預設模式網絡
預設模式網絡（粵拼：jyu6 cit3 mou4 sik1 mong5 lok6；英文：default mode network，DMN），又有叫反作業網絡（task-negative network），喺神經科學上係指一個大規模腦網絡[1][2]。呢個網絡包含多個腦區，而根據神經科學上嘅研究，預設模式網絡會喺幾個情況下最活躍[1][3]：
- 當個人醒緊、但冇特別話做緊乜嘢要求專注嘅工作嗰陣，例如個人可能發緊白日夢，個腦處於閒置狀態（「個腦處於預設模式」），而當個人開始集中精神做一個作業嗰時，預設模式網絡好多時活躍程度會下降[4][5]；
- 當個人諗緊自己（尤其係諗有關自己過去嘅記憶）或者其他人嗰陣[6]；
- 當個人回想緊過去或者計劃緊未來嗰陣[7]。
有證據顯示，DMN 異常同腦退化（Alzheimer's）以及自閉症譜系（autism spectrum disorders）有關[3]。
相關腦區[編輯]
預設模式網絡係一個大型嘅腦網絡，包含多個腦區[8]：
同諗自己相關[編輯]
- 後帶狀皮層（posterior cingulate cortex，PCC）同楔前部（precuneus）：負責將由下至上（bottom-up）嘅訊息結合落去記憶同感知嚟嘅訊息嗰度；腹側後帶狀皮層喺任何預設模式網絡嘅作業當中都會啟動，而背側後帶狀皮層就同意識比較有關。
- 中部前額皮層（medial prefrontal cortex，mPFC）：做有關自己以及同自己好接近嘅人（例如屋企人）。
- 角回（angular gyrus）：會幫手回想情節記憶（episodic memory）。
背側子系統[編輯]
- 背中側前額皮層（dorsal medial prefrontal cortex）：會幫手推斷其他人嘅行動背後嘅意圖。
- 顳頂交界點（temporoparietal junction；顳葉同頂葉嘅一個交界位）：幫手做心智理論（theory of mind）嘅功能。
- 外側顳葉（lateral temporal cortex）：幫手提取有關社交嘅語義記憶（semantic memory）。
中側顳葉子系統[編輯]
- 普遍：自傳式記憶（autobiographical memory）
- 海馬體（hippocampus）：形成新嘅記憶，仲有係回想過去同想像未來。
- 後下側頂葉（posterior inferior parietal lobe，pIPL）：聽覺、視覺、同體感訊息嘅交界處。
睇埋[編輯]
攷[編輯]
- ↑ 1.0 1.1 Horn, Andreas; Ostwald, Dirk; Reisert, Marco; Blankenburg, Felix (2013). "The structural-functional connectome and the default mode network of the human brain". NeuroImage. 102: 142–151.
- ↑ Garrity, A.; Pearlson, G. D.; McKiernan, K.; Lloyd, D.; Kiehl, K. A.; Calhoun, V. D. (2007). "Aberrant default mode functional connectivity in schizophrenia". Am. J. Psychiatry. 164 (3): 450–457.
- ↑ 3.0 3.1 Buckner, R. L.; Andrews-Hanna, J. R.; Schacter, D. L. (2008). "The Brain's Default Network: Anatomy, Function, and Relevance to Disease". Annals of the New York Academy of Sciences. 1124 (1): 1–38.
- ↑ Sormaz, Mladen; Murphy, Charlotte; Wang, Hao-Ting; Hymers, Mark; Karapanagiotidis, Theodoros; Poerio, Giulia; Margulies, Daniel S.; Jefferies, Elizabeth; Smallwood, Jonathan (2018). "Default mode network can support the level of detail in experience during active task states". Proceedings of the National Academy of Sciences. 115 (37): 9318–9323.
- ↑ Fox, Michael D.; Snyder, Abraham Z.; Vincent, Justin L.; Corbetta, Maurizio; Van Essen, David C.; Raichle, Marcus E. (2005-07-05). "The human brain is intrinsically organized into dynamic, anticorrelated functional networks". Proceedings of the National Academy of Sciences of the United States of America. 102 (27): 9673–9678.
- ↑ Spreng, R. Nathan (2012-01-01). "The fallacy of a "task-negative" network". Frontiers in Psychology. 3: 145.
- ↑ Lieberman, Matthew (2 September 2016). Social. Broadway Books. p. 19.
- ↑ Andrews-Hanna, Jessica R.; Smallwood, Jonathan; Spreng, R. Nathan (2014-05-01). "The default network and self-generated thought: component processes, dynamic control, and clinical relevance". Annals of the New York Academy of Sciences. 1316 (1): 29–52.
