以斯帖記
(由艾斯德爾傳跳轉過嚟)
《以斯帖記》係《舊約聖經》嘅歷史書，天主教譯做《艾斯德爾傳》，講述一位猶太婦女嫁畀外邦國王之後，保護同胞嘅故事。
簡介
[編輯]作者：末底改（天主教譯摩爾德開）
日期：公元前470年
地點：波斯皇宮
以斯帖記嘅故事發生喺波斯皇宮度。成個故事以猶太女子以斯帖做中心。由於勇敢同愛同胞嘅心，以斯帖救本國人民脫離仇國殺戮。呢卷書解釋猶太人普珥節嘅歷史同背景。
提要
[編輯]- 以斯帖被按立為皇后（1章1節-2章23節）
- 哈曼嘅陰謀（3章1節-5章14節）
- 哈曼伏刑（6章1節-7章10節）
- 猶太人擊敗仇敵（8章1節-10章3節）
唔同版本嘅差別
[編輯]七十士譯本嘅以斯帖記有大量希伯來文版冇嘅經文，內容包括國王詔書嘅內容等等，爾啲額外內容喺基督宗教被視為次經，稱為 ｢補錄｣，早期嘅拉丁文譯本擺嗮佢哋喺卷尾，但係現代嘅天主教譯本就將佢哋獨立成章，按照七十士本嘅原次序分散嵌入其他章入面[1]，分別叫做補錄甲（Chapter A；嵌入第1章頭）、乙（嵌入第3章尾）、丙、丁（嵌入第4章尾）、戊（嵌入第8章中間12–13節之間）同己（嵌入第10章尾），基督新教嘅譯本就通常冇爾啲內容。
攷
[編輯]- ↑ 〈艾斯德爾傳引言〉. 《聖經》。思高本。香港：思高聖經學會。2000年11月 [1968年12月]。頁 709。