戰列艦要求能夠抗擊300公斤TNT嘅打擊，德國俾斯麥級戰列艦要求抗擊250公斤TNT），而響命中2-3條魚雷嘅情況下唔可以影響戰鬥力，為咗防水雷，武藏號嘅船底採用咗3層底。同時為咗提高抗沉性，成隻船劃分咗1147個水密隔艙。
飛行器
[編輯]武藏號響佢嘅甲板上便裝咗兩個飛機起飛彈射器，甲板下便機庫就裝咗七部水上飛機。呢隻船可以選配三菱F1M雙翼飛機或者愛知E13A1單翼飛機，飛機用一台6噸（5.9長噸）嘅船尾起重機嚟回收。
火力控制
[編輯]隻船裝咗四部十五米（四十九英尺零三英寸）測距儀，一部裝響前便上層建築個頂嗰度，另外三部就分別裝響三個主砲塔上便。另外就有一台十米（三十二英尺零十英寸）測距儀裝咗響後便上層建築個頂嗰度。每一個15.5釐米(6.1英寸)砲塔都裝咗一部八米(二十六英尺零三英寸)測距儀。低角度火力就由上層建築個頂嗰兩部測距儀上便嘅98式火力引導器控制。而94式高角度火力引導器就控制127毫米高射砲，95式短距離火力引導器就控制25毫米高射砲[3]。武藏號嘅船頭裝咗零式水聽器，只可以喺穩定低航速嘅時候先用倒。 1942年9月，一部21式空中搜索雷達加咗響前便上層建築個頂嗰部15米測距儀嘅上便。兩部22式水面搜索雷達就響1943年裝咗響前便上層建築上便。 1944年四月維修嗰陣，21式雷達就換成咗更加現代化嘅版本，13式早期預警雷達。
建造
[編輯]
1934年（昭和9年）12月，大日本帝國響第二次倫敦裁軍條約事前講數嗰陣因為傾得唔妥當而退出華盛頓海軍裁軍條約，之後各個強國對軍艦限制嘅海軍假日就結束咗喇。1936年（昭和11年）12月26號，上田宗重海軍艦政本部長邀請並委託咗三菱重工最高幹部，為丸三計劃呢個巨大新型戰艦嘅建造進行事前準備。1937年（昭和12年）召開嘅第七〇次帝國議會承認咗建造新戰船嘅預算，並響3月29號將計劃名從「A140-F6」變成咗「第一號艦」「第二號艦」呢啲臨時名稱（呢個預算嘅詳細內容參考戰艦「大和」）。9月8號，海軍艦政本部正式向三菱重工業下達咗「A140-F6」嘅訂單。預算幾經周折，終於響1938年（昭和13年）3月29號開始咗「第二號艦（武藏）」嘅建造。響三菱重工業長崎造船所建造過嘅戰船當中，「武藏」係繼金剛型戰艦「霧島」、伊勢型戰艦「日向」、加賀型戰艦「土佐」、天城型巡洋戰艦「高雄」（八八艦隊未完成艦）之後嘅第5隻，而且佢嘅噸位更加遠遠超過4萬噸級嘅「土佐」同埋「高雄」，成為7萬噸級嘅大和型，為咗建造「武藏」不單止要擴建船塢，更加要有技術研究同團隊努力。為咗迎合武藏號超大嘅體型同埋重量，落水用嘅滑軌加強咗，隔籬嘅幾個工場擴建咗，重做咗兩個浮動吊機。隻船嘅龍骨喺1938年3月29號響三菱重工長崎船廠開始鋪設，編號第二號艦。
「武藏」響設計段階就開始考慮點樣完善司令部方案，而響第一號艦上便俾人彈過嘅弱點，譬如副砲塔周圍嘅防禦力等等都得到強化。「武藏」嘅艤裝員千早正隆一直對副砲嘅防禦力帶有好大嘅疑問，因此聯同有馬馨艤裝員長（初代艦長）共同要求撤除副砲。艦政本部清水技術中將同山本五十六聯合艦隊司令長官對副砲防禦力問題討論過之後，山本表示「副砲撤除後再加上蓋嘅話就冇問題（副砲を撤去して蓋をすれば良い）」。關於呢個問題，牧野茂（大和型戰艦設計者之一）雖然知道山本同清水進行過會談但對內容並唔知情，因此千早認為「明明係好值得考慮嘅提案卻做咗咁令人可惜嘅事（検討に値する提案なのに惜しい事をした）」。另外，有關完善司令部方案方面，千早就評論「強辭奪理，全無深思熟慮（暴論、定見を欠いた）」。1942年（昭和17年）1月，喺聯合艦隊司令部提出擴張要求嗰陣，「武藏」嘅內部構造依舊同「大和」一樣，不過響內部裝潢嗰陣就白白晒咗可以建造1艘驅逐艦嘅工程費用，亦將竣工時間延滯咗3個月。宇垣纏聯合艦隊參謀長響自己嘅筆記入便就寫到「同大和相比，跟從咗本司令部嘅意見之後改善嘅地方相當多（大和に比して、当司令部の意見に従ひ改善せられたる点、相当多し）」。
同姐妹艦「大和」同「110號艦（信濃）」嘅建造一樣，武藏號亦被嚴格保密，艤裝員（建造中嘅軍艦成組員）係喺長崎造船所秘密嘅「有馬事務所」做嘢嘅名義做嘢嘅。對於機密嘅警戒，嚴重到就算係有馬艤裝長唔記得帶腕章都通過唔到關卡嘅程度。響外邊亦有好多隱藏嘅手段。喺船台嘅周圍用漁具（漁網等）、棕櫚、簾狀物將佢統統遮晒。全國大量不明目的噉樣採購棕櫚引發棕櫚價格暴漲同棕櫚市場嘅嚴重匱乏，漁民對此表示強烈抗議。警察重對噉樣嘅惡性買斷事件進行咗調查。重有，圍住畀棕櫚遮蓋嘅船台，造船所附近嘅居民入便有咗「造船廠裏面出咗大事」嘅講法、將建造中嘅船體稱為「魔物」。
為咗唔俾對岸嘅英美領事館睇到船體嘅樣，重建造咗遮蔽視線用嘅倉庫（長崎市營常盤町倉庫）。長崎市民受到嚴格監視，即使係去造船所望一眼，如果被發現咗嘅話都會馬上受到體罰甚至拉人。建造嘅成個過程用麻繩編織而成嘅簾幕遮住，簾幕重408噸（450短噸）。三菱重工為咗防止離遠睇到造船所，亦有將俱樂部大樓同滙豐銀行嘅長崎分行買落嚟嘅事例。比姐妹艦「大和」遲開工嘅「武藏」喺建造過程中亦都汲取咗「大和」喺建造過程中嘅經驗，設備等等得到咗相當嘅改善。但係同響船塢中建造嘅「大和」唔同嘅係，響船台上建造嘅「武藏」必須經過「從船台到海面」落水嘅一個步驟。為咗減輕重量，需要響落水之後將舷邊等主要防禦區域嘅裝甲進行安裝。建造中途又因為「大東亞戰爭」爆發嘅緣故，本來預定於1942年（昭和17年）12月完成嘅武藏，被嚴厲加快趕工提前到同年6月完工。
即使係噉樣高度保密嘅狀態之下，亦出現咗新手製圖工圖面丟失事件一類嘅不順利事件。因為落水嗰陣船體會外露，當日（1940年（昭和15年）11月1號）以「防空演習」嘅名義禁止市民外出，附近一帶部署憲兵、警察600幾人，佐世保鎮守府海軍陸戰隊亦出動咗1200人。就響噉樣嘅警戒狀態下，海軍大臣同川古志郎、艦政本部部長豐田副武列席舉行咗落水典禮。皇族伏見宮博恭王亦係着便服入場，之後先換上軍裝。可見保密工作係幾咁徹底。
武藏號嘅落水都帶嚟唔少問題。隻船4米厚（13英尺零1英寸）嘅落水平台由9塊44厘米（17英寸）厚嘅道格拉斯杉木板透過螺栓連接，從龍骨鋪設開始計起足足整咗兩年，呢個係因為響4米嘅厚度鑽一個足夠直嘅隆唔係咁簡單。為咗落水嗰陣減速，船體兩邊都各撚住一條570噸（560長噸）嘅巨型鐵鏈，用嚟增加水嘅阻力。武藏號響1940年11月1號落水，落水之後向前衝咗221米就停低咗，比佢嘅長度220米多咗一米。一隻咁巨型嘅龐然大物落水之後引起咗米二高（三英尺零11英寸）嘅海嘯，附近港口同河流受到影響，房屋水浸，漁船翻側。
戰史
[編輯]武藏號1942年8月5號響長崎服役，佢同大和、長門、陸奧一齊分配響第一戰列艦分隊。五日之後，隻船響柱島進行咗機械同埋防空演練。佢嘅12支127毫米副砲、12組三聯裝25毫米高射砲、四支13.2毫米（0.52英寸）防空機槍同埋21式雷達喺1942年9月3－28號響吳市海軍造船廠陸續安裝好。一直到當年年底隻船都響度完善緊。船長Arima響11月1號升咗做海軍少將。
歷任艦長
[編輯]- 艤裝員長
- 有馬馨 大佐：1941年（昭和16年）9月15號～
- 艦長
- 有馬馨 大佐：1942年（昭和17年）8月5號～1943年（昭和18年）6月9號
- 古村啟藏 大佐：1943年（昭和18年）6月9號～1943年12月5號
- 朝倉豐次 大佐：1943年（昭和18年）12月6號～1944年8月11號
- 豬口敏平 少将：1944年（昭和19年）8月12號～1944年10月24號
流行文化
[編輯]電視劇
[編輯]《戰艦武藏》係響2016年8月6號19:30 - 20:59，NHK BS Premium The Premium（ザ・プレミアム）時段播出嘅電視劇[4]。
另外響2016年9月3號 21:00 - 22:13，NHK綜合頻道播出嘅刪減版長73分。
明星陣容
[編輯]現代
[編輯]- 真中麻有（28） - 石原聰美[5]
- 篠原徹（29） - 勝地涼
- 真中富美（ふみ，89） - 渡邊美佐子
- 真中賢治（麻有嘅老豆） - 篠田三郎
- 真中美枝（よしえ，麻有嘅老母） - 市毛良枝
- 井上兼造（木山三男嘅姪仔，61） - 石丸謙二郎
- 前島清（前任武藏船員，92 - ） - 山本學
- 木山三男（前任武藏船員，89）津川雅彦
戰時
[編輯]製作團隊
[編輯]- 劇本・導演 - 岡崎榮
- 音樂 - 笠松泰洋
- 取材協力 - 軍艦武藏會
- 影像提供 - Paul G.Allen
- 海軍考證協力 - 戶高一成
- 軍事監修 - 堤明夫
- 插畫 - 古屋郁、山田光（ひかる）
- 插曲 - 1世代「LONG WAY DOWN」
- 攝影協力 - 高知縣四萬十市、高知縣宿毛市、高知縣土佐清水市、愛媛縣愛南町、栃木縣佐野市
- 制作回顧 - 小松昌代、中村雅人、千葉聰史
- 製作人 - 城谷厚司
- 制作 - NHK企業
遊戲
[編輯]戰艦世界
[編輯]註
[編輯]- ↑ Silverstone, p. 334
- ↑ Garzke & Dulin, p. 45
- ↑ Skulski, pp. 20–21
- ↑ 〈石原さとみ、反戦ドラマに「胸がくるしくなった」〉。ORICON STYLE。2016-08-05。喺2016-08-11搵到。
- ↑ 〈石原さとみ、戦艦武蔵を題材にしたドラマに主演「何度も涙しました」〉。ORICON STYLE。2016-06-28。喺2016-08-11搵到。
參考
[編輯]- Bawal, Raymond A. (2010). Titans of the Rising Sun: The Rise and Fall of Japan's Yamato Class Battleships. Inland Expressions. ISBN 0-9818157-3-1.
- Campbell, John (1985). Naval Weapons of World War II. Annapolis, Maryland: Naval Institute Press. ISBN 0-87021-459-4.
- Chesneau, Roger, 編 (1980). Conway's All the World's Fighting Ships 1922–1946. Greenwich, UK: Conway Maritime Press. ISBN 0-85177-146-7.
- Garzke, William H.; Dulin, Robert O. (1985). Battleships: Axis and Neutral Battleships in World War II. Annapolis, Maryland: Naval Institute Press. ISBN 978-0-87021-101-0.
- Hackett, Bob; Kingsepp, Sander (2012). "IJN Battleship Musashi: Tabular Record of Movement". Combinedfleet.com. 喺17 April 2013搵到.
- Holtzworth, E.C., Commander (1月 1946). "Reports of the US Naval Technical Mission to Japan: Ship and Related Targets – Article 2: Yamato (BB), Musashi (BB), Taiho (CV), Shinano (CV)" (PDF). United States Navy. 原著 (PDF)喺18 10月 2013歸檔. 喺28 4月 2013搵到.
- Jentschura, Hansgeorg; Jung, Dieter; Mickel, Peter (1977). Warships of the Imperial Japanese Navy, 1869–1945. Annapolis, Maryland: United States Naval Institute. ISBN 0-87021-893-X.
- Lacroix, Eric; Wells, Linton (1997). Japanese Cruisers of the Pacific War. Annapolis, Maryland: Naval Institute Press. ISBN 0-87021-311-3.
- Padfield, Peter (2000). Battleship. Edinburgh: Birlinn. ISBN 1-84158-080-5.
- Polmar, Norman; Genda, Minoru (2006). Aircraft Carriers: A History of Carrier Aviation and Its Influence on World Events.第Volume 1, 1909–1945卷. Washington, D.C.: Potomac Books. ISBN 1-57488-663-0.
{{cite book}}:|volume=has extra text (help) - Silverstone, Paul H. (1984). Directory of the World's Capital Ships. New York: Hippocrene Books. ISBN 0-88254-979-0.
- Skulski, Janusz (1995). The Battleship Yamato. Anatomy of the Ship (第reprint of the 1988版). London: Conway Maritime Press. ISBN 0-85177-490-3.
- Stille, Mark (2008). Imperial Japanese Navy Battleships 1941–45. New Vanguard.第146卷. Botley, Oxford, UK: Osprey Publishing. ISBN 1-84603-280-6.
- Whitley, M. J. (1999). Battleships of World War Two: An International Encyclopedia. Annapolis, Maryland: Naval Institute Press. ISBN 1-55750-184-X.
- Yoshimura, Akira (1999). Battleship Musashi: The Making and Sinking of the World's Greatest Battleship. Tokyo: Kodansha International. ISBN 4-7700-2400-2.
- （日文）『日本の戦艦』 歷史群像系列 （学研
- （日文）『大和型戦艦』歷史群像系列 （学研）
- （日文）『日本海軍艦艇写真集 大和 武蔵』 光人社
- （日文）能村次郎 (1967)。《慟哭の海 戦艦大和死闘の記録》。読売新聞社。
{{cite book}}: Cite has empty unknown parameter:|month=(help) - （日文）成瀬恭発行人 (1968)。《戦藻録》。原書房。
- （日文）飯尾憲人 (1983)。《艦と人 海軍造船官八百名の死闘》。集英社。ISBN 4-08-772441-7。
- （日文）生出寿 (1988)。《ライオン艦長 黛治夫 ある型破り指揮官の生涯》。光人社。ISBN 4-7698-0372-9。
- （日文）千早正隆 (1990)。《日本海軍の驕り症候群》。プレジデント社。ISBN 978-4833413855。
- （日文）堀元美 (1994)。《造船士官の回想（下）》。朝日ソノラマ文庫。ISBN -4-257-17285-1。
- （日文）井上理二 (1999)。《駆逐艦磯風と三人の特年兵》。光人社。ISBN 978-4769809357。
- （日文）高城肇 譯 (1999)。《決断と異議 レイテ沖のアメリカ艦隊勝利の真相》。光人社。
{{cite book}}: Cite has empty unknown parameter:|month=(help) - （日文）《雪風ハ沈マズ 強運駆逐艦栄光の生涯》。光人社NF文庫新装版。2004。ISBN 978-4-7698-2027-7。
- （日文）井原裕司 譯 (2007)。《空母エンタープライズ THE BIG E 上巻》。元就出版社。ISBN 978-4-86106-157-8。
- （日文）井原裕司 譯 (2007)。《空母エンタープライズ THE BIG E 下巻》。元就出版社。ISBN 978-4-86106-158-5。
- （日文）戶高一成 (2007)。《戦艦大和に捧ぐ》。PHP研究所。
- （日文）内藤初穂 (2008)。《戦艦大和へのレクイエム 大艦巨砲の技術を顧みる》。グラフ社。ISBN 978-4-7662-1124-5。
{{cite book}}: Cite has empty unknown parameter:|month=(help) - （日文）松本喜太郎他 (2009)。《戦艦「大和」開発物語 最強戦艦誕生に秘められたプロセス》。光人社NF文庫。ISBN 978-4-7698-2371-1。
{{cite book}}: Cite has empty unknown parameter:|1=(help) - （日文）戶高一成編 (2011)。《[証言録] 海軍反省会2》。株式会社PHP研究所。ISBN 978-4-569-79338-2。