中環
 |
想搵第二個意思嘅話，請睇中環 (搞清楚)。| 中環 | |
|---|---|
| Central | |
 由尖沙咀遠望中環一帶景色 | |
| 中環喺香港嘅位置 | |
| 行政區 |  香港 |
| 地區 | 香港島 |
| 區 | 中西區 |
| 時區 | 香港時間（UTC+8） |
中環（英文：Central，舊時又直譯做：Chung Wan、Choong Wan），又叫中區（Central District），係香港一地，地處香港島北岸，域多厘城四環之一。環頭西起消防街、急庇利街、城皇街、樓梯街，東至金鐘道與灣仔相接，南便去到堅道，北便經干諾道中望海。圍起上嚟約莫有309英畝。中環自香港開埠計起，一路都係行政同商業中心，亦係香港政府、香港立法會所在地，故此有人話此地乃係「香港心臟」。
名
[編輯]中環與中區，並非同一概念。中環個環，唐人聚居嘅地。最初係今日中環街市對上嘅谷，有幾條涌喺處，華人在此搭屋聚居。而中區係英人地域分野。
風物
[編輯]現時花園道同鐵崗之間個山仔，大早開埠嗰時經已欽定為政府用地。故此政府機關即如港督府、輔政司署、軍需局、兵房都通通擺響嗰處。而海關、海軍船塢、添馬艦海軍基地亦建於中環海旁。時移世易，雖則香港幾經變遷，不過舊蹟依然。
舊陣時重未曾填海，德己立街、威靈頓街嗰頭洋行多過米舖。當其時嘅洋行成棟樓都係佢嘅（亦即買斷一個地址冧把），樓下係辦公室，樓上就做職員宿舍。中環銀行亦都多到離晒譜，幾乎冚棒冷外國銀號都將總行置於中環。就咁，皇后大道中打上慢慢變成金融商業區，南便就做咗商業住宅地。外國三教九流諸如天主教、聖公會、浸信會都響中環興建總堂，愛嚟做傳教基地。後嚟重有埋西式學校，教化好多唐人子姪。
開埠初期，好多鬼佬唔妥唐人，做乜都唔滲唐人玩，中環一隅，唐人與狗唔入得。及至軒尼詩出任港督之後，至准唐人響中區買地。
時至1911年，中環經已旺到出汁，華洋薈萃、商賈雲集。享譽盛名有聖約翰座堂、港督府、舊大會堂、香港會所、畢打街舊鐘樓諸如此類。
家陣中環住宅同商業分得一清二楚。威靈頓街南便係住宅地，海旁係商業中心，石屎大廈林立，即如國際金融中心、交易廣場、置地廣場、匯豐銀行大廈、中國銀行大廈、怡和大廈。座座大廈都零舍唔同人，每每令遊客歎為歡止。
中環雖則係旺到爆嘅商業區，之但係麻雀雖小五臟俱全，區內都相當多休憩場所，好似兵頭花園、香港公園、遮打花園、皇后像廣場、愛丁堡廣場咁。其中香港公園算係好去處，至啱冚家一齊去。
區內有眾多西式古蹟，譬如話荷李活道中區警署、域多利監獄、都爹利街煤氣燈之類。
中環至有異域情懷之地，相信皇后像廣場敢認第二都冇埞敢認第一。逢親禮拜日，皇后像廣場至遮打道都轉做行人專用區，准許各種團體做騷，呂宋文化大放異彩。
得意街名
[編輯]港英政府官名
懷舊古老街名
詩
[編輯]1870年，黃遵憲赴廣州考鄕試途經香港，吟詩幾首，其中不乏講及中環情形。
見當其時中環洋商共教會之新奇：
| 「 | 酋長虬髯客，豪商碧眼胡。
金輪銘武后，寶塔禮耶穌。 火樹銀花耀，氈衣繡縷鋪。 五丁開鑿後，欲界亦仙都。 |
」 |
講述上中下環紙醉金迷、夜夜笙歌之情形：
| 「 | 沸池笙歌海，排山酒肉地。
連還屯萬室，尺土過千金。 民氣多羶行，夷言學鳥音。 黃標千萬積，翻訝屋沈沈。 便積金如斗，能從聚窟消。 蠻雲迷寶髻，脂夜蕩花妖。 龍女爭盤鏡，鮫人鬥織綃。 珠簾春十里，難遺可憐宵。 |
」 |