心靈理論

心靈理論（粵音：sam1 ling4 lei5 leon6）係心理學當中嘅一個概念，講緊人類有能力理解自己同其他人有思維、情緒、信念等嘅心理狀態，縱使呢啲心理狀態冇得直接感知。呢種認知能力係人類理解社交互動嘅基礎，亦係培養同理心同埋溝通技巧嘅重要一部份。

基本定義

人會按佢哋嘅內在心理狀態行事。舉個例：如果一個人喺某個地方搵緊一件物品，佢可能相信嗰件物品喺嗰度，而無論實際上係咪咁，呢種意識令一般人明白，其他人可能會有同自己唔同嘅信念同知識。

一個人要有心靈理論功能，先能夠理解其他人嘅行為。呢種能力令人識得預測身邊嘅人會有咩反應，亦令佢哋能夠喺溝通過程中考慮對方嘅立場同意圖。呢種能力對於處理複雜社交情境嚟講好重要。心靈理論嘅缺憾，亦被指係自閉症譜系障礙患者面對社交困難嘅主因之一。

呢篇同心理學相關嘅文係楔位文。歡迎幫維基百科擴寫佢。