Talk:阿伯拉罕·加斯亞
「阿伯拉罕·加西亞」一睇就知係普通話譯音[編輯]
唔知開呢版嘅人點改名嘅，「阿伯拉罕·加西亞」一睇就知係普通話譯音。呢位仁兄查過佢原名叫Abraham García Aliaga，按「姓+名」形式嗌成「Abraham García」，屬西班牙人（相關參考：[1][2][3]），所以按西班牙文嘅歐洲地區讀音嚟譯。
Abraham同Garcia兩詞嘅a字讀/a/音肯定冇得拗喇，但係r字讀/ɾ/音，因為歐洲地區嘅西班牙文發/ɾ/音要符合以下兩個條件：
- 兩個元音字母之間。
- 要組合成輔音字嘅整體認讀塊（例如br、tr、pr、cr呢啲或類似組合）
但Abrham嘅-br-同Garcia嘅-rc-部分，啱好符合以上條件，所以發/ɾ/音。讀音同日文ら嘅聲母一樣（相關參考）。
由於ham呢個詞可以組成閉口音，加上粵語有閉口音嘅優勢，所以用閉口音字，而且西班牙文嘅h一般唔發音，（補充）所以-raham部分嘅譯法可以借鑒蘭尼·巴岑嘅經驗，採取-aha-嘅連譯方法（因為兩個/a/音之間冇/ˀ/符號）。
而c字喺西班牙文有兩種讀音。按歐洲嘅西班牙文發音規則（/θ/音一般喺i或e之前讀，/k/喺邊度嘅c都得），但c咁啱喺i字嘅前邊，所以讀/θ/音。不過粵語音同普通話音方面，/θ/音嘅讀法唔一樣，普通話同/s/音有些少似，但粵語同/f/音相似，所以應該用帶有聲調 f 嘅粵字。
綜合嚟講，我建議譯阿伯拉岩·交非亞或阿伯拉岩·加非亞（修正譯名）阿伯藍·交非亞或阿伯藍·加非亞。--WKDx417 (傾偈) 2015年10月4號 (日) 07:56 (UTC)
- 吓？Abraham譯爲「亞伯拉罕」係固定譯法喎，而且睇佢講嘢就知唔識西班牙文嘅，未食過夜粥，所以唔知啞音字母嘅作用係乜嘢，連嗰個字母係邊隻都未知，亦就唔知究竟Abraham要點譯。Garcia我重可以指點下，r呢個花音可以唔譯，學過講西文會知道有時會吞音，普通話譯Garcia亦唔去譯「r」。至於將咬脷音譯成「f」，係想當然將英文嘅咬脷音嫁接去西班牙文，實際上西班牙文咬音更尖，譯爲「斯」會更合適。音標係一回事，但實際口音係一回事，始終未學過語言，就會落得WKDx417嘅笑話──我哋啲行家睇到真係好想笑。唔夠料就咪學嘴學舌啦。唉，冇眼睇，Cedric，有請你同佢講下乜嘢係固譯，又點解音標唔係十足萬能，現行IPA又有乜嘢缺陷，冇噉好氣。--S7w4j9 (傾偈) 2015年10月8號 (四) 16:01 (UTC)
而且睇佢講嘢就知唔識西班牙文嘅，未食過夜粥，所以唔知啞音字母嘅作用係乜嘢，連嗰個字母係邊隻都未知，亦就唔知究竟Abraham要點譯。
始終未學過語言，就會落得WKDx417嘅笑話──我哋啲行家睇到真係好想笑。唔夠料就咪學嘴學舌啦。
今次重唔中正你下慰，開心啦。我一睇你都唔識西班牙文喇（點解你用戶頁嘅Babel當中冇寫「es-*」代碼），係咪諗返同TALK:提比略同貝加爾湖嗰單唔愉快事件先？又唔見你喺篇篇西班牙佬嘅譯名度提？有口話人無口話自己。
Abraham譯爲「亞伯拉罕」係固定譯法喎
上面先多謝S7w4j9畀嘅Abraham出處同/θ/音比較尖嘅問題，佢話Abraham有固定譯法，可能佢唔知粵語重有兩種固譯：叫亞巴郎（亞巴郎篇嘢唔係我寫嘅，而係另有其人），究竟亞巴郎係點嚟，問下HenryLi就知喇（雖然我同HenryLi有好多傾唔埋，但嗰邊我真係支持亞巴郎，因為好多耶穌書【[4][5][6]……重有好多好多，Google搵「亞巴郎」有將近一百萬條】都係噉譯）或亞伯蘭（Google搜索：亞伯拉罕【657000】；亞巴郎【992000】；亞伯蘭【8880000】）。呢三個當中我會揀亞伯蘭。而/θ/音比較尖嘅問題，我已經諗返Cedric兄喺TALK:呂碧克講嘅德文爆/k/音嘅嘢。
Cedric，有請你同佢講下乜嘢係固譯
佢講嘅固譯我已經諗返TALK:馬利奧·居策嗰單。佢譯「馬里奧」三個字唔係幾讚同，因為粵語區用「馬利奧」三個字用咗卅年都噉嗌，而且屬固有譯名。 --WKDx417 (傾偈) 2015年10月10號 (六) 00:31 (UTC)
- 另外阿伯拉罕加西亞係官方譯名— 之前未簽名嘅留言係由Plkdsa231（留言 • 貢獻）所加入嘅。
- 官網唔係準確譯名來源。--WKDx417 (傾偈) 2015年10月10號 (六) 23:06 (UTC)
- 認同S7w4j9所講。唔明點解WKDx417可以多謝我提醒「佩琳」明顯唔係粵音嘅人名，但又冇留意到我之後嗰句「同埋如果自己唔夠級數去處理外文譯音嘅話就唔好搞咁多嘢。」。而家WKDx417搞譯音嘅功力已經受到唔止一位維基友質疑，佢再搞譯音之前係唔係應該「停一停，諗一諗」呢？而早幾日WKDx417喺User talk:119.247.156.142嘅留言，說服力睇怕都打折。
- 睇過上面討論，「加西亞係普通話譯音」我都重可以理解，但我想請教下WKDx417「多佛」點樣似普通話譯音，連一日都唔等得就要搬？我點睇都覺得只係個音差少少啫。
- 最後，唔該唔好再用引用方式回覆，呢度唔似網上討論區噉樣分幾多樓，同埋維基友係唔會用呢種方式去覆人㗎。SC96 (傾偈) 2015年10月11號 (日) 12:54 (UTC)
- 我唔曬我學過西班牙文，就好似我所講嘅，我基本唔打理自己嘅戶口頁面。我唔似WKDx417咁鬼好笑，咁好心機，喺自己嘅戶口頁面鬧呢個人，又唔知反擊邊個邊個，我有噉嘅時間做啲咁無聊嘅事，我不如喺維基之餘，讀多幾本書，精進我學過嘅所有外文，免得我自己好似WKDx417噉樣出醜啊。若講我要反思，係，我確實唔點睇「最近修改」，唔得閒，而家唔活躍參與社群啲爭論，所以唔會篇篇都講。我份人幾自私，只想寫好有興趣嘅文章，希望啲行家未至於睇衰小弟能力，其他唔識嘅、冇興趣嘅，我真係唔去掂。所以我唔似WKDx417噉樣，自己唔學嘢、又冇料，又咁鬼閒人是非，去篇篇文章度講所謂嘅「譯名問題」。
- 「亞巴郎」唔係唔可以，只係譯法太古舊。好似WKDx417話要與時俱進喎，HenryLi啲文言語法WKDx417就話唔夠與時俱進，噉WKDx417又用啲古舊譯名來做擋箭牌？想搏出位畀人睇都唔係噉嘎？只會畀人恥笑玩雙重標準。
- 另外，我贊成用《多佛》做正題。係噉先。WKDx417想繼續嘈落去，自己慢慢。--S7w4j9 (傾偈) 2015年10月11號 (日) 16:37 (UTC)
- WKDx417成日捉住「馬利奧」唔放，殊不知佢係識啲唔識啲，「馬利奧」作為固有譯名，對應嘅祇係任天堂出嗰個遊戲系列同埋裡面個主角，而唔係其他叫「Mario」嘅人。麻煩佢自己去廣州圖書城買返幾本講翻譯理論嘅書睇下先。【粵語文學大使殘陽孤侠】支持全面中止IP用戶編輯權 2015年10月11號 (日) 21:06 (UTC)