跳去內容

滙豐相關爭議

改拎
出自維基百科，自由嘅百科全書

滙豐相關爭議記錄滙豐控股同佢附屬公司、業務紮根香港嘅香港上海滙豐銀行嘅相關爭議事件同醜聞。

顧客服務爭議

[編輯]

2005年，喺香港，滙豐銀行大減分行同埋傳統櫃位服務，但老人家唔識用提款卡，只可以去僅餘嘅分行用長時間輪候提款，引起社會人士批評有心趕走貧窮存戶，冇顧及社會責任。區議員話有唔少申領綜援嘅老人家，已轉用其他銀行。[1]

顧客個人資料保護爭議

[編輯]

英國《金融時報》報導滙豐銀行瑞士子公司滙豐私人銀行一名前信息科技顧問赫爾夫·法爾西亞尼被指喺2006年底至2007年初竊取幾萬名客户嘅資料。[未記出處或冇根據]

2008年，滙豐銀行香港九龍觀塘分行聲稱一部伺服器電腦被人偷咗，入面載有15.9萬個客人帳戶資料但辯稱電腦上有密碼唔會被破解，事後亦冇主動通知客戶改密碼，直到媒體見報至說明，事件後來不了了之。[2][3]

2008年，香港九龍觀塘分發生劫案冇耐，滙豐又聲稱唔見咗一個數碼錄音裝置，入面有2.5萬個職員同客戶之間嘅電話對話[4]，銀行公關員辯護「要特殊硬件至播得到，因而導致不法活動嘅機會甚微」並表示已經報告金管局及私隱專員公署，案件最終拉唔到疑犯，錄音器都揾唔返。[5]

保安爭議

[編輯]

2015年4月20號，滙豐香港網站嘅「滙豐青年企業家獎」中間一條超連結被發現直接連去一個簡體字色情網站，滙豐大概喺香港時間當晚7點20分刪走有關內容。事件唔單止令銀行尷尬，亦令人質疑佢內部監管不力。夜晚9點半，滙控發聲明，表示已將一個通去第三方網站（即色情網站）嘅連結刪除，強調同該網站冇任何關聯，指事件對公眾構成不便，滙豐謹此致歉。保安專家認為，黑客入侵更改超連結嘅可能性唔大，因近年香港嘅銀行網絡保安程度極高，自2010年起已經冇黑客能夠直接攻入銀行系統，加上黑客行為以盜取利益為主，專門攻入網站並竄改網站內容嘅行為已大為減少。但估計事件同內部監控出現問題有關，有銀行資訊科技部員工估計負責更新網頁嘅員工可能同時瀏覽色情網頁，最終剪貼網址時出錯所致。[6]

支援恐怖份子及洗黑錢爭議

[編輯]

2004年，九一一事件調查組喺美國出報告，沙特阿拉伯嘅拉吉哈銀行同恐怖組織有來往而且高層都係阿爾蓋達組織嘅早期捐款人，直接可以認定為恐怖分子，但滙豐集團明知都重長期同佢往來成為金錢通道，報告出現後迫於壓力，滙豐總公司宣布終止往來，但噉做遭到中東分公司反對，一份內部郵件[7]顯示結果係該分支得以「自行決定」係唔係繼續同拉吉哈銀行開展業務。

墨西哥金融部門調查發現，國內七成以上黑錢由滙豐銀行洗白，例如墨西哥中部普埃布拉州一間滙豐嘅外滙交易窗口商，兩年間交易額由1800萬美元大增至2007年3月嘅1.13億美元，惟當地貧困人口居多，呢啲異常交易滙豐交唔出解釋，好難再辯護滙豐唔知墨西哥分行業務中大量金流係由黑幫同毒品創造。[8]2012年滙豐首席合規官參加美國國會聽證會，承認自己早已知道多數業務係洗錢，但辯稱自己冇權過度介入分行營運，會後宣布辭職。[9]

2012年，美國參議院嘅常設調查委員會發布一份340頁報告，指控滙豐向恐怖分子、毒販同埋洗黑錢者打開金融體系大門，報告認定美國嘅金融監管當局冇認真監督滙豐銀行嘅作業，令毒販、恐怖分子同埋流氓國家通過佢進行嘅洗黑錢金額達到數以十億計美元。滙豐職員出席聽證會，並作出道歉，承諾會加強反洗錢措施。[10]顯示滙豐銀行洗錢同逃稅業務遍及全球，參議員利文（Carl Levin）形容，滙豐內部「每一個角落都遭到污染」。[11]報告發布後，滙豐時任總裁歐志華（Stuart Gulliver）隨即喺同日發表聲明表示滙豐「承認過去嘅錯誤，並將深切道歉」。佢洗錢對象遍及墨西哥毒販、伊朗、蘇丹、中東恐怖組織等。

協助逃稅爭議

[編輯]

2005年到2007年期間，由歐美60個國家權威媒體嘅記者反腐揭貪組成嘅國際調查記者聯盟再次向全世界爆料，喺瑞士嘅滙豐銀行喺超過10萬個銀行開戶營運資料，涉及款項多達1200億美元，其中包含各種國際罪犯、商人同政客以及名人，以及英國、俄羅斯、印度及多個非洲國家嘅現任同埋前政客，甚至有沙特、巴林、約旦及摩洛哥皇室，以及澳洲億萬富翁等。[12]

2015年起，滙豐受法國警方調查洗錢，法國檢方有關該行喺2006年至2007年協助客戶逃稅嘅指控，2017年滙豐同意支付3億歐元罰款終結指控。之後美國、比利時、阿根廷、印度、西班牙等國紛紛開展調查。[未記出處或冇根據]

2018年初，英國《金融時報》報導，滙豐警告由於旗下瑞士私人銀行涉嫌逃稅同洗錢，可能面臨至少15億美元罰款。[13]

交易醜聞

[編輯]

掉頭交易醜聞喺2005年浮上水面，滙豐集團一份內部通知被洩漏[7]，禁止進行任何違反美國財政部海外資產控制辦公室（OFAC）規定嘅美元交易，但允許職員以掉頭式交易（U-turn transactions）進行直接支付（cover payment）。

贊助不當行為爭議

[編輯]

2017年1月，綠色和平組織揭發滙豐銀行為印尼嘅泥炭地森林開展項目嘅最大公司之一提供資金，間接導致印尼嘅森林砍伐同埋相關後果。滙豐喺過去幾年為咗巨額商業利益而參與破壞環境嘅惡意行為。儘管滙豐銀行已發表聲明否認贊助呢啲破壞環境嘅行為，綠色和平透過佢研究收集嘅資料顯示滙豐同客戶之間所建立嘅相關聯繫。[14]

干預採訪爭議

[編輯]

2020年6月6號，《蘋果日報》記者喺黑色暴雨後到觀塘開源道分行拍攝水浸嚴重嘅情況期間，4名掛住滙豐銀行職員證嘅職員包圍記者並阻擋鏡頭拍攝，話分行內部情況唔可以拍攝。之後再有一名負責抽走滙豐銀行積水嘅外判工人一邊吸煙，一邊用粗口指罵記者出示記者證，更強行搶走同拍打記者手上嘅攝錄機，話「你影咩相？」。記者話喺公眾地方拍攝，唔係分行範圍，同時感到受威嚇，因而報警處理。警員到場後，分行女經理同外判工人至肯道歉同埋交還攝錄機。滙豐發言人就事件感到抱歉，表示員工同外判商喺工作期間必須秉持專業操守，會全面調查並採取適當行動。[15]

香港政治爭議

[編輯]
内文：香港滙豐喺反逃犯條例修訂運動同國安法爭議嘅角色
12月24號，示威者破壞滙豐銀行九龍旺角總行
12月27號，滙豐銀行沙田分行外圍用圍板保護，防暴警察在場監視

2019年香港逃犯條例爭議期間，滙豐喺12月19號取消用嚟支援示威被捕人士嘅「星火同盟抗爭支援」銀行戶口[16]，以及一啲其它協助抗爭活動嘅大型眾籌基金銀行戶口[17][18]。「星火同盟」資金來自市民捐款，並用於支援示威被捕人士嘅訴訟費用，香港警察以涉嫌洗黑錢為由，凍結「星火同盟」7000萬港元資金。早喺2019年11月19號，滙豐銀行曾阻止「星火同盟」進行眾籌作支援示威者之用[19]，終止「星火同盟」眾籌戶口。香港大專學界國際事務代表團發言人張崑陽披露，美國國會考慮以《國際緊急經濟權力法》制裁滙豐[20]。一啲反修例示威者因不滿滙豐取消星火同盟抗爭支援嘅銀行戶口而破壞滙豐銀行同埋子公司恆生銀行。有市民質疑滙豐任意凍結星火同盟，有串謀香港警察及協助政府進行政治打壓之嫌。喺12月20號「中環和你Lunch」行動期間，市民抗議警方以涉嫌洗黑錢罪名拘捕「星火同盟」部分成員以及凍結「星火」資金[21][22]。2019年12月24號至25號警民衝突中，佢喺旺角嘅九龍總行遭到破壞，玻璃門被打碎，示威者入內縱火，櫃員機被破壞同埋噴黑油[23]。12月25號上晝，滙豐銀行發表聲明，關閉星火同盟帳戶合法並符合國際監管標準，滙豐話有關帳戶交易活動同開戶時所陳述嘅用途並唔相符，作為一間國際銀行，按照國際監管標準作出關閉帳戶嘅決定[24]。

2020年1月1號元旦遊行，個別分行及自動櫃員機受到破壞，而示威者行經中環滙豐總行大廈時用紅色油漆噴上「染紅」兩個字，而獅子銅像雙眼被噴紅同埋貼上黃符，寫有五大訴求內容。到傍晚更被人淋潑易燃液體並一度起火，由消防人員救熄[25]。滙豐發言人對銅獅被無理破壞感到非常難過，將會聘請專家展開復修工作[26]。到1月2號晚11點，工人用木板圍封兩座銅像，等待復修[27]。

2020年1月3號，滙豐發出通告，表示會調整19處自動櫃員機及理財易中心服務時間，每周五及周末等夜晚8點至第二日朝6點暫停服務，直至另行通知[28]。

許智峯户口事件

[編輯]

2020年12月，前立法會議員許智峯去咗英國，但之後銀行戶口就畀滙豐銀行凍結咗，連信用卡都取消，滙豐行政總裁祈耀年結果要以個人名義發電郵畀許智峯解釋同道歉，同解釋話喺警方通知下所以別無選擇。[29]

美國對香港制裁相關爭議

[編輯]

2020年5月28號，中國人大通過就《港區國安法》立法，並發動輿論攻勢要滙豐表態支持[30]，包括由前特首梁振英喺社交平台發文斥責滙豐未就《港區國安法》表態，呼籲商界人士取消滙豐帳戶，中共喉舌《人民日報》喺6月1號通過微信轉載《北京日報》以《坑客戶，滙豐終將失去所有客戶》為題嘅文章，力數滙豐近年嘅爭議事件，批評滙豐係「牆頭草」同埋「雙面人」，斥責滙豐對國安法裝扮聾扮啞[30]。滙豐亞太區行政總裁王冬勝於是喺6月4號前往「撐國安立法」街站簽名表態支持《港區國安法》，但作為滙豐主要股東之一嘅英傑華集團表示，中國當局仍未公開《港區國安法》嘅條文及細則，而滙豐喺無法了解國安法嘅詳細內容同埋點樣運作就表態支持定先，對此感到不安[31]。滙豐表態支持《港區國安法》被英國官員及美國政界批評作為英國銀行，但就同英國政府反對立法嘅立場背道而馳，並且違反銀行嘅政治中立政策[32]。美國參議院議員里克·斯科特批評滙豐選擇利潤而唔係人權[32]。英國外交事務委員會主席湯馬斯·圖根達特話想知道點解滙豐選擇支持專制國家對自由嘅壓制同埋破壞法治[32]。美國國務卿蓬佩奧喺6月9號表示，王冬勝展現「忠誠」嘅行為，唔會為滙豐喺北京換來多少尊重，北京只會繼續將滙豐當作壓迫英國嘅政治籌碼[33]。英國外相藍韜文喺6月16號話「唔會為銀行家利益而犠牲香港人」[34][35]，佢喺7月2號再點名批評滙豐銀行為私利犧牲香港人嘅人權[36][37]。

2020年8月26號，美國國務卿蓬佩奧喺Twitter發文，指滙控保留喺《特別指定國民和被封鎖人員》名單下受制裁人士嘅賬戶，並關閉追求自由人士嘅個人賬戶，例如壹傳媒高層使用信用卡。同時批評副主席兼行政總裁王冬勝到街站簽名支持訂立《港區國安法》。[38]

孟晚舟事件爭議

[編輯]
内文：孟晚舟事件

2018年12月，華為副董事長兼首席財務官孟晚舟喺加拿大被逮捕。滙豐一名美國聯邦任命嘅反洗錢及制裁舉措監督人曾經向紐約東區聯邦檢控官舉報華為公司嘅賬戶有「可疑交易」。[39][40][41][42][43]

2019年7月，華為事件發酵，英國《金融時報》披露滙豐銀行為逃避洗錢處罰，同意喺案件中配合美國司法部嘅调查[44]，外洩華為往來資料。任正非專訪時親口話「Skycom公司同伊朗貿易過程中滙豐銀行全部知情亦從未表示疑慮有乜嘢困難，好樂意地擔任資金渠道，運作幾年後佢哋邀請孟晚舟去咖啡室，飲咖啡時，佢講咗幾張PPT，呢個PPT冇乜誤導性。點解滙豐銀行會將呢幾張PPT要咗？我哋唔知道，更唔知做乜就成為一種流去美國司法部嘅『罪證』，希望有朝一日能夠喺法庭上真相大白。」[45]

2020年7月24號，中國官方嘅《人民日報》及中共喉舌媒體譴責滙豐為逃避美國嘅洗黑錢指控，而設局陷害、拼湊材料、捏造罪證，誣衊華為副董事長兼首席財務官孟晚舟，中國官媒喺文中指責滙豐喺孟晚舟事件中扮演極唔光彩嘅角色[46]。滙豐25號喺中國微博官方公號發文回應，否認設局陷害孟晚舟，但滙豐嘅發文冇耐就被微博以「因文章違反法規目前無法閱覽」刪除[47]。

參考

[編輯]
  1. ↑ 〈領綜援長者被迫排大隊 滙豐減櫃位分行捱轟〉。《蘋果日報》。2005-08-17。喺2020-01-05搵到。{{cite news}}: CS1 maint: url-status (link)
  2. ↑ 〈汇丰银行离奇失窃〉。原先內容歸檔喺2019-08-12。喺2019-08-12搵到。
  3. ↑ 〈鳳凰-滙豐奇案〉。原先內容歸檔喺2019-08-12。喺2019-08-12搵到。
  4. ↑ 〈搜狐-滙豐電話奇案〉。原先內容歸檔喺2019-08-12。喺2019-08-12搵到。
  5. ↑ 〈汇丰银行2.5万段对话录音带失踪〉。原先內容歸檔喺2019-08-12。喺2019-08-12搵到。
  6. ↑ 〈滙豐網站連接色情網頁疑員工出錯〉。蘋果日報。2015年4月21號。原先內容歸檔喺2016年9月12號。喺2020年1月1號搵到。（繁體中文）
  7. ↑ 7.0 7.1 新浪-滙豐成違法中心
  8. ↑ 中評社-滙豐洗7成毒販錢
  9. ↑ 新浪-汇丰首席合规官宣布辞职
  10. ↑ 〈滙豐承認監管洗黑錢不力〉。《星島日報》。2012年7月17號。
  11. ↑ 滙豐成世界洗錢中心
  12. ↑ 〈国际调查记者联盟再爆料瑞士汇丰银行涉嫌帮助全球富豪隐瞒资金与偷税漏税〉 (中文)。法广中文网。09-02-2015。原著喺2019年5月22號歸檔。 {{cite news}}: Check date values in: |date= (help)
  13. ↑ 中時-執行長退休前夕 滙豐再爆
  14. ↑ 〈滙豐助長棕櫚油企業破壞印尼雨林〉 (PDF)。（繁體中文）
  15. ↑ 〈【黑雨來襲】滙豐觀塘分行水浸 外判工爆粗阻記者採訪兼搶攝錄機〉。《蘋果日報》。2020-06-06。原先內容歸檔喺2020-06-07。喺2020-06-07搵到。
  16. ↑ 〈眾籌基金涉支援香港動亂　滙豐銀行取消有關戶口〉。《亞洲週刊》 (第33卷47期)。2019-12-01。原先內容歸檔喺2020-08-13。喺2019-12-19搵到。
  17. ↑ 〈信報：滙豐取消反修例活動眾籌帳戶〉。news.now.com (香港中文)。原先內容歸檔喺2019-11-18。喺2019-11-18搵到。
  18. ↑ 〈【抗暴之戰】傳要求抗爭眾籌戶口結束 滙豐：違開戶用途 未即時關閉戶口〉。《Apple Daily 蘋果日報》。原先內容歸檔喺2019-11-18。喺2019-11-18搵到。
  19. ↑ 〈滙豐阻眾籌　終止星火賬戶〉。蘋果日報。2019年11月19號。原先內容歸檔喺2019年12月21號。喺2020年1月1號搵到。（繁體中文）
  20. ↑ 〈取消"星火"账户 美国国会计划制裁汇丰〉。Radio Free Asia (中國中文)。原先內容歸檔喺2019-12-20。喺2019-12-20搵到。
  21. ↑ 〈警拘「星火同盟」4人涉洗黑錢　凍結銀行戶口7000萬〉。明報。2019年12月19號。原先內容歸檔喺2019年12月20號。喺2019年12月25號搵到。（繁體中文）
  22. ↑ 〈滙豐總行市民抗議凍結「星火」資金　銀行落閘fb稱關戶口無關港情況〉。《明報》。2019-12-20。原先內容歸檔喺2019-12-21。喺2020-01-05搵到。
  23. ↑ 〈旺角滙豐恒生分行遭破壞　滙豐重申︰按國際監管標準關「星火」帳戶【短片】 (14:51)〉。明報。2019年12月25號。原先內容歸檔喺2019年12月25號。喺2020年1月1號搵到。（繁體中文）
  24. ↑ 〈旺角滙豐恒生分行遭破壞　滙豐重申︰按國際監管標準關「星火」帳戶〉。《明报》 (香港中文)。2019-12-25。原先內容歸檔喺2019-12-25。喺2019-12-25搵到。
  25. ↑ 〈【元旦遊行】「紅燒」滙豐總行獅子 市民不滿打壓蜂擁捐錢星火〉。《蘋果日報》。2020-01-01。2020-01-05。原先內容歸檔喺2020-01-01。喺2020-01-05搵到。
  26. ↑ 〈【銅獅被焚】滙豐連續兩日發聲明　發言人：對銅獅被破壞感十分難過〉。香港經濟日報。2020-01-02。原先內容歸檔喺2020-08-13。喺2020-01-05搵到。
  27. ↑ 劉定安 (2020-01-03)。〈【復修銅獅】工人深宵圍板保護　滙豐總行兩受損銅獅待復修〉。香港01。原先內容歸檔喺2020-08-13。喺2020-01-05搵到。
  28. ↑ 文顥宗 (2020-01-03)。〈滙豐調整19個理財易中心及ATM服務時間　每周五及周末等晚上停業〉。香港01。原先內容歸檔喺2020-08-13。喺2020-01-05搵到。
  29. ↑ 〈滙豐凍結流亡港人帳戶辯稱「別無選擇」　許智峯斥：侵犯人權的共犯〉。蘋果。2021-01-17。喺2021-03-15搵到。
  30. ↑ 30.0 30.1 〈《人民日報》轉載文章轟滙豐 「裝聾作啞」「牆頭草」　斥未表態支持國安法〉。《立場新聞》。2020-06-03。原先內容歸檔喺2020-06-03。喺2020-06-16搵到。
  31. ↑ 〈汇丰与渣打主要股东Aviva称对二者表态支持香港国安法感到"不安"〉。《路透社》。2020-06-10。喺2020-06-16搵到。
  32. ↑ 32.0 32.1 32.2 〈英美政界斥滙豐渣打向北京跪低　質疑選擇利潤棄自由〉。《立場新聞》。2020-06-05。原先內容歸檔喺2020-06-05。喺2020-06-16搵到。
  33. ↑ 〈滙豐憂北京報復 蓬佩奧籲各國避免過度依賴中國〉。《中央通訊社》。2020-06-10。喺2020-08-04搵到。
  34. ↑ 〈藍韜文：不會為銀行家利益而犠牲香港人〉。《商業電台》。2020-06-16。原著喺2020-06-16歸檔。喺2020-06-16搵到。
  35. ↑ 〈英国外交大臣批评汇丰银行支持中国实施涉港国安法〉。《路透社》。2020-06-16。原著喺2020-10-20歸檔。喺2020-06-16搵到。
  36. ↑ 〈藍韜文再抨擊滙豐撐國安法　指不應因銀行家利益犧牲港人〉。《立場新聞》。2020-07-02。原著喺2021-01-13歸檔。喺2020-07-09搵到。
  37. ↑ 〈藍韜文批評滙豐等銀行高層不應為私利支持《港區國安法》〉。《華富財經》。2020-07-02。喺2020-07-09搵到。{{cite news}}: CS1 maint: url-status (link)
  38. ↑ 〈蓬佩奧:滙豐關閉尋求自由的個人賬戶〉。《信報》。2020-08-26。喺2020-08-27搵到。
  39. ↑ Ensign, Rachel Louise。〈汇丰控股监督人向检方举报华为可疑交易〉。《华尔街日报中文网》 (中國中文)。喺2018-12-08搵到。
  40. ↑ Greg Farrell (2018-12-06). "HSBC Monitor Flagged Payments Linking Huawei With Iran". Bloomberg. 原先內容歸檔喺2018-12-09. 喺2018-12-08搵到.
  41. ↑ Rachel Louise Ensign (2018-12-06). "HSBC Monitor Flagged Suspicious Huawei Transactions to Prosecutors". Wall Street Journal. 原先內容歸檔喺2018-12-07. 喺2018-12-08搵到.
  42. ↑ 〈独家：美国对华为的调查包括涉嫌银行欺诈和违反制裁令-消息人士〉。Reuters (中文)。2018-12-07。原先內容歸檔喺2018-12-07。喺2018-12-08搵到。
  43. ↑ "Exclusive: U.S. probe of China's Huawei includes bank fraud..." Reuters (英文). 2018-12-07. 原先內容歸檔喺2018-12-07. 喺2018-12-08搵到.
  44. ↑ 英國媒體爆料汇丰银行阴了华为
  45. ↑ 任正非專訪
  46. ↑ 〈官媒指滙豐為逃脫美國洗錢指控 誣衊華為陷害孟晚舟〉。《阿斯達克財經》。2020-07-24。喺2020-08-04搵到。
  47. ↑ 〈官媒質疑滙豐伙美陷害孟晚舟 滙豐微信回應文章被刪〉。《明報》。2020-07-27。喺2020-08-04搵到。
由「https://zh-yue.wikipedia.org/w/index.php?title=滙豐相關爭議&oldid=2065979」收