香港國歌
香港一直未有自己國歌（或區歌）。香港喺正式場合需要用代表香港嘅國歌時候，就通常用宗主國或主權國嘅國歌。1997年香港主權移交後，香港成為中華人民共和國嘅特別行政區，官方開始用中國國歌《義勇軍進行曲》代表香港。2019年反逃犯條例修訂運動爆發之後，《願榮光歸香港》亦被香港民主運動同香港獨立運動嘅支持者稱為「香港國歌」。
由於香港主權移交初期，中華人民共和國未有國歌法，直至2017年10月1號到有正式法律及法定國歌（1949年9月27號全國政協第一屆全體會議通過後，中華人民共和國國歌法未正式制定前，憲法文件規定以《義勇軍進行曲》為國歌）；所以2017年10月1號起中華人民共和國國歌法施行成為全國性法律並納入香港基本法附件三後，香港政府喺2020年6月12號以本地立法實施國歌條例，明確規定香港喺正式場合中使用國歌係《義勇軍進行曲》。
歷史用過嘅國歌
[編輯]部份民間認為嘅國歌
[編輯]民間亦有一啲歌被視為非官方嘅「香港國歌」。
- 《獅子山下》，喺2003年沙士疫情期間被採用
- 《海闊天空》，喺2014年雨遮革命期間被採用
- 《願榮光歸香港》，喺2019年反逃犯條例修訂運動期間創作出並被採用。喺2022年亞洲七人欖球賽系列韓國站同埋杜拜亞洲健力賽，曾經錯誤將呢首歌當咗做香港國歌播出[1]，嗰時用Google搜尋搵「香港國歌」或「Hong Kong national anthem」係最前列嘅結果[2]。
睇埋
[編輯]註
[編輯]參考
[編輯]- ↑ "Hong Kong protest anthem played at Rugby Sevens series in Korea". The Korea Times. 2022-11-14. 喺2022-11-18搵到.
- ↑ 〈Google搜香港國歌 「願榮光」居前 專家：刪除不易〉。《網合新聞網》。2022-11-15。喺2022-11-18搵到。