占士麥士維

出自維基百科,自由嘅百科全書
(由James Clerk Maxwell跳轉過嚟)

麥士維(James Clerk Maxwell,1831年6月13號1879年11月5號)係英國物理學家。古典電動力學嘅創始人,統計物理學嘅奠基人之一。麥士維嘅主要貢獻係建立咗麥士維方程式組,創立咗古典電動力學,並且預言電磁波嘅存在,提出光嘅電磁說。麥士維係電磁學理論嘅集大成者。佢出生喺電磁學理論奠基人法拉第提出電磁感應定理嘅1831年,後來又同法拉第結成忘年之交,共同構築電磁學理論嘅科學體系。物理學歷史上認為牛頓嘅古典力學打開咗機械時代嘅大門,而麥士維電磁學理論就為電器時代奠定基石。1931年,愛因斯坦喺麥士維百年誕辰嘅紀念會上,評價佢嘅建樹「係牛頓以來,物理學最深刻同最富有成果嘅工作。」