特拉普提派
|
| |
|---|---|
| 宗教/語言 | 猶太教、經典、制度、一神論 · 希伯來文、亞拉米文 |
| 重要典籍與文獻 | 塔納赫(妥拉、先知書、聖錄)、塔木德、米德拉什、拉比文獻、其他文獻、613條誡律 |
| 派系(古代) | 撒都該人、法利賽人、奮銳黨人、艾賽尼人、特拉普提派、卡拉派 |
| 派系(現代) | 正統派、保守派、改革派、重建派、世俗猶太人 |
| 猶太教思想 | 猶太教神秘主義、默卡巴神秘主義、喀巴拉 |
| 歷史 | 歷史年表、古代、拉比時期、中世紀、現代 |
| 先祖 | 亞伯拉罕、以撒、雅各、約瑟、十二支派、摩西、大衛、所羅門 |
| 曆法/節日 | 猶太曆、逾越節、除酵節、歲首節、贖罪日、住棚節、妥拉節、修殿節、摩西誕辰日、普珥節、舍巴特節、安息日、大屠殺記念日、奧默爾節、耶路撒冷節、七七節、悲哀日、新月節 |
| 猶太聖地 | 耶路撒冷、馬薩達 |
| 重要事件 | 馬卡比起義、猶太人大屠殺、以色列國成立、反猶主義 |
| 現代宗教運動 | 錫安主義 |
特拉普提派(Therapeutae)又有人叫佢做“治癒者派”，而另有一個以女性成員為主嘅分派叫 "Therapeutridae"，係一個同艾賽尼派好相似嘅猶太教苦修派系，但成員就以社會上層人士為主。關於呢個派系嘅資料其實好有限，大都係嚟自一本叫做《論冥想生活》(亦有譯《論默念沉思生活》)"On the contemplative life"嘅書，作者係斐洛(Philo Judeaus)，但係喺斐洛寫呢本書嘅時候，呢一派已經沒落咗。
簡介
[編輯]呢一派嘅起源已經無辦法查証，但一般認為特拉普提派係喺1世紀時活躍喺埃及亞歷山大城郊，呢派人嘅生活方式同紀律都好嚴，佢地認為只要一入咗社團之後就唔再屬於呢個世界，而且要將全部財產都交晒出嚟。
佢哋視智慧為主要尋求目標，而每一日做嘅嘢就係祈禱同研究《妥拉》，因為佢哋認為《妥拉》嘅文字入面隱含住一啲潛藏嘅訊息同符號，只要努力探索就可以喺入面發掘出一啲秘密教條同靈意。
生活
[編輯]佢哋每一日嘅生活就係自己一班社團嘅人圍內互相照顧，雖然佢哋住埋一齊，不過大家都唔會干擾各自嘅生活，而且各自都有自己獨立一間房，每一間房入面都有一個祈禱同學習嘅聖所，用嚟做精神修煉。
一個禮拜六日入面，佢哋各自單獨生活，所有涉及身體嘅事，都要摸黑進行，禁酒禁肉不特止，好多人都係每兩日先食一餐，有啲重一個禮拜只食一餐。而喺每個安息日佢哋都會坐埋一齊食嘢，然後聽一啲派系入面比較資深嘅成員宣道。
神聖數字
[編輯]特拉普提派相信7同7嘅平方，重有50 都係一個好神聖嘅數字，所以每 50 日就會通宵唱聖詩、講道同共餐，之後守夜祈禱
影響
[編輯]特拉普提派同艾賽尼派嘅苦修方式，同埋佢哋嘅社團同修道院組織形式，都喺之後嘅基督教修道院系統嘅原型。
參考
[編輯]- 猶太教小辭典 -上海辭書出版社 ISBN 753261241