定向

  想搵幾何學上講嘅定向嘅話，請睇定向 (幾何學)。

萬國定向標誌

定向（orienteering，簡稱 O），原本叫野外定向，係一類體育活動，係種尋寶遊戲，玩家要識搵路（navigation）技巧，曉用地圖同指南針，由一點去到另一點。通常玩嘅地方，玩家都係唔熟路，唔熟個地形。玩嗰陣，玩家會收到一張特製嘅地圖，叫定向圖，圖上有好多控制點。定向原本係訓練軍官用，用來練習響地上便搵路，之後就發展到有好多款。最耐，最多人玩嘅，就當然係行路定向（foot orienteering），其他玩法都係由佢而來，規則同型式只係稍稍改下，大同小異。基本來講，任何用地圖搵路，計時嘅比賽，都叫定向。定向有一系列嘅世界賽，包括世界運動會（World Games）。

早期嘅定向運動多數喺郊野地方玩，所以叫野外定向，後尾發展到喺市區甚至室內地方都玩得，呢一類玩法又叫城市定向。

定向運動

爬山單車定向

定向可以同唔交通方法夾，變成唔同向玩法。呢啲變法有各自架生同策畧，有一啲特定嘅比賽規則，亦有比賽路綫設計亦有唔同。

• 行路定向（Foot orienteering）
• 單車定向（Mountain bike orienteering）
• 滑電定向（Ski orienteering）
• 沿徑定向（Trail orienteering）
• 無綫電定向（Radio orienteering）（，包括fox Oring）
• 獨木舟定向（Canoe orienteering）
• 騎定向（Mounted orienteering）
• 耐力定向（Rogaining）
• Adventure racing
• Fell running (including mountain marathon)

機構

世界

世界層面，有萬國定向總會（International Orienteering Federation，簡寫IOF），負責定例同指引，亦管四類賽事，即行路定向、單車定向、滑雪定向同傷健定向。 個會總部喺芬蘭，主力發展定向運動，促進定向發展同埋搞有吸引力嘅賽事。一九七七年起，個會亦係IOC認可。

各國

睇埋：International Orienteering Federation Members

多國都有負責定向嘅機構，負責該國定例。好似英國定向總會就係負責英國咁，佢下便有十三個成員組織。

地區

一國之內可能有分區組織。佢哋通常唔會定例，但會喺區內協調各會，例如等佢哋賽事唔會撞期。

地方

定向會通常限喺自己地方，係自國組識屬會。好多會都會將賽事公開畀人玩。會亦都會搞練習、訓練、同社交活動。公開會係任何人都參加得，並無限邊個先參加得。而團體會通常限會員同某個團體有關，例如英軍定向會（BAOC，British Army Orienteering Club） 就只係主要畀英軍人員參加。

相關運動

• 萬國耐力定向總會負責耐力定向（rogaining） 。
• 美國同歐洲有唔同機構搞騎定向（Mounted orienteering）
• 萬國業餘無綫電同盟（International Amateur Radio Union）負責搞無綫電定向（amateur radio direction finding）。

術語同變化

世界定向術語通用英文，但英文國之間都有啲唔同，如下表。

總會	英國	美國
event		meet
competition		race
control description list	control description sheet	clue sheet
[control] flag	banner/flag/kite
[course] planner		[course] setter
[event] controller		[event] checker

史

内文：定向史

定向係由瑞典來，源自19世紀。定向個名，orienteering，喺1886年第一次用，指靠地圖同指南針，穿過未知嘅地方。 喺瑞典，最初係地上軍事訓練，變成軍官比賽，再流入民間。去到1897年，響挪威搞咗第一次公開賽。

最初嘅定向賽，地點都係揀啲靚嘅地方，有天然，有人工。瑞典1901年第一次公開賽，就揀咗兩間古老嘅敎堂，Spånga kyrka 同埋Bromma kyrka （圓敎堂，round church） 。

2007年烏克蘭基輔搞嘅世界定向錦標賽。中途賽事冠軍，瑞士嘅Simone Niggli-Luder同埋法國嘅Thierry Gueorgiou

定向喺1930年代開始流行，原因係當時指南針平得來又夠可靠。1934年，有過廿五萬人玩定向，而且重傳到去芬蘭、瑞士、蘇聯同匈牙利。第二次世界大戰之後，定向傳透成個歐洲，現去到亞洲、北美洲同有大洋洲。1959年喺瑞典，就開咗個會，當時有十二國代表，奧地利、保加利亞、捷克斯洛伐克、丹麥、芬蘭、東德、西德、匈牙利、挪威、瑞典、瑞士同南斯拉夫。1961年，十國歐洲代表，立咗個萬國定向總會。個會亦幫各國開屬會。2006年計，有67國總會係成員。呢啲總會搞自國同世界各項錦標賽。2003年之前錦標賽係兩年一屆，當年起一年一屆。

呢段時間，定向始終喺瑞典內至多人玩。兩個最古老嘅賽事，可以追到去1940年代。1965年來，至大嘅定向賽，每年都有搞，近年有萬五人參加。（睇埋Jukola relay、 Tiomila同埋O-Ringen）。

比賽同結果

喺控制點嘅定向賽員

基本

比賽係用比試玩家搵路技巧、專注力、同埋走得幾快。大師級係體能、走速都有好高要求。為咗公平起見，玩嘅人係開始比賽先有定向圖，同組嘅人係出發至少隔一分鐘 。

每程嘅目標，係跟住控制點之間最快嘅路。最快嘅路，唔一定係最短嘅路，同揀路好有關係。

地圖

定向圖

詳細咁睇定向圖，路綫係印紫綫加喺原圖之上

定向賽會用預先特制嘅定向圖。圖係地形圖，但比一般圖更加詳細。圖比例為一比萬五或者一比一萬。格綫係跟磁北。圖例有定萬國定向總會所訂，例嘅符號係設計到，唔同文化背景同母語嘅都讀得明。

路綫

路綫標喺定向圖一例

定向賽事係畀有好多路綫（course），有按體格，亦有按技巧難度，畀唔同玩者嘅需要。定向路綫通常喺地圖上用紫或紅表示。三角形代表起點，孖綫圈代表終點。

年紀同性別分班

大賽係分年紀同性別比賽，男用 M（Man）表示，女用 W（Women）表示。後加數字表示實齡幾多。好似M35呢班，就係畀實齡35歲嘅男人。有時幾班會走同一條綫。例如M60好多同W50共向一條路綫，M65 同 W55都係一樣。賽果同常係由分班出。

能力而分路綫

細賽會有按能加行唔同綫。美國 同英國有用色，分開唔同難道嘅路綫。短易嘅綫畀細人或者初哥，難嘅綫要多啲技巧同體能，專畀有經驗嘅玩家。

永久路綫同其他賽事

有啲定向會有永久路綫，畀個人、會做訓練。唔標準嘅永久標記代控制點燈龍，定向圖免費派畀公眾。呢啲路綫通常喺公家地方，但唔係完全開放，例如只係開日頭。呢啲會亦都搞唔正式嘅練習實同訓練。

控制點同控制點提示表

控制點明細表（圖解）

控制點（Control point）係放喺地圖上嘅一點，佢嘅地理特徵，好清楚咁到地面實境嘅對應到。控制點當地，會放咗個橙白燈籠。賽員會收到控制點提示表（Control description sheet），上便有提示控制點，實際係放正喺邊個位。例如，放喺一嚿五米高嘅大石嘅北便。提示用符號表示，由萬國定向總會發出，叫標準控制點提示（IOF Control descriptions）。

控制咭同釘窿

玩嘅人一定帶住張控制咭，喺起點，出發前要交畀人檢查，過終點，要交返出來。賽員到咗控制點，會喺咭度做記認，以示到咗同到啱。通常控制點有專門嘅釘窿機，亦有打印仔。之不過家下大賽有電子釘窿代替。

賽果

比賽通常係鬥快，邊個快邊個贏。之不過亦有其他計分法，例如奪分賽事同Trail-O。賽果好少即日計好，之不過會有臨時賽果。唔少賽事會將即晚賽果草稿放上網，幾日後會公告作實嘅結果。有埋電子釘窿，賽果可以去細到去，控制點到控制點之間嘅分段時間，用埋電腦軟件，可以造埋進度圖（Progressograph）。

安全

玩嘅人要顧自己安全。家下無規則點做，但有指引要跟住做。最基本係對咭尾（stub check）。賽員喺起點交出自己咭尾，到終點連控制咭都交埋。賽事職員會對下咭尾，睇下有無人唔見咗。有咗電子釘窿，職員可以拎個「未完成」（did not finish）報告。所有賽員無論玩唔玩得晒，都一定要去終點報到。

個人衣着

萬國定向總會例第廿一條，着乜衫比賽係放返畀各國機構。 例如英國例第7.1.1條，就要求全身連腳都要包實。有啲搞手機構會畀某類比賽着短褲，例如公園定向同街道定向咁。

早期標準係着運動衫，即係短褲加背心，喺草木多嘅地方比賽，無乜保護。之後就改為用尼龍做，輕身，專門用來跑定向嘅全身套裝。初頭定向衫都係啞色，但家下就主以多色為主。有啲定向會成訂做定向衫，有自己會嘅色，有自己會名。有啲賽員中意著拉架（lycra）緊身褲。有時重會着腳套（Gaiters）。定向鞋會比較輕身，底亦都有突釘方便通山走。

個人架生

指公指南針同量角指南針

玩定向基本架生有指南針，同埋戶外衣着。有啲地方，例如英國會要人為安全帶哨子。

有啲架生係專畀賽事用：

• 指公指南針（thumb compass），或者有短手繩嘅量角指南針（protractor compass）。
• 圖套用來護住張圖。
• 透明膠袖，戴喺前臂，用來揸住控制點明細。
• 護鏡護住對眼。
• 地圖板，有固定喺手柄，戴喺前臂，亦有掛帶放喺心口度（只係畀單車定向、滑雪定向同無綫電定向）。

另有例禁人用全球定位儀同其他電子搵路儀器，之不過無電綫定向有啲賽事會畀用。

• 
  無綫電定向員將地圖版放喺前臂
• 
  滑雪定向賽員，地圖掛喺心口度
• 
  單車定向賽員將地圖版定喺單車手柄

比賽形式

接力賽啱啱交接

傳統

傳統定向通常叫越野式。控制點係跟次序咁行，邊個走得快邊個贏。路綫通常係設計到最快路綫，但又唔係喺地圖，或者就咁行，一眼睇得出嘅路綫。

接力

接力賽係一隊賽員，個個都有份行條路綫，結果係隊嘅總時間決定。接力賽通常成批出發，而唔係逐個來。為咗減少賽員跟人，會有幾條並行嘅路綫。例如一隊三人，就有三條路綫，一人一條。為咗唔想人跟，邊隊行邊條先、邊條後都係唔同，例如甲乙丙三綫，次序可以係甲乙丙，乙丙甲，丙甲乙。有啲大賽，路綫交錯，交點有共用控制點。呢啲路綫，亦可以一條分兩段，原本三次，甲乙丙同子丑寅。每隊一定要走勻六段，但賽員可以有九種選擇，即甲子、甲丑、甲寅、乙子、乙丑、乙寅、丙子、丙丑、丙寅。

奪分

奪分玩法係定時之內，去越多控制點越好。呢隻玩法，係成班人一齊開始，限時完成。控制點可能按難度有唔同分數，每遲一分鐘就扣一啲分。邊個最多分邊個贏。

有款奪分式定向，叫耐力定向（rogaine），通常玩足廿四個鐘，要求玩家要有耐力。玩嘅範圍好大，地圖比例細。呢種玩法來係澳洲來。佢個英文名rogaine，係最早三個玩家Rod、Gail、同Neil Philips嘅名夾成，家下官方解做Rugged Outdoor Group Activity Involving Navigation and Endurance，即係粗放式戶外羣組活動，要搵路同耐力。

短走

伊斯坦保五日賽中，中間嘅短走賽

短走賽事，通常都喺市內公園或者市區地點。地圖比例大到去一比五千或四千。控制點放喺市區公園有嘅嘢度，好似長櫈、垃圾桶、雕像等。

夜賽

夜賽時，賽員會帶頭橙。控制點亦會用反光料，比賽策略由精確搵路變成搵嘢。賽員去到控制點就近，用燈掃射搵標誌。如果入黑前就開始，就會一齊出發，等大家都光暗時段都公平。兩個傳統會賽，Tiomila同Jukola，都包括有夜行。全程廿四個鐘嘅耐力定向，以及其他夜行定向，係唔理入夜唔入夜，賽員係可以揀唔休息。

跟繩

有種玩法係要賽員根住條繩，記低沿有乜嘢。呢款定向係畀細蚊仔同初玩定向嘅人學搵嘢。

準繩

準繩定向通常唔係鬥快，而係考賽員，對到地圖同地形，對得準嘅能力。例如傷健定向係唔計時，要挑出準嘅答案。呢類重有TREC式嘅騎定向，以及密集區無綫定向（Radio Orienteering in a Compact Area ，ROCA）。佢哋會喺控制點附近放啲假點，擾亂賽員視判斷。

定向同世運會

1996年起，一直有推動定向成為世運會項目，不過未見成功，之不過2001年定向就咗世界運動會（World Games）項目，亦都係夏季聾人世運會（Deaflympics）項目。支持者都知，定向喺電視同觀眾來無咁吸引。比賽地點離市區遠，時間長過其他比賽好多。近來努力發展一啲啱世運會嘅項目，好似公園定向、微型定向同短途接力。短走定向最有望加入世運會，可以觀賞，亦越來越來受歡迎。芝加高定向會（Chicago Orienteering club），定向有望加入世運會。

滑雪定向賽員

1998年，日本名古屋搞嘅第十八屆冬季世運會，菅平滑雪場雖則無相關嘅官方示範運動，之但係相關嘅萬國文化節，就有滑雪定向。萬國定向總會曾經2002年向世運會委員會申請將滑雪定向加入2006年冬季世運會，佢可以同冬季雙項（Biathlon）用埋同一場地。 之不過唔成功，因為委員會認為個活動大集中喺北歐各國，而觀眾同評述員要跟個活動有啲困難，亦要成本去搞新技術同賽果系統。2005年，委員會檢討賽事項目，證實將滑雪定向放入2014年各季世運會考慮之列。之不過，2006年11月28號，就決定唔會加任何新項目。

睇埋

• 指南針
• 越野跑
• 尋寶遊戲

出面網頁

• International Orienteering Federation
• YouTube.com: Orienteering, USOF style
• Video: News package of an orienteering race from The Philadelphia Inquirer