粵文維基百科

出自維基百科,自由嘅百科全書
(由Cantonese Wikipedia跳轉過來)
跳去: 定向搵嘢
Favicon of Wikipedia 粵文維基百科
Wikipedia-logo-v2-zh-yue.png
網址 http://zh-yue.wikipedia.org/
商用? 唔係
網站類型 網上百科全書計劃
註冊 任人
可用語言 廣東話粵文
擁有者 維基媒體基金會

 粵文維基百科粵拼jyut6 man4*2 wai4 gei1 baak3 fo1維基百科協作計劃嘅粵文版,由非牟利組織──維基媒體基金會2006年3月25號成立。而家粵文維基計有46,829篇文章。喺維基百科294種語言入面,用文章數量嚟計,規模排第79位,係各種唐文版本嘅第三,排響中文維基百科閩南話維基百科後邊。粵文維基排位最高去到第78位,響2016年5月中到5月底試過。

[編輯]

2006年4月表決,Cantonese Wikipedia 稱為「粵語維基百科」,Wikipedia 嘅候選名有「Wikipedia」、「維基百科」、「維奇百科」、「棫佳百科」同「域奇百科」。「維基百科」以廿五票當選,「域奇百科」得五票,「棫佳百科」得一票,「Wikipedia」〇票。Cantonese 嘅候選有「廣東話」同「粵語」,「粵語」以十九票當選,「廣東話」以十三票落選。

頭版就沿用返中文維基百科用開嘅副題「海納百川,有容乃大」。

名稱之爭[編輯]

雖然,2006年表決名稱時已決定用「粵語」,但仍尚有爭議,頭版更長期用「廣東話維基百科」一詞。喺2007年4月,有人再提用「廣東話維基百科」之稱,一番討論之後,始終無法達成共識。於2009年5月,頭版就改用「廣東話維基百科」、「廣府話維基百科」、「粵語維基百科」三者隨機顯示。

喺2013年8月,有用戶提議改名做「粵文維基百科」,理據係因為粵語係講嘅,寫出嚟嘅叫做粵文,所以粵文比粵語更貼切,重可以解決名稱爭議,後來經過討論同投票,社群大部份人同意呢個名,最後喺9月中正式改名。

域名之爭[編輯]

粵文維基百科代碼由創站開始都係「zh-yue」,但唔少網站用戶(維基友)覺得咁樣會矮化粵文,而且「zh-yue」亦唔合 ISO 639-3 提議嘅「yue」。雖然元維基同意將代碼改成yue,並且經已喺Phabricator英文Phabricator立案(睇Phabricator:T30441),但到而家都因為技術問題而未有落實呢個改變嘅時間表。

亦有部份嘅維基友想改做「can」、「jyut」或者「yud」、「yïd」。

狀況[編輯]

粵文維基百科目前計有46,829篇文,包括討論頁、跳轉頁之類就有129,083版,一共編輯咗1,068,676次。參與人手方面,粵文維基百科共有126,468個註冊戶口,其中活躍用戶有169個。主要來自香港澳門廣東,亦有來自廣西同海外,當中有8個管理員同1個事務員幫手管理成個網站。

2016年5月中,粵文維基文章數量排位一度去到第78位,係開張以嚟最高位。之前粵文維基有四次去到第79位後都跌返落嚟,分別係:2010年1月頭到1月中、2015年1月頭到8月底、2015年10月頭到11月中、2016年3月頭到3月底。不過,呢個排位響同年5月底都已經暫時失守。

編者邊度嚟[編輯]

編者邊度嚟(2014年1-3月) 來源
地方 %編輯數
Flag of the People's Republic of China.svg 中國大陸
  
53.6%
Flag of Hong Kong.svg 香港
  
35.5%
臺灣 臺灣
  
4.8%
第啲地方
  
6.1%

讀者邊度嚟[編輯]

讀者邊度嚟(2014年1-3月) 來源
地方 %瀏覽數
Flag of Hong Kong.svg 香港
  
45.5%
臺灣 臺灣
  
24.3%
Flag of the People's Republic of China.svg 中國大陸
  
11.5%
Flag of the United States.svg 美國
  
4.6%
Flag of Canada.svg 加拿大
  
2.0%
Flag of Macau.svg 澳門
  
1.7%
英國 英國
  
1.5%
馬來西亞 馬來西亞
  
1.4%
澳洲 澳洲
  
1.2%
Flag of Japan.svg 日本
  
1.0%
第啲地方
  
5.3%

里程碑[編輯]

[編輯]

睇埋:WP:答批評

成立嘅根據[編輯]

有批評認為,由於粵文維基百科同中文維基百科都係寫漢字,所以粵文維基百科無必要獨立存在。不過,隨著多個國家各種方言嘅維基百科嘅建立(其中包括多個唐文維基百科),粵文維基百科嘅存在已經有咗好多個板可以參照。亦有人認為,所謂方言只係官方重視一種語言而輕視另外一種語言嘅結果,實際無所謂嘅方言,粵文並唔係一種方言而係一種獨立嘅語言。大多數粵文維基百科嘅編者同意爾個觀點。另外有人認為,使用同一種文字並唔影響粵文維基百科獨立存在,例如多種歐洲語言都用拉丁字母,但係佢哋係獨立嘅語言。

另外考慮到無論係喺港澳定係內地粵文地區大家平時睇嘅書報都係用中華民國國語書寫,因此有人認為國語事實上更符合粵文人口嘅閱讀習慣。而由於粵文維基百科多數文唔夠中文維基百科咁充實,更加令人質疑粵文維基百科嘅實用性同必要性。更有人覺得粵文維基百科只有體現粵文獨立性嘅象徵意義。不過亦存在同一篇文嘅粵文維基百科版本比中文維基百科更好更豐富嘅情況。

粵文用字用詞[編輯]

睇埋:Wikipedia:粵語本字同埋Wikipedia:粵語用辭

有批評意見認為,粵文嘅好多常用字嘅正確寫法並未查明,有尐詞都無標準嘅寫法。爾個係粵文維基百科發展中一個客觀存在嘅問題,為咗較好噉解決呢個問題,粵文維基百科有專門嘅版面來規範字詞嘅用法。

有人認為,由於粵文書面表達同中文普通話差別唔大,粵文維基百科有尐編者有特登用口語來突顯爾種差異,例如雖然粵文入面都有食物食品爾兩個詞,但粵文維基百科情願用同普通話唔同但係又好少喺文字上見到嘅「嘢食」。對此,粵文維基百科編者回應話,維基係實用嘅工具,而且過度口語化嘅質問,喺20世紀初白話文運動嘅時候出現過好多次。

有批評意見認為粵文維基百科入面用咗太多嘅粗口字,甚至用粗口字來作為性器官嘅名,並認為爾個係粵文維基百科特有嘅現象。不過,爾個其實係對部分粵字用法嘅誤解。

繁簡爭議[編輯]

有維基用家覺得粵文維基百科淨係用深筆字,無照顧到簡筆字用家嘅需要。為此,2009年5月4號,粵文維基百科行出咗繁簡字處理嘅第一步,整咗個Javascript寫嘅架生,但係後來從2010年7月1號開始用落有問題。關於深筆字同簡筆字點樣處理重拗緊。 2013年8月有用家重新執過個架生,解決咗部分問題,並且提供源代碼同搜索結果轉換等新功能。

地域中心問題[編輯]

由於粵文維基百科嘅參與者多數係香港人,有人認為粵文維基百科好可能會出現地域中心。不過,粵文維基百科並唔拒絕香港以外地區用家嘅編輯,亦唔會將尐文改到更啱香港人嘅樣。2013年起有幾個廣東省嘅用家,持續活躍參與,加入咗唔少同廣東有關嘅內容。

參考[編輯]