黃雀行動
出自維基百科，自由嘅百科全書
黃雀行動（Operation Yellowbird）係個營救行動，協助1989年六四事件中畀中共通緝嘅異見人士，逃離中國大陸。行動總指揮係香港商人陳達鉦，另外重要人物重有羅海星等。
名[編輯]
營救行動最初無名，到1991年，岑建勳接受英國廣播公司訪問，提到中國成語「螳螂捕蟬，黃雀在後」，先至叫做「黃雀行動」[1]。
過程[編輯]
行動響1989年6月下旬開始，到1997年，香港主權移交之前結束，期間有300幾人，透過黃雀行動，逃離中國大陸[2]。
1989年6月13號，中共政府公佈，通緝以北高聯為首嘅21名民運領袖。同時，香港開始為營救呢班人，策劃行動。吾爾開希、柴玲、封從德、陳一咨、蘇曉康等由翌月起，陸續逃離中國大陸，行動由沿海城市經香港，去到海外。
1989年10月，其中兩名成員，黎沛成同李龍慶，響湛江救王軍濤同陳子明，畀中共人員逮捕同判刑，其後響陳達鉦營救下獲釋，而陳達鉦後尾亦淡出黃雀行動。
透過黃雀行動登陸香港嘅大陸人，除咗民運人士外，亦有解放軍同公安，其中一啲軍人更身懷武器抵港[3]。
註[編輯]
- ↑ 香港·“六四”後展開“黃雀營救行動”·300民運人士逃到香港，《星洲日報》，2009年5月21日
- ↑ 營救八九民運領袖 前線總指揮首次披露，《蘋果日報》，2009年5月29日
- ↑ 民運人士要剝光豬驗證 港英高層力勸黃雀核心：別走近海邊，《蘋果日報》，2009年5月22日
睇埋[編輯]
出面網站[編輯]
- 怒海孤舟——黃雀行動與我，蘋果日報2009年5月28日
- 專訪黃雀行動總指揮陳達鉦：凡有條件的中國人都會做，多維新聞網2007年6月1日
- 黄雀行動港商憶當年誤中警方圈套，美國之音2007年6月7日
