郝海東
 | 呢篇文側重咗喺部分見解、事件或爭議。 |
 |
郝海東（英文：Hao Haidong，1970年5月9號—）係山東青島人，中華人民共和國退役足球員，曾經效力於八一同大連實德兩間足球會，亦曾經多次入選中國國家男子足球隊。現居西班牙[1]。
美東時間2020年6月3號（北京時間2020年6月4號），郝海東喺互聯網發表「新中國聯邦宣言」，隨後喺中國大陸畀全網封殺[2][3]。
宣布成立「新中國聯邦」
[編輯]2020年，郝海東因被指支持方方而陷入輿論戰[4]。同年6月4號，根據德國之聲報導，郝海東喺當日同「爆料革命」發起者郭文貴同美國白宮前戰略顧問班農等共同宣布成立「新中國聯邦」，同時郝海東宣讀咗「新中國聯邦宣言」並聲稱要「消滅中共」。截至德國之聲發稿嘅時候，郝海東嘅新浪微博賬戶遭到封號[5]。另有兩家中國大陸媒體虎撲同《體壇週報》喺當日譴責郝海東發表嚴重損害中國主權嘅言論，並由即日起禁止報導同討論一切有關郝海東嘅內容[6]。佢個仔郝潤澤嘅微博亦因為有大量網民留言「太子殿下」、「聯邦太子」等稱呼後同樣畀封殺[7]。另有媒體報導稱，郝潤澤任職後衛嘅尼什拉德尼奇基足球會喺單嘢發生後冇幾耐就將佢炒[8]。郝海東同老婆葉釗穎喺六月中接受香港蘋果日報專訪，談及自己要成立「新中國聯邦」嘅原因，係其喺2019年10月到香港旅遊時目睹反送中運動，睇到數以萬計嘅香港人有序遊行，就遭到港府同中共打擊，就好似六四事件重演，令其悲憤不已，因而決意同中共決裂。法國國際廣播電台亦對郝海東接受港媒專訪進行咗報導[9]。
個人榮譽
[編輯]郝海東曾被評為1998年「中國足球先生」。
參考
[編輯]- ↑ 〈中国退休足球名将郝海东‧号召推翻中共微博被封号〉。www.sinchew.com.my。喺2021-08-02搵到。
- ↑ 〈中国足球名将郝海东六四之日挑战中共〉。《RFI - 法国国际广播电台》 (簡體中文)。2020-06-04。喺2021-08-02搵到。
- ↑ 〈倡「新中國聯邦」 前國腳郝海東微博被封 - 20200605 - 要聞〉。《每日明報》。喺2021-08-02搵到。
- ↑ Welle (www.dw.com), Deutsche。〈年过半百"郝大炮"：虽千万人 吾往矣 | DW | 09.05.2020〉。DW.COM (中國中文)。喺2021-08-02搵到。
- ↑ (www.dw.com), Deutsche Welle。〈六四当天郝海东宣读"新中国"成立宣言 | DW | 04.06.2020〉。DW.COM (中文)。喺2021-08-02搵到。
- ↑ 多维新闻 (2020-06-04)。〈中国足球名宿郝海东涉政治言论引热议[图]｜多维新闻｜中国〉。《多维新闻》 (簡體中文)。喺2021-08-02搵到。
- ↑ 〈陸前球星起義 呼籲消滅中共〉。《台灣大紀元》 (臺灣中文)。喺2021-08-02搵到。
- ↑ 〈有內幕？中國退休足球名將郝海東宣布「滅共」後 傳兒子遭球隊解僱 | 國際〉。《新頭殼 Newtalk》 (中文)。2020-06-08。喺2021-08-02搵到。
- ↑ 〈郝海东接受港媒专访"目睹反送中运动遭到打击犹如六四令人悲愤"〉。《RFI - 法国国际广播电台》 (簡體中文)。2020-06-20。喺2021-08-02搵到。