皇仁書院
皇仁書院（英文：Queen's College）係香港最耐歷史嘅官立中學，1862年成立，係用英文教學嘅男校，屬第一組。校訓中文係「勤有功」，拉丁文Labor Omnia Vincit。
宗旨
[編輯]皇仁書院嘅辦學宗旨，係為學生提供各方面嘅教育，目的係令到學生喺德（Moral）、智（Intellectual）、體（Physical）、群（Inter-personal）、美（Aesthetic）各方面都有卓越嘅發展。
皇仁書院嘅五大核心價值係：負責任（Responsibility）、正直（Integrity）、兄弟情（Brotherhood）、勤奮（Diligence）同埋追求卓越（Pursuit of Excellence）。
校舍
[編輯]皇仁書院校舍座落香港島中部嘅灣仔區，實際位置位於銅鑼灣天后，高士威道同埋銅鑼灣道交界，隔離係維多利亞公園同埋香港中央圖書館。校園面積達16000平方米，比香港一般中學大。
校舍嘅設施如下：
- 29個課室
- 5個實驗室
- 1個科學實驗室
- 1個生物實驗室
- 1個物理實驗室
- 2個化學實驗室
- 2個演講室
- 2個電腦室
- 多媒體學習中心
- 地理室
- 音樂室
- 美術室
- 攝影室
- 童軍室（獨立建築物，比皇仁書院現址更加早起，前身係更衣室同埋校工宿舍，現已被評為二級歷史建築物）
- 小食部
- 飯堂（由舊生會管理）
- 學生會及夜校辦事處
- 學生活動中心
- 多用途禮堂（雙層）
- 接待室
- 校務處
- 7個教員室
- 教員休息室
- 2個操場
- 3個籃球場
- 3個排球場
- 圖書館
- 天文房
- 大草坪
- 花園（叫「曉陽閣」）
- 健身室（可以用作羽毛球或排球場）
- 會客室
校長
[編輯]- 史釗域博士（Dr. Federick Stewart，1862年 - 1881年）
- 胡禮博士（Dr. G.H. Bateson Wright，1881年 - 1909年）
- 狄烈先生（Mr. T.K. Dealy，1909年 - 1918年）
- 丹拿先生（Mr. Bertram Tanner，1918年 - 1925年）
- 古祿先生（Mr. Alfred Herbert Crook，1925年 - 1930年）
- 狄隆先生（Mr. Francis John de Rome，1930年 - 1939年）
- 干拿先生（Mr. M. G. John Connor，1939年 - 1941年）
- 啓先生（Mr. Kay，1941年 - 1947年，代理校長）
- 威廉臣先生（Mr. H.N. Williamson，1947年 - 1961年）
- 張經柏先生（1961年 - 1964年，第一個中國籍校長）
- 金寶鐘先生（Mr. F.C. Gamble，1964年 - 1965年）
- 司徒莊先生（Mr. J. Stokes，1965年 - 1970年）
- 黃勵文先生（1970年 - 1973年）
- 鄭旭寧先生（1973年 - 1976年）
- 榮德淵先生（1976年 - 1982年）
- 趙東成先生（1982年 - 1987年）
- 江紹忠先生（1987年 - 1994年）
- 李家鴻先生（1994年 - 2000年）
- 張林麗瓊女士（2000年 - 2003年）
- 李樂然先生（2003年 - 2013年）
- 李瑞華女士（2013年 -2018年 ）
- 梁路得女士（2018年 - ）
學生會
[編輯]學校每年都會選學生會，由同學自行組黨，以12人做一個黨。喺開學嘅時候學生會候選黨派就已經會宣傳，到9月尾就會由全部同學投票揀年度嘅學生會。
社
[編輯]皇仁書院而家有8個社，分別係Crook、Dealy、De Rome、Kay、Stewart、Tanner、Williamson、Wright。社制度係由歷任校長威廉臣先生推出，當時最初Williamson House係School House。
活動同成就
[編輯]校刊
[編輯]皇仁書院校刊係《黃龍報》，已經有好多年歷史，主要講有關皇仁書院嘅學會、社、校政、成績、學生作品、校友的話、活動等等。145週年校慶嘅《黃龍報》（第102冊）更重到1公斤。
重有《校訊》、《文苑》、《快訊》（皇仁書院家長教師會）、《匯聲》（皇仁書院學生會）、《前驅》（公民教育組）、《輔導之星》（輔導組）、《曙光》（升學及就業輔導組）、《性言篇》（性教育組）、《健訊》（健康教育組）。
舊生
[編輯]- 軍政界
- 孫中山：辛亥革命重要領袖，滿清皇朝推翻者，中華民國臨時大總統，稱「國父」、「革命的先行者」。
- 廖仲凱（廖仲愷）：革命領袖，國民黨中央執行委員會委員，歷任外交部長、國防部長、財政部長、勞工部長。何香凝老公。
- 唐紹儀：早期留美幼童，中華民國第一任總理，外交部長，山東大學校長。
- 周壽臣：早期留美幼童，喺朝鮮任袁世凱幕僚。天津招商局總辦、京奉鐵路總辦及清外交部大臣，官至二品。後任立法局議員、首位華人行政局非官守議員，並獲授封為爵士。
- 霍英東：中華人民共和國全國人民政治協商會議副主席，國家領導人。
- 許仕仁：前香港特別行政區政務司司長。
- 黃仁龍：香港特別行政區律政司司長。
- 梁智鴻：香港特別行政區行政會議成員。
- 周一嶽：前香港特別行政區衛生福利及食物局局長。
- 郭國全：香港特別行政區政府經濟師，前渣打銀行東亞區首席經濟師。
- 湯家驊：前香港立法會議員，「四十五條關注組」成員，前大律師公會主席。
- 林煥光：前香港特別行政區行政長官辦公室主任。
- 黎慶寧：前香港特別行政區保安局局長。
- 鄺其志：前香港特別行政區庫務局局長。
- 許淇安：前香港警務處處長。
- 司徒華：前香港立法會議員，支聯會主席。
- 蔣濛：美國國務院科技顧問，普渡大學工程學院院長。
- 何君堯 （喺2020年因言行不當而被褫奪皇仁書院舊生會會員資格）
- 商界
- 何東：香港望族，太平紳士，怡和洋行華籍總經理、企業家、慈善家
- 何啟：知識份子，第一位獲港英政府封為爵士嘅華人，香港西醫書院（香港大學前身）及雅麗氏醫院創辦人，實業家，立法局非官守議員
- 何福：商人同慈善家
- 何甘棠：何東細佬，商人同慈善家
- 利希慎：利氏家族創始人，向英資怡和洋行買得渣甸山，發展成為利園，為利氏家族奠下「地產王國」基礎
- 簡東浦：銀行家，創辦東亞銀行
- 律敦治：創辦律敦治醫院，有「防癆先生」之稱，投資過啤酒廠，立法局議員
- 謝纘泰：創辦南華早報
- 劉鑄伯：創辦香港中華總商會
- 霍英東：商人同愛國人士，中國人民政治協商會議第八、九、十屆全國委員會副主席，香港中華總商會永遠名譽會長，皇仁書院舊生會永遠榮譽主席
- 何鴻燊：港澳商人，澳門首富，有「澳門賭王」之稱，信德集團有限公司行政主席兼執行董事，香港地產建設商會會長
- 陳坤耀：經濟學家，香港嶺南大學前校長
- 沈祖堯：香港中文大學醫學院副院長，喺領導醫護人員應付2003年「非典型肺炎」一役中表現廣受好評
- 袁國勇：香港大學醫學院微生物學學系系主任，2003年「非典型肺炎」危機中另一有卓越貢獻的人物
- 思想文化傳媒界
- 黃文山（黃凌霜）：民初社會學家同無政府主義者，1919年「五四運動」北京大學學生領袖，同共產黨關係密切，去過莫斯科會見革命領袖列寧
- 蘇曼殊：詩僧、翻譯家同革命家
- 吳漢源（畢華流）：作家同遊戲家
- 胡國賢（羈魂）：詩人
- 鄧樹榮：劇場人
- 陳炳釗：劇場人，前進進劇團藝術總監，導演《飛吧！臨流鳥，飛吧！》（1997）及《飛吧！臨流鳥，飛吧！消失的翅膀》（2007）
知多啲
[編輯]- 1981-1982年度，黃仁龍係訓導組總領袖生（Head Discipline Prefect）。佢亦係前丹拿社社長
參考
[編輯]- 黃龍報102冊
- 皇仁書院中一07-08綜合人文科Worksheet
考察地方
[編輯]- 皇仁書院
- 中央圖書館 展覽廳（150校慶）