住棚節

出自維基百科,自由嘅百科全書

呢篇文係
猶太文明
系列一部分

   
宗教/語言
猶太教經典制度一神論
希伯來文亞拉米文
重要典籍與文獻
塔納赫(妥拉先知書聖錄)、
塔木德米德拉什拉比文獻
其他文獻613條誡律
派系(古代)
撒都該人法利賽人奮銳黨人
艾賽尼人特拉普提派卡拉派
派系(現代)
正統派保守派改革派
重建派世俗猶太人
猶太教思想
猶太教神秘主義默卡巴神秘主義
喀巴拉
歷史
歷史年表古代拉比時期
中世紀現代
先祖
亞伯拉罕以撒雅各約瑟
十二支派摩西大衛所羅門
曆法/節日
猶太曆逾越節除酵節
歲首節贖罪日住棚節
妥拉節修殿節摩西誕辰日
普珥節舍巴特節安息日
大屠殺記念日奧默爾節
耶路撒冷節七七節
悲哀日新月節
猶太聖地
耶路撒冷馬薩達
重要事件
馬卡比起義猶太人大屠殺
以色列國成立反猶主義
現代宗教運動
錫安主義
      

住棚節(Sukkot,希伯來文:[סוכות]或者[סֻכּוֹת]、sukkōt),又可以叫做「收藏節」、「結廬節」(Feast of Tabernacles、Tabernacles或者 the Feast of Ingathering),係猶太教三大朝聖節日1之一。每年猶太曆提斯利月第15日開始,慶祝七日。

來歷[編輯]

Sukkot 喺希伯來話嘅意思,係指臨時棚舍或者屋仔。根據猶太教經典塔納赫利未記23:41-42所記載:『每年七月間、要向耶和華守這節七日。這為你們世世代代永遠的定例。你們要住在棚裡七日。凡以色列家的人、都要住在棚裡』[1]所以喺呢個節日入面,猶太人會搭建臨時棚舍或者屋仔,然後住喺入面。

呢個節日最初係個農業節,用來喺收成時感謝上帝,後來喺以色列人搬咗去迦南之後,就變成紀念摩西出埃及後曾喺西奈曠野住帳篷四十年。

慶祝[編輯]

棚舍

喺古時,住棚節第一日佢哋會帶埋收成嘅穀物、生果或者牲畜,載歌載舞咁去到耶路撒冷聖殿朝聖。而第二日就會着返件潔白嘅服裝,拎住啲棕櫚葉同楊柳技,一路唱歌一路跳舞,到夜晚重會拎埋火把出嚟助興。而到咗最後日一,就會舉行求雨儀式,由老人家不斷咁祈禱,而後生仔同細路仔就會喺田野度唱歌跳舞,祈求上帝喺之後一年會有雨落,如果咁啱即時有雨嘅話,咁氣氛就會更加高漲。

後嚟以色列人經歷咗出埃及,搬返去迦南住之後,呢日就變成記念摩西出埃及後喺西奈曠野要住喺帳篷嗰四十年。佢哋會根據利未記23:41-42所講,係一個臨時棚舍入面住七日,《密什那》2對呢個棚舍有規定:棚舍唔可以搭喺室內或者屋簷下面,只可以搭喺空曠嘅地方。棚舍最小有兩面完整嘅牆壁,第三面唔可以完整。棚舍可以用石頭、木或者金屬加篷布搭成,棚頂要用植物枝葉搭,例如葡萄葉、無花果葉、松樹葉、毛竹葉咁,唔可以鋪得太厚,亦唔可以太薄,日頭要遮到太陽,夜晚又要睇到星星。

男人喺住棚節嗰陣,無論食同住都要喺個棚舍入面,而且只食麵,至於女人同細路,就可以自己決定住唔住棚,但如果天氣太過惡劣,就唔理男女老少都可以唔使住棚。

而家以色列[編輯]

而家喺以色列,就快到住棚節時,政府就會搵人去修剪樹木,將剪落嚟嘅樹技派畀人民,等啲人可以用嚟搭棚,啲棚舍通常搭得好唔穩陣,除非打風落雨,否則多數人都會喺個棚度住。

而喺住棚節第一日,猶太教會堂都會有特別嘅慶祝儀式,佢哋會喺猶太教會堂一齊吟誦《頌讚詩篇》,即係塔納赫入面嘅《詩篇》第111-118篇,呢個亦係猶太教用嚟感激上帝嘅儀式。

[編輯]

參考[編輯]

  1. 和合本舊約聖經