滿洲國
 滿洲史 | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
| 古朝鮮 | 東胡 | 濊貊 沃沮 |
肅慎 | |||||||||||||||||
| 燕 | 遼西郡 | 遼東郡 | ||||||||||||||||||
| 秦 | 遼西郡 | 遼東郡 | ||||||||||||||||||
| 西漢 | 遼西郡 | 遼東郡 | 衛滿朝鮮 | 匈奴 | ||||||||||||||||
| 漢四郡 | 扶餘 | |||||||||||||||||||
| 東漢 | 遼西郡 | 烏桓 | 鮮卑 | 挹婁 | ||||||||||||||||
| 遼東郡 | 高句麗 | |||||||||||||||||||
| 玄菟郡 | ||||||||||||||||||||
| 魏 | 昌黎郡 | 公孫軍閥 | ||||||||||||||||||
| 遼東郡 | ||||||||||||||||||||
| 玄菟郡 | ||||||||||||||||||||
| 西晉 | 平州 | |||||||||||||||||||
| 慕容鮮卑 | 宇文鮮卑 | |||||||||||||||||||
| 前燕 | 平州 | |||||||||||||||||||
| 前秦 | 平州 | |||||||||||||||||||
| 後燕 | 平州 | |||||||||||||||||||
| 北燕 | ||||||||||||||||||||
| 北魏 | 營州 | 契丹 | 庫莫奚 | 室韋 | 豆莫婁 | |||||||||||||||
| 東魏 | 營州 | 勿吉 | ||||||||||||||||||
| 北齊 | 營州 | |||||||||||||||||||
| 北周 | 營州 | |||||||||||||||||||
| 隋 | 柳城郡 | 靺鞨 | ||||||||||||||||||
| 燕郡 | ||||||||||||||||||||
| 遼西郡 | ||||||||||||||||||||
| 唐 | 營州 | 松漠都督府 | 饒樂都督府 | 室韋都督府 | 安東都護府 | 渤海國 | 黑水都督府 | |||||||||||||
| 五代十國 | 營州 | 契丹 | 渤海國 | |||||||||||||||||
| 遼 | 上京道 | 東丹 | 女真 | |||||||||||||||||
| 中京道 | 定安 | |||||||||||||||||||
| 東京道 | ||||||||||||||||||||
| 金 | 東京路 | |||||||||||||||||||
| 上京路 | ||||||||||||||||||||
| 東遼 | 大真國 | |||||||||||||||||||
| 元 | 遼陽行省 | |||||||||||||||||||
| 明 | 遼東都司 | 奴兒干都指揮使司 | ||||||||||||||||||
| 建州女真 | 海西女真 （扈倫忽剌） |
野人女真 | ||||||||||||||||||
| 後金 | ||||||||||||||||||||
| 清 | 滿洲 | |||||||||||||||||||
| 東三省 | 俄羅斯帝國 外滿洲 | |||||||||||||||||||
| 中華民國 （東三省） |
蘇聯 （俄屬遠東） | |||||||||||||||||||
| 滿洲國 | ||||||||||||||||||||
| 中華人民共和國 （中國東北地區） |
俄羅斯 （遠東聯邦管區/俄屬遠東） | |||||||||||||||||||
| 中國朝鮮關係史 | ||||||||||||||||||||
| Portal:中國 | ||||||||||||||||||||
滿洲國（粵拼：mun5 zau1 gwok3；後來改叫滿洲帝國，1932年3月1號－1945年8月18號）係以前嘅東北亞國家，九一八事變之後由大日本帝國扶植嘅傀儡政權。首都係新京（今中國吉林長春），控制住今日中國嘅遼寧、吉林同黑龍江省（除咗嗰陣日本租借佔領嘅大連地區），同埋內蒙古東部、河北省承德市（熱河省）。國家元首係清朝最後一個皇帝愛新覺羅·溥儀（初頭叫做執政，年號「大同」；後來叫做皇帝，年號「康德」）。
1945年8月，日本本土俾美國嘅原子彈轟炸，而蘇聯紅軍打贏咗駐守滿洲國嘅關東軍同滿洲國軍，日本打輸仗。8月18號，溥儀宣讀《退位詔書》，滿洲國亡。
建立經過
[編輯]1931年9月18號，喺板垣徵四郎、石原莞爾、花谷正、土肥原賢二等人嘅策劃之下，日本關東軍喺瀋陽發動九一八事變。兩個月內，關東軍極速佔領遼寧、吉林同黑龍江三省，將每個省控制權都交畀唔同嘅親日政權——遼寧係臧式毅，吉林係熙洽，而黑龍江就係馬占山。
日本關東軍一直想喺內滿建立親日本嘅政權。九一八事變之後，日本成功佔領內滿洲。1931年底，因為九一八事變引咎辭職嘅原日本陸軍大臣南次郎去咗滿洲，同關東軍司令官本莊繁重有關東軍特務機關長土肥原賢二傾事變進展。1932年1月28號，南次郎返日本同天皇報告《滿洲近況》，建議喺滿洲建立「新國家」。南次郎喺報告入面指出，建立新國家可以方便日本之後打蘇聯「向北發展」，而日本通過控制呢個「新國家」嘅經濟，可以令到日本有永遠自給自足嘅資源，重可以移民去滿洲解決日本地少人多嘅問題。
九一八事變發生之後，一直想復辟清朝嘅前滿洲貴族以為時機到。滿洲宗室、吉林省軍參謀長熙洽於是就喺吉林長官出城奔母喪嗰時，打開吉林城門，向日本投降。佢又秘密寄信畀清朝遜帝愛新覺羅·溥儀，叫「皇上」（溥儀）返「祖宗發祥地，復辟大清，救民於水火」，喺「友邦」（日本）嘅支持下，先佔滿洲，再試下攻入關內。以佢為首嘅前滿洲貴族同時叫日本迎接溥儀至滿洲、建立君主制嘅國家。日本關東軍方面亦都早就覺得溥儀係合適嘅傀儡人選。戰後，城野宏講話日方揀溥儀係因為：
- 首先，溥儀「同中國本部嘅國民黨無任何聯繫」；
- 其次，「滿洲同蒙古一尐舊嘅階層對清朝重有傳統嘅嚮往」；
- 第三，「一般農民似乎更加歡迎由滿洲嘅愛新覺羅家實行嘅王道政治」。
1931年11月8號，土肥原賢二搞「天津事件」，將溥儀喺天津日租界嘅住所秘密帶走，經過大沽口、營口、旅順，去到撫順。1932年2月16號，關東軍召集張景惠、熙洽、馬占山、臧式毅，同謝介石、於衝漢、趙欣伯、袁金鎧等人喺瀋陽大和旅館開「東北政務會議」，會議由關東軍司令官本莊繁主持。會議決定立溥儀做滿洲國執政，順手分配埋佢哋做乜，好似板垣徵四郎就做奉天特務機關長、滿洲國軍政部最高顧問。18號，發佈《獨立宣言》：「由今日開始宣佈滿蒙地區同中國中央政府斷絕來往，根據滿蒙居民自由嘅選擇同呼籲，滿蒙地區從此完全獨立，成立完全獨立自主嘅政府。」23號，坂垣喺撫順同溥儀會面，話畀溥儀知佢會做滿洲國執政。
3月1號，發佈《建國宣言》，滿洲國宣布成立。首都喺長春（改名叫新京），中華民國政府對日本策動滿洲獨立並建立滿洲國提出嚴重抗議。6號，溥儀由旅順出發，9號喺長春宣布佢做滿洲國執政，年號「大同」。同時任命唔同府、院、部嘅負責官員，滿洲國正式建立。
1932年9月15號，關東軍司令官兼駐滿洲國特命全權大使武藤信義同滿洲國國務總理鄭孝胥喺勤民殿簽《日滿議定書》。《日滿議定書》規定日本正式承認滿洲國，並會擔負滿洲國國防，喺滿洲國駐軍。附件又規定滿洲國嘅鐵路、港口、航路、航線等由日本管理。另外，滿洲國負責日軍要嘅各種物資同埋設備，日本有權開發礦山，日本人有權做滿洲國官吏，日本有權移民去滿洲國等等。
1934年3月1號，溥儀喺新京南郊杏花村舉行登基典禮，改「滿洲國」叫「滿洲帝國」，溥儀終於做到皇帝，年號改做「康德」。
亡國
[編輯]政權完
[編輯]喺1943年12月1號公佈嘅《開羅宣言》入面，講明中美英「三國嘅宗旨係要攞返所有日本由1914年第一次世界大戰開始之後喺太平洋攞到或者佔領咗嘅島嶼；日本侵佔咗嘅中國領土要還返畀中華民國，好似滿洲、台灣、澎湖群島。亦要將日本由所有佢用暴力或貪念攞到嘅地趕走」。喺1945年2月8號嘅雅爾塔會議羅斯福—史太林會談入面，確定咗會將大連變做國際化自由港，送畀蘇聯，又畀蘇聯可以用滿洲鐵路，作為蘇聯對日開戰嘅條件。
1945年8月8號，蘇聯話畀日本知佢第二日會同日本開戰。之後蘇聯紅軍攻入滿洲，用高度機械化嘅絕對優勢打低關東軍同埋滿洲國軍。11號，溥儀同滿洲國嘅官開始搭火車撤退。13號清晨到咗通化市臨江縣大栗子站。15號，日本天皇裕仁宣布無條件投降。17號，喺吉岡安直嘅安排之下，溥儀讀《滿洲國皇帝退位詔書》，宣佈滿洲國政府解散，滿洲國滅亡。18號，關東軍司令官山田乙三下令滿洲地區同埋朝鮮北緯38度線北面嘅日軍（原本係朝鮮軍，1945年改編入關東軍，38度線以南嘅朝鮮軍改編入國內軍）解除武裝，停戰。19號，溥儀一班人由通化搭飛機飛去瀋陽準備轉機飛去日本，飛機喺奉天機場降落之後，溥儀佢哋即刻俾蘇聯紅軍俘虜，滿洲國政權徹底完結。
滅亡之後
[編輯]1945年8月20號，蘇軍佔領新京、奉天、哈爾濱、佳木斯等城市；22號，蘇軍佔領旅順、大連。31號，蔣介石喺重慶宣布成立國民政府軍事委員會委員長東北行轅，行轅主任係熊式輝，接收東北，同時改原東北三省做九省二市[未記出處或冇根據]。
蘇聯之後唔畀中華民國政府用旅順港口送人去接收遼東半島，幫中國共產黨喺滿洲地區攞到政治同埋軍事優勢，又將喺關東軍同滿洲國軍繳獲嘅一啲裝備同埋人員送畀共產黨。1945年11月，共產黨軍隊（當時重未叫中國人民解放軍）喺山海關一線同準備出關接收東北嘅國民革命軍打咗場激戰，共產黨軍隊輸咗，於是國民政府就接收滿洲。
1946年8月，蘇聯政府畀溥儀去東京遠東國際軍事法庭作證。佢話佢自己喺執政滿洲國嗰陣，完全係日本嘅扯線公仔，重講埋日本關東軍喺滿洲嘅軍事活動同針對蘇聯嘅軍事目的。
遠東國際軍事法庭最後判策劃成立滿洲國嘅板垣征四郎死刑、一樣係策劃成立滿洲國嘅南次郎同操縱滿洲國嘅小磯國昭無期徒刑。1963年3月30號、1964年12月12號同1966年3月29號，中華人民共和國全國人民代表大會常務委員會合共三次通過《全國人民代表大會常務委員會關於特赦確實改惡從善的蔣介石集團、偽滿洲國和偽蒙疆自治政府的戰爭罪犯的決定》。