茲亞德·法扎赫

茲亞德·法扎赫（阿拉伯文：زياد فصاح‎；1954年6月10號—）係利比里亞籍嘅黎巴嫩人，喺利比里亞蒙羅維亞出世。法扎赫話佢自己識講59種話同埋喺幾個電視節目喥表演佢嘅語言天分，重表明佢「成功咁」同好多講唔同母語嘅人溝通過嚟

直到喺1998年出版嘅健力士世界紀錄大全，法扎赫一直都被列為識講同睇58種話，但係唯一嘅證據就係佢响1991年7月喺雅典做過嘅一個訪問。

但係，法扎赫喺一個叫《星期一萬歲》（Viva el lunes）嘅智利電視節目喥徹徹底底咁爆咗煲，暴露咗佢連初級嘅芬蘭語、俄語、中文、波斯語、希臘語同印度語都一無所知。當佢畀人用俄文問「今日係禮拜幾吖？」（俄語：Какой сегодня день недели?），法扎赫唔單止口啞啞唔識答，之後自我辯護嗰陣重將俄文同克羅地亞話撈亂，話人哋用克羅地亞話問佢呢個問題唔公平。

法扎赫話佢自己識講同睇下面呢58種話：

阿爾巴尼亞話、阿姆哈拉話、阿剌伯話、亞美尼亞語、阿塞拜疆語、俾路支語、孟加拉語、保加利亞話、緬甸話、廣府話、捷克話、丹麥話、荷蘭話、宗喀語、英文、芬蘭語、法國話、Fuchin、德文、希臘語、匈牙利語、冰島語、印尼語、意大利話、日文、高棉語、韓文、柯爾克孜語、老撾語 、馬來話、官話、蒙古語、尼泊爾語、挪威語、普什圖語、帕皮阿門托語、波斯語、波蘭話、葡萄牙話、羅馬尼亞話、俄文、塞爾維亞-克羅地亞話、吳語、僧伽羅語、西班牙話、藏語、斯瓦希里語、瑞典話、塔吉克話、泰文、土耳其話、烏爾都話、烏茲別克語同越南話。

出面網頁

• Scapin, Rafael。〈齊亞德·法扎赫：世上獨一無二嘅多語人〉。原著喺2007年9月27號歸檔。喺2007年11月12號搵到。 （葡萄牙文） - 由一篇喺法扎赫出版嘅書叫《西班牙話教學》（Ensinando a Aprender Espanhol）取錄嘅文章。
• 〈第一身：齊亞德·法扎赫〉。《金融時報》。喺2008年6月21號搵到。 （英文）
• 〈齊亞德·法扎赫喺智利《星期一萬歲》嘅電視節目〉。《《星期一萬歲》，《第十三號台》》。喺2009年9月10號搵到。 （西班牙文）
• 〈齊亞德·法扎赫喺《YouTube》嘅頻道〉。《《YouTube》》。喺2011年3月24號搵到。 （英文）