摩西

摩西

摩西（希伯來文：מֹשֶׁה‎，羅馬拼音：^現代 Moshe、^Tiberian Mōšeh；古希臘文：Mωϋσῆς；阿拉伯文：موسىٰ‎，羅馬拼音：Mūsa；英文：Moses），天主教叫梅瑟，景教叫牟世法王，係希伯來聖經之中，一位宗敎領袖、法律制訂人以及先知。傳統上，認為五經係佢寫嘅。希伯來文中，又叫佢做 ｢我哋嘅先生（拉比）摩西｣（希伯來文：מֹשֶׁה רַבֵּנוּ‎，羅馬拼音：Moshe Rabbenu）。佢係猶太敎中，係極為重要嘅先知。基督敎同回敎等宗敎之中，都認為佢係好重要嘅先知。

根據《出埃及記》，摩西響佢族人大增嘅時候出世，埃及王驚佢哋會幫敵人手，所以就要殺晒所有族人啱啱出世嘅男仔。而摩西就響呢個時候出世，之而過去咗埃及王室屋企，避過呢劫。佢最後帶領喺埃及過住奴隸生活嘅以色列人離開埃及，到達上帝所預備嘅流奶與蜜之地—迦南地。