香港動植物公園
香港動植物公園（英文：Hong Kong Zoological and Botanical Gardens），減筆爲動植物公園，人稱兵頭花園，舊書亦寫公家花園（英文Public Gardens），係香港最耐歷史嘅公園。公園響香港島中環雅賓利道，俾羅便臣道、己連拿利、上亞厘畢道及花園道等幾條街圍住。公園佔地5.6公頃。公園大門口響雅賓利道。以前係由市政局管轄，後改由康樂及文化事務署管理。行政上歸中西區。
公園喺正香港禮賓府側。
歷
[編輯]
1841到1842年之間，兵頭花園係香港總督官邸。去到1848年，香港政府已經有起植物公園嘅計劃，之不過，因為冇錢而押後，最後要 1853年先開始起[1]。1864年8月6號，個公園第一期開放畀公眾用。由於公園以北係上亞厘畢道，係港督府嘅所在地，而香港總督名義係三軍統帥，所以就叫佢做兵頭。因為咁，人人都叫呢個公園做兵頭花園。1871年，公園全面開放，改咗個名做香港植物公園。
顧名思義，當時香港植物公園內以植物為主。但由1876年起，公園開始養埋雀鳥同哺乳動物，畀遊客觀賞。
當時公園佈局，可分爲下中上三層，斜喺山上。中層有大噴水池，當時叫水景，公園屢次重建，但必定原地再建水景。喺十九世紀時，好多西人細路、僕婢喺度玩。黃昏有西樂演奏。而中層尚有養雀巢同果園。1876年，香港總督堅尼地卸任。喺上層1877年，公園立咗前港督堅尼地嘅銅像，由香港總督德輔親自點題。立像紀念堅尼地促成公園全面開放，同埋佢響香港嘅貢獻。喺1890年，公園職員人工支出，係銀八千零七十五員六毫九仙[1]。
公園響1931年到1933年暫停開放，以便響公園底起水庫。
香港日治時期，公園俾日軍改名做大正公園，重起埋香港神社。公園裏面堅尼地銅像都運咗去日本熔咗。戰後1958年，就改咗放英王佐治六世嘅銅像。後尾公園擴建，留畀哺乳動物同爬蟲類居住。為咗反映公園裏面多咗好多動物，喺1975年就改名做香港動植物公園。
過去亦有一啲世界知名人士以野生動物基金會嘅名義前往公園參觀，例如愛丁堡公爵（1983年）同英國安妮公主（1988年）。
開放時間
[編輯]
- 噴泉平臺花園：每日上晝5點到下晝10點
- 植物溫室：每日上晝9點到下晝4點半
- 其他部分：每日上晝6點到下晝7點
地理環境
[編輯]設施
[編輯]
- 公園東部（舊公園）：已故英王佐治六世全身銅像、兒童遊樂場、鳥舍、植物溫室、噴泉平臺花園
- 400隻雀鳥：美洲紅鸛、長冠八哥、黃頸黑雁、巴拉望孔雀雉（以前市政局管轄嘅年代，重養過全數十幾種孔雀雉品種，重成為全球首宗成功繁殖個案）、多種鳳冠鳩、鶴類（而家主要係丹頂鶴同埋藍鶴），重有其他水鳥好似笑翠鳥、林鴛鴦、黑臉琵鷺等。現時亦放養一啲金剛鸚鵡，犀鳥品種。
- 公園南部設有「藥用植物園」。
- 2008年12月，全新嘅「教育及展覽中心」開幕，位置喺新公園舊美洲豹籠嗰度。
